منتديات مدارس طوخ الخاصة
أهلاً بكم في منتـديات مدارس طوخ الخاصة
*ملحوظة: بعد التسجيل يجب تفعيل العضوية من الإيميل



 
الرئيسيةالبوابةاليوميةس .و .جبحـثالأعضاءالمجموعاتإحصائيات المنتدىالتسجيلدخول

Facebook fan page
المواضيع الأخيرة
» امتحانات هندسة للصف الثالث الإعدادي (الفصل الدراسي الأول)
الأحد فبراير 19, 2017 9:16 am من طرف elrayek

» المجموعة الكاملة من الــ BBC لتعلم اللغة الانجليزية Follow Me BBC Learning & BBC DVD English Plus
الأحد فبراير 19, 2017 9:15 am من طرف elrayek

» حصريا اجدد واحلى مقدمات تعبير
السبت أغسطس 06, 2016 12:31 am من طرف elrayek

» أوائل الصف الثالث الثانوي (علمي علوم) بمدرسة طوخ الثانوية الخاصة 2012/2013
السبت أغسطس 06, 2016 12:24 am من طرف elrayek

» امتحانات الصف الثالث الاعدادى الفصل الدراسى الاول لعام 2011 -2012
الأحد يناير 03, 2016 3:34 pm من طرف elrayek

» اهم كلمات اللغة الألمانية
الجمعة فبراير 21, 2014 3:15 pm من طرف ayman

» تقريري عن محاضرة عن الإنعاش القلبي الرئوي
الخميس أكتوبر 10, 2013 12:10 am من طرف سارة أيمن

» تقرير عن كتاب "رحلتي من الشك إلى الإيمان"
الجمعة سبتمبر 13, 2013 1:53 pm من طرف سارة أيمن

» اقتباسات من كتاب "اندهش يا صديقي" لعبد الوهاب مطاوع
الجمعة سبتمبر 13, 2013 1:50 pm من طرف سارة أيمن

» أوائل الصف الثالث الثانوي (علمي رياضة) بمدرسة طوخ الثانوية الخاصة 2012/2013
الثلاثاء سبتمبر 10, 2013 6:45 pm من طرف بسمة جميل

مواقع صديقة
To start blogging

شاطر | 
 

 كل ما يخص اقسام كليه هندسة..

اذهب الى الأسفل 
كاتب الموضوعرسالة
سارة أيمن
Admin
Admin
avatar

انثى
عدد المساهمات : 5871
العمر : 22
الموقع : --------------
العمل/الترفيه : طالبة
فصل : :'(
المزاج : disappointed
مزاجي اليوم :
المهنة :
الهواية :
أوسمة العضو :
نقاط : 22568
السٌّمعَة : 201
تاريخ التسجيل : 06/12/2008

مُساهمةموضوع: كل ما يخص اقسام كليه هندسة..   الجمعة فبراير 10, 2012 12:25 pm

الموضوع منقـــــول


بسم الله الرحمن الرحيم


أولا الاقسام الموجوده بكلية الهندسة بحلوان


ميكانيكا


1. طبعا اجمل قسم فى الهندسة.... اللى يدخل ميكانيكا لازم يعرف انة قسم صعب جدا بس لو حتحبوا حيكون لذيذ جدا......

2. لو عايز تدخل ميكانيكا لازم تعرف ان كتاب الفيزياء بتاع ثانوية عامة اللى درستة حتلاقى كل فصل منة بقى مادة ولا اثنين فى القسم وعلى فكرة مش معنى ان القسم اسمة ميكانيكا انك حتاخد ميكانيكا لغاية لما تموت.... لا القسم اغلبة مواد فيزيائية و تصميم......

3. لازم تعرف ان قسم ميكانيكا اقوى و افضل قسم فى مصر على الاطلاق .... وانا بقول كدة من واقع الشغل والحياة العملية اللى برة الكلية.....

5. نطاق شغل مهندسين ميكانيكا برة كبير و مراتبتهم حلوة

6. ينقسم الى انتاج و صناعيه و ميكاترونيك

ميكانيكا(انتاج)


1.طبعا مجال الانتاج دة من اكثر المجالات الرهيبة جدا و اللى مش اى حد شغال فيها و مرتباتها عالية جدا طبعا لو طلعت مهندس فاهم و حتبقى استشارى فى حدود 7 سنين من تخرجك

2.ولازم تعرف ان انتاج اصعب قسم فيكى يا هندسة على الاطلاق..... وانك احتمال 85% حتسقط سنة ولا اثنين فى النص

3. الدراسة فية 50% انتاج..... والانتاج هوة بالضبط اللى اخذتوه فى اعدادي بس بتوسع كل باب من اعدادى بيكون نصف الكتاب

4. مجال العمل يكون فى المصانع و تشغيل الماكينات فى الورش الصناعية الكبيرة و احيانا فى مجال تاكيد الجودة.

-
ميكالكترونيك


1. قسم جميل يجمع بين ميكانيكا و الكترونيات فى دراسته
2. مجال عملة محدود فى مصر يعنى من الاخر فى الغالب حتطلع تشتغل فى ميكانيكا او الكترونيات مش الاتنين مع بعض زي ما هوة مفروض

3. اما لوكنت حابب الموضوع وابدعت فية مش عايز اقولك انك حتبقى اية...

كهرباء


1.مهندس الكهرباء بيستلم من مهندس الميكانيكا و من المجالات اللى مجال شغلها واسع جدا زي ميكانيكا

2.و مواضيع دراستها تتلخص فى كل ما يخص الكهرباء و قليل من الالكترونيات.... يعنى لو مش فاهم كهربية اعدادى او حاسس انها تقيلة على قلبك.... اياك تدخل قسم كهرباء يااما للاسف ممكن ماتطلعش منه..!!!

3.حيكون نطاق عملك فى كل حاجة و اي شركة هندسية حتكون فيها مهندس كهرباء

-
اتصالات


1. لو حابب اتصالات و عايز تتدخلها و عندك حد يشغلك برة مصر....تيبقى لازم تدخلها..... اما لو حتفضل جوا مصر فلازم تعرف ان مجال اتصالات ضيق للغاية و يكاد يكون منحصر فى شركات الاتصالات و المحمول و البترول فقط.... وشوف بقى كام الف مهندس اتصالات بيتخرج...

2. مواد اتصالات تشبة مواد كهرباء اوى لان اتصالات جزء من الكهرباء اصلا ...

3. اغلب مهندسين الاتصالات فى مصر بيشتغلوا فى الاخر يا اما مهندسين كهرباء او مهندسين كومبيوتر .... طيب ما تدخل كهرباء او كومبيوتر من الاول و لخص....

4. و ينقسم القسم الى حاسبات و الكترونيات

طبية


1.طبية هى عبارة عن خليط من مواد قسم ميكانيكا على كهرباء على مواد طبيه احياء و كيميا عضويه.... وقسم طبعا مش سهل...بس طبعا كلامى دة ميفرقش كتيير مع اللى حيدخلوا... دة هيكون من المتفوقين....

2. طبعا مفيش غير حلوان و القاهرة اللى فيهم طبية يعنى اقل من 100 مهندس طبية كل سنة بيتخرج و دى طبعا ميزة

3.طبعا مفيش كلام على القسم.... و المجموع فيها صعب ..


ثانيا الاقسام الموجوده بكليه الهندسه بالمطريه

ميكانيكا باور


1. خليط بين قسم الميكانيكا و الكهرباء نفس المواد بتاعت القسمين و مجال شغله كويس جدا

- سيـــارات:

1. القسم دة قريب جدا لميكانيكا و بنصح بية الاولاد بس... بس على البنات هيقكون صعب شوية .... الا اذا كنتى ناوية تتجوزى و تقعدى تربى عيالك

3. القسم دة مفيش منة الا فى كليتين بس ...يعنى عدد المهندسين السيارات اللى بيتخرجوا كل سنة فى مصر كلها ميعدوش 300 مهندس ودة عدد قليل جدا و ميزة طبعا

4. ممكن بعد ما تخلص ميكانيكا برضة تشتغل فى مجال سيارات.

5. المواد اللى فية كلها تتعلق بالصيانة و محركات الاحتراق الداخلى و الفيزياء - بس مش زى ميكانيكا طبعا - وأنظمة التعليق وعلى فكرة المواد بتاعتهم قريبة قوى قوى من ميكانيكا بس امتحانتهم اسهل بكتيييييييييييييير

عمارة


1. قسم عمارة دة بقى قسم البنات أكثر من الاولاد و المواهب طبعا...

2. القسم دة بنسميه تجارة هندسة علشان محدش بيسقط فية ولا حتى بيشيل مادة..... دة اللى بيجيب جيد....جيييد... بيعيط..!!!! ودة ميزة للى عايز ينجز و يخلص.

3. طبعا القسم دة المذاكرة فية قليلة خالص بس المجهود البدنى فية عالى جدا... يعنى لو كنتى بتاعة بابى و مامى ونونو.. متفكريش فى القسم دة خالص

4. يعنى ممكن ايام المشاريع تقعدى شغالة مثلا لغاية 12 ليلا فى الكلية

5. لو عندك حس فنى و قدرة على الابتكار ادخل القسم دة على طوول... و لو عايز تدخلوا منظرة او علشان تفرح بالمسطرة اللى حتكون اطول منك ...بلاش.. مش حتسقط حتنجح برضة و حتجيب جيد.... بس حتتخرج من الكلية علشان تقف على "عمارة" تحرسها -بواب يعنى-

6. عيب القسم دة انه مجال عمله لا يسمح بوجود انصاف المواهب... يعنى لو عندك موهبة حتطلع تشتغل فى احسن الاماكن و بمرتبات خرافية.. بس لو موهبتك عادية هتشتغل بقرشين....

8. مواد القسم اغلبها رسم و مواد من قسم مدنى وهى مواد تتعلق بخصائص المواد و الانشائات و المساحة وحاجات بسيطة و لذيذة

مـــدنـى


2. القسم دة بقى جمع المعادلة الصعبة ومسك العصاية من النص...يعنى لا هوة صعب قوي زي ميكانيكا وكهرباء ولا هوة سهل اوى زى عمارة.....لا مجال عمله واسع اوى زى ميكانيكا و كهرباء و لا ضيق زى عمارة...و دى ميزة للى بيحب المعقول

3. القسم دة مشكلتوا ان تسليم الشيتات بيكون تقريبا اسبوعى طول السنة

4. و المواد فية كلها بقى خرسانة و طبيعة مواد و سدود و سكك حديد و مساحة و هندسة انشائية....

5. الفرق بين المهندس المعماري و المدنى ان الاول بيرسم و التانى بينفذ .... يعنى الاثنين بيسلموا لبعض

6.مجال شغلة مش بطال بس فية سنة بهدلة شوية

7. واللى نفسة يبنى عمارات و سدود و كباري و انفاق يدخل مدنى على طوول


اقسام خارج جامعة حلوان

كمياء


1. اولا القسم دة موجود فى القاهرة و فى هندسة العاشر....

2. قسم انا شايف انة مالوش مستقبل لانك لا حصلت مهندس بترول و ولا جبت علوم قسم كمياء.... يعنى ممكن تدرس كمياء فى مدرسة خاصة لما تتخرج.

3.مواد دراسته تتلخص فى كتاب الكمياء اللى تخذته فى اعداداى هتلاقية بقى مواد و كورسات و كتب و اتمط و اتوسع و بدل ما حتخده فى ترم هتدرسه فى اربع سنين ...


نووية


1. القسم دة موجود فى هندسة الاسكندرية فقط....

2.طبعا قسم حكاية و رواية وشوف بقى المجال النووى والذرى فى العالم وصل لغاية فين فى جميع المجالات

3.لما تتخرج من القسم دة حتلاقى مستقبل مشرق فى المكان الوحيد اللى بيشغل بتوع الذرات فى مصر - مع الاعتذار لجورج سيدهم - الا و هو المركز القومى للطاقة النووية و طبعا مرتب رهيب حوالى173 جنيها و لما تتجوز هيراعوا دة وهيزودوك حوال 6 جنية .

4. اما لو هتسافر برة بالتحديد امريكا انسى بقى مصر لانهم مش هيخلوك تشفها تانى بس روح بقى هناك و تبقى عالم كبير و مش بعيد تعمل قنبلة نووية....

5. مجال دراستها ينحصر فى الفيزياء الكلاسيكية -اللى زى اللى درستها فى اولى ثانوي- و الفيزياء الحديثة

طيران

1. موجودة فى القاهرة فقط.

2. قسم من الاقسام الداخلية لميكانيكا وطبعا مجال جامد و برستيج عالى جدا

3. ممكن تدخل ميكانيكا و تخلص و تعمل دبلومة فى الطيران و تبقى مهندس طيران قد الدنيا

4. نفس دراسة ميكانيكا بس مع التركيز على الايرو ديناميك بشدة..

قسم البترول و التعدين


1. هتتخرج هتبقى مهندس بترول قد الدنيا و بمرتب جامد جدا و يا سلام لو سافرت بقى بره مصر و يا سلام اكتر لو مهندس شاطر بره مصر هيدوك شقه و اقامه و تظبيط يعنى مرتبك كله فى البنك

2. بس ممكن اى مهندس تانى يروح يشتغل فى المجال ده و لو شاطر هيبقى احسن من بترول نفسه

منقول مع بعض التعديلات (البسيطة)
المعلومات مش كثيرة في الموضوع هحاول أشوف موضوع تاني إن شاء الله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://zohor-mostaqble.ahlamontada.net
بسمة جميل
مراقبـ
مراقبـ
avatar

انثى
عدد المساهمات : 1875
العمر : 21
العمل/الترفيه : طالبة
فصل : 2 ث لغات
مزاجي اليوم :
المهنة :
الهواية :
أوسمة العضو :
نقاط : 16633
السٌّمعَة : 88
تاريخ التسجيل : 13/12/2008

مُساهمةموضوع: رد: كل ما يخص اقسام كليه هندسة..   الإثنين فبراير 13, 2012 6:21 pm

"اتصالات

1. لو حابب اتصالات و عايز تتدخلها و عندك حد يشغلك برة مصر....تيبقى لازم تدخلها..... اما لو حتفضل جوا مصر فلازم تعرف ان مجال اتصالات ضيق للغاية و يكاد يكون منحصر فى شركات الاتصالات و المحمول و البترول فقط.... وشوف بقى كام الف مهندس اتصالات بيتخرج...

2. مواد اتصالات تشبة مواد كهرباء اوى لان اتصالات جزء من الكهرباء اصلا ...

3. اغلب مهندسين الاتصالات فى مصر بيشتغلوا فى الاخر يا اما مهندسين كهرباء او مهندسين كومبيوتر .... طيب ما تدخل كهرباء او كومبيوتر من الاول و لخص....

4. و ينقسم القسم الى حاسبات و الكترونيات"


انتي بتبشري هناء مثلا؟ Very Happy
هناء اتصالات بس هندسة شبرا وان شاء الله هتكمل حاسبات.. Smile

شكرا ليكي يا سارة Very Happy
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
سارة أيمن
Admin
Admin
avatar

انثى
عدد المساهمات : 5871
العمر : 22
الموقع : --------------
العمل/الترفيه : طالبة
فصل : :'(
المزاج : disappointed
مزاجي اليوم :
المهنة :
الهواية :
أوسمة العضو :
نقاط : 22568
السٌّمعَة : 201
تاريخ التسجيل : 06/12/2008

مُساهمةموضوع: رد: كل ما يخص اقسام كليه هندسة..   الإثنين فبراير 13, 2012 11:00 pm

أنا نفسي أعرف يا جميل هندسة اتصالات بيدرسوا ايه بالضبط Sad

ههههههههههههههههههههه ، أي خدمات يا بسمة Very Happy
خليها تتفاااائل 122335

اقتباس :
اغلب مهندسين الاتصالات فى مصر بيشتغلوا فى الاخر يا اما مهندسين كهرباء او مهندسين كومبيوتر

بس سيبك انتي ، يا سلام لو يحصل اللي مكتوب دة Very Happy Very Happy Very Happy Very Happy Very Happy Wink

ايه أكثر مجال عجبك في الكلية دي؟

انا عاجبني : طيران ، طبي ، مدني و نووي Very Happy

شكراً على مرورك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://zohor-mostaqble.ahlamontada.net
 
كل ما يخص اقسام كليه هندسة..
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات مدارس طوخ الخاصة :: ركن المرحلة الثانوية :: منتدى المرحلة الثانوية العام-
انتقل الى: