جهاز رائع سيكون صيحة في عالم المطبخ :)

جهاز رائع سيكون صيحة في عالم المطبخ
و لهؤلاء لمن لا يجيدون الطبخ سيكون بمثابة كنز بالنسبة لهم !!

يمتلك ذلك أجهزة استشعار متطور جداً فبدلاً من أن تذوق الطعام بنفسك للتأكد من إنه مضبوط سيقوم ذلك الجهاز بذلك الامر

إليك تصميمة و تفاصيله وكيفية عمله >

جهاز انجريسور Ingressure للمصم جونغوو تشوي من مدرسة سنترال سانت مارتينز ،، ذلك الجهاز يقال إنه للطاهين المحترفين ولكني اعتقد إنه مفيد جداً لربات المنزل وبالأخص في أيام الصيام ولكن لماذا ؟

يمتلك ذلك أجهزة استشعار متطورة جداً فبدلاً من أن تذوق الطعام بنفسك للتأكد من إنه مضبوط في نكهته و سمك الصلصة و الملح و الفلفل و البهارات المضبوطه فبدلاً من كل ذلك لن يكون إلا عليك وضع ذلك الجهاز في الحساء أو الطعام لتقرأ بعد ذلك عليه ما يحتاجه طعامك بالضبط وأن كان متعادل في مقاديرة أم هناك خلل ما !!
فهنيئاً لربات المنزل يمكنكم بذلك الاختراع أن تصبحوا أفضل الطباخين .


الجدير بالذكر إن ذلك الجهاز يعتبر من ضمن الأجهزة التي تم ترشيحها لدخول نهائي منافسة مختبر إلكترولوكس 2012 الذي يتم فيه عرض جميع التصاميم والتصورات المستقبليه للأجهزة لتحويلها إلى الواقع والذي ينعقد في ميلانو ، إيطاليا و سيكون النهائي في 25 أكتوبر 2012 .

انا محتاجة اعرف الاراء بتاعتكم ورأيك ايه في الجهاز وشايفينه انه هيبقي اختراع ناجح ولا لأ ؟؟؟؟؟؟؟

انا هحط قريب موضوع عن اجهزة كتير من المعروضة في المؤتمر منهم اللي وصل للنهائي زي الجهاز ده ومنهم لا بس الاول مستنية اعرف اراكم

هههههههههههههههههههههه الجهاز دة معمول ليا بالظبط بجد انا عن نفسي لازم اشتريه باة
كل مرة ماما تخليني ادوق حاجة اقولها حلوة ويطلع يا ملحها كتير يا قليل كل مرة لازم تبقي مش مظبوطة وانا اقول كويسة ... ما عنديش حس تذوق انا كدة باكل وخلاص بجاول اقنع ماما انها حاجة مريحة عشان ما اعدش اتحكم كدة زي بابا مثلا عايز الاكل مملح شوية واخواتي وكدة .. انا مريحة باكل اي حاجة كله عندي حلو بس هي رأيها ان الواحد لازم يبقي ذواق عشان لو بيعمل اكل لحد يعني

بس الجهاز بيظبط الاكل علي اساس ايه؟ يعني فيه ناس بتحب بهارات او ملح زيادة مثلا ... فأظن انه مش هيبقي مناسب للكل ...

أنا بردو بتساءل هيكون مناسب للكل ولا لأ؟
بس تخيلت ان ممكن بيكونوا هيضبطوه على الوصفة؟؟
يعني مثلاً الوصفة لتقول ملعقتين ملح في كمية معينة فيحطوه في أي كمية وهو يقرر
لكن دة كله مجرد فتي xDDDDDD


وأنا كمان بعاني من نفس المشكلة والعصير بيطلع مش مضبوط
ومش باعرف أفرق في الأطعم
يعني مثلاً الكل عمال يقول طعم الأكل هنا مختلف عن مصر وأنا مش بتفرق معايا حاجة xD كله بيتاكل

الجهاز أظن هيكون مفيد جداً واختراع جميل

وكملي يا إسراء موضوعك جميل
منتظرة بقية الاختراعات إن شاء الله
شكراً على المجهود

سارة أيمن كتب:

أنا بردو بتساءل هيكون مناسب للكل ولا لأ؟
بس تخيلت ان ممكن بيكونوا هيضبطوه على الوصفة؟؟
يعني مثلاً الوصفة لتقول ملعقتين ملح في كمية معينة فيحطوه في أي كمية وهو يقرر
لكن دة كله مجرد فتي xDDDDDD

واااااارد بردو يبقي كدة


انا كمان يا اسراء مستنية بقية الاختراعات .. عاجبني الموضوع ^^

انا بردو علي فكرة مش عارفة هيظبط الاكل ازاي يعني لو حد عايزه مالح وبعدين عاجباني حكاية سمك الصلصة يعني هيكتب زودي الصلصة ولا ايه عامة الاختراع غريب وحلو

وشكرا علي المرور نورتوا الموضوع

حلووة الفكرة عجبتنى ,, هما دول الناس اللى شغالة مع ان فى اراء كتير هتقول انهم ناس فاضية وكده بس والله فكرته حلوة جداا ومش اى حد يجيبها بسهولة اكيييد ,, موضوع جميييل

يا سلاااام على الاختراعات عجتنى الدماغ اللى عملت الاختراع ده بس بيتهيأالى هو مش حلو فى نقطة ان زى ما انتو بتقولو كده مش هيناسب الكل
طب سؤال هو الجهاز هيعرف منين ان الأكل كده مضبوط اكيد المخترع مظبطه على مواصفات قياسية متتغيرش
يعنى لو فى اكلات جديدة مش هينفع تتظبط عليها الا بقى لو الجهاز لسه هيطور
مش عارف مش داخل دماغى انا ماماتى بتظبط المقادير بعنيها من قبل ما تدوق ماما دى فنانة ياريت ابقى زيها كده