أنا لا اصلى...... واليكم اسبابى

انا لا اصلي ومش مكسوفة اني اعترف بكده
اصل هصلي ازاي
وانا واحدة كل يوم اصحي من النوم الساعة 7 الصبح علشان اروح المدرسة
وبرجع من المدرسة الساعة واحدة ونص وببقي تعبانة موووت فبنام شوية لاحد الساعة 3
والساعة 3 ونص بيبقي عندي ردس برجع منه الساعة 5 وبرجع برضه ببقي تعبانة ومش بعرف اذاكر فبنام الحد الساعة 6 ونص وبصحي بقي اتفرج علي التليفزيون لاحد ما انام بالليل تاني
عرفتوا ليه بقي انا مش بصلي
علشان كل الصلوات بتروح مني مواعيدها بسبب الدراسة والدروس والمدرسة لان ده برنامجي اليومي تقريبا مش بقعد في البيت خالص طول اليوم في الدروس
7

7
7
7
7
7

7

7

استنوا ... استنوا ما تهزئونيش
ده الكلام اللي كنت بقوله قبل كده لو حد سألني انتي مش بتصلي ليه اقوله لضيق الوقت وطول اليوم مذاكرة ودروس هصلي امتي

كنت دايما حاسة اني ضايعة تايهه مش مجمعة
وكل ما ربنا يهديني وامسك كده كتاب اذاكر فيه افتكر فلانة الفلانية اللي جابت النهاردة اعلي مني في الامتحان واقعد بقي اغل واحسد عليها واكرهها

كان دايما كل صحابي بيكرهوني مش عارفة ليه بالرغم من ان صحوبيتنا مش مبنيه علي اذا كنت بصلي وللا لأ
لكن كان دايما عندي احساس ان كلهم بيكرهوني وبيحقدوا عليه زي ما انا بحقد عليهم
كنت متفوقة عنهم من غير صلاه وكنت بجيب درجات كويسة دايما وتقفيل الامتحانات

سبحان الله من اول ما دخلت ثانوية عامة وقعدت اجد واجتهد واشطر نفسي واقول واصلي ليه ما انا متفوقة من غير صلاه ده انا حتي كنت جايبة اعلي من فلانة الفلانية في الاعدادية بخمس درجات

وفضلت اذاكر واحل واذاكر

وعارفين في الاخر جبت كام
7
7
7
7
7
7
7
7
7
70 %
ايوه 70%
حزنت بقا وبابا وماما قعدوا يقولولي انتي ضيعتي املنا فيكي انتي خدعتينا ...كنا فاكرينك شاطرة ومتفوقة
انتي اصلا بتخدعينا

ولما عملت تظلم في الامتحانات ما هانش حتي عليه اصلي قبلها علشان ربنا ينصرني واخد حقي

وبالفعل لاقيت نفسي مظلومة والاسئلة طبق الاصل زي نموذج الاجابة ومع ذلك عليها علامة غلط كبيرة
يعني من الاخر ربنا وقعني في مصحح لطيف بيحب حرف الx مووووووووت وكانت النتيجة 70% وانا في علمي لأ وايه علمي علوم

نسيت اقولكم علي موضوع كمان بعيد عن الدراسة خالص اني حبيت واحد زمان ..وللاسف هو ماحبنيش وبعد عني وكنت بحس انه بيقرف مني دي حاجة كمان من ضمن الحاجات اللي فشلت فيها
وبعدين
7
7
7
7
7
7

ليلة راس السنة الهجرية كنت قاعدة كده مع نفسي و وبفتكر فلانة الاولي علي الجمهورية اللي معايا في المدرسة وجابت ماشاء الله 99.8
واللي كمان كانت في يوم من الايام صحبتي
ياتري ايه اللي عملته هي علشان تجيب الرقم ده
انا اعرف من زمان انها بتذاكر اووووووووي زيي وكمان انا كنت اشطر منها وبجيب درجات اعلي منها
ياتري هي عملت ايه

انا اعرف برضه من زمان انها ما بتفوتش فرض وانها حافظة اجزاء من القرآن وانها مش بتتفرج علي التلفزيون ولا بتسمع اغاني زيي

بس ايه علاقة ده بالتفوق والمجمووع

وبعدين خدتني ذكرياتي للشخص اللي انا كنت بحبه ده وبعد عني
وفكرت ليه صعب ان احنا لما نحب حد مش بيحبنا وان لما حد يحبنا اوووووووي بيبقي هدفه انه يسعدنا ويحقق لنا امالنا

اله طب ما انا لو حبيت ربنا وتوبت له وطعته في كل اللي بيأمرني بيه ربنا عمره ما هيرفض حبي له لان ربنا هو اللي خلق الحب والرحمه وساعتها لما احبه هيسعدني وهيحقق لي كل اللي بحلم بيه وهيوفقني دايما للصح ويحسن حظي

وساعتها سالت نفسي هو انا ليه مش بصلي ليه مش بحفظ ولا بقرا القران

ياتري هو ده اللي خلي فلانة تتفوق عليه بالرغم اني كنت زمان متفوقة اكتر منها

اكيد هو ده السر

ومن ساعتها بدأت اصلي واعمل لنفسي كل يوم ورد من القرآن
ووالله والله حسيت بفرق كبير في المذاكرة
حسيت ان ساعات المذاكرة قلت بس بقيت استفاد بيها كتير بقيت دايما كل ما اسمع الاذان نفسي بتنشرح علشان هقوم اقابل حبيبي اللي مرفضش حبي واللي هيساعدني وانا محتاجاله واللي خد بايدي من بحر التوهان واللي شال من قلبي الحقد والحسد من غير ما احس واللي خلاني احب نفسي

ما اكرمك يا الله ياللا رحمتك بعبدتك الضعيفة التي لا ملجأ لها سواك

عارفة انكم زهقتوا وبتقولولي لخصي عاوزة تقولي ايه

احلفلكم بالله اني كنت بحس بنفس الزهق لما حد يكلمني برضه عن فضل الصلاة زمان
بس بجد يا جماعة جربوا بس ركعتين الفجر هتحسوا بالفرق في كل حياتكم حبوا ربنا ربنا هيحبكم
اوعوا تصلوا علشان بتطلبوا منه حاجة لأ صلوا لأن الصلاة هي سبيل الانسان لحب وعشق الذات الالهي
فكروا في كمية الرحمة والكرم والحب اللي عند ربنا واللي هيغمرنا بيها لو بس صلينا وسمعنا كلام ربنا

في الاخر بقا بطلب منكم تدعولي ان ربنا يثبتني علي طاعته

منقول

شكرا موضوع جميل