ماذا يحدث في الأمة العربية؟!

نعم,,
فعندما نري ان العلاقات بين الدول العربية تهتز
بل وتشوه تماما
يحب ان نفكر
ماذا يحدث؟
يجب ان نعترض,,
يجب ان نسجل ارائنا
كتبت هذا الموضوع لاراء جميع الاعضاء
الجميع يدخل ويتحدث ويجاوب
ماذا يظن انه قد حدث للعرب؟
بدأ الموضوع قبل مباراة 14 فظننا انه تعصب من كلتا البلدين
ولكن فوجئنا بالجزائريين -او للدقة بعض الجزائريين- يحرقون علم مصر
وكانه علم اسرائيل
ثم بعد المباراة ولان الله اعاننا فيه وحققنا نصرا
راينا ان التعصب قد زاد
فحرقوا الشركات المصرية عندهم
وهدوا بيوت بعض المصريين هناك
ولكنه في الحقيقة ليس تعصب
انما هو ارهاااااب
كيف محوا كل التاريخ بين البلدين من اجل 90 دقيقة فقط
من اجل ماتش كورة
لنري انه بعد مباراة 18 تم الاعتداء علي المصريين
رجال ونساء واطفال بدون اي تفرقة
ولان الفضول دفعني لان اري ردود الجزائريين علي هذا
دخلت بعض المنتديات الجزائرية
ورايت رد لبنت من الجزائر
تقول انها ظنت ان هذه الثورة ستنتهي بعد الماتش
ولكن فوجئت باننا نتصرف تصرفات وحشية
ابكت 40 مليون جزائري
وهو الاعتداء علي الاتوبيس بالرمي بالحجارة (!!!!!!!!!!!!)
هذا لم يحدث
ولكن ان افترضنا انه حدث
فما رايها عن بكاء 80 مليون مصري واخرون كثيرين من اخواننا في بقية انحاء الوطن العربي
علي الاعتداءات علي المصريين؟
ان حقا ابكتها مشاهد الحجارة وهي ترمي علي الاتوبيس
فما كان شعورها عندما رات مشاهد الاصابات التي تسببوا فيها
وان قلنا ان الجزائر شعب لا يعرف الا الحرب فحول المباراة الي ساحة للقتال
فاين دور الحكومة الجزائرية؟
هل دورها الذي اتقنته -مشكووووووووووورة- هو ان تفتح ابواب
سجونها وتطلق سراح مسجلين خطر
لياتوا يشجعوا فريقهم او بمعني اصح يقتلوا المصريين؟
الجزائريون ذهبوا الي السودان فقط ليقتلوا المصريين ان هزموا او انتصروا
وان كانت هذه هي الحكومة الجزائرية..
فاين جامعة الدول العربية ودورها في الاصلاح بين الدولتين -المفترض الشقيقتين- ؟
واين دورها في ان ترد كرامة وتاخذ حق 80 مليون مصري؟
بما ان مصر دولة عربية طبعا ,والجزائر دولة عربية -رغم ان افعالها تخالف هذا تماما ولكنها ما زالت تندرج تحت قائمة الدول العربية-
الشعب المصري راقي وحضاري وليس جبان كما يتهمونه
ولكن ان كان الشعب الجزائري حقا يريد ان نرد اعتداءهم باعتداء
فنحن ايضا لن نفعل
لاننا لن نرد السيئة بالسيئة
سنترك مصر تاخد حقها بطريقتها
رغم كل مشاكل مصر ولكننا ما زلنا نثق في الرئيس مبارك وحكومته
نثق بانه لن يقبلوا هذه الاهانة ل 80 مليون مصري
وسناخذ حقنا بطريقتنا
ولكن لا بد ان يتذكر الجميع
ان هذه هي مصر التي اعطت الاسلحة للجزائر وساعدتها بل وكانت سبب استقلالها
ولكننا الان نري بان الاسلحة التي اعطيناها لهم هي الان موجهة لنا
وهذه هي الجزائر التي بدورها ردت الجميل وساعدت مصر في نكسة 67 فاعطتنا
شيك علي بياض
لن نمل-نحن كشعب- من المناداة والتحدث عن العروبة
ولن نمل من مناداة الحكومة المصرية باخذ حقنا ورد كرامتنا
والا انقلب الوضع واثرنا حرب اكبر
لان الجرح ما زال مفتوح
ولن نمل من مناداة الحكومة الجزائرية بالتصرف واصدار اعتذار رسمي
لان لن يشفي غليل الشعب المصري غير مثل هذا القرار
ولن نمل من مناداة جامعة الدول العربية من ادخال نفسها ولو لمرة في تاريخها
في شؤون الوطن العربي
فقد حدث كل شئ من الممكن ان يحدث
فماذا تنتظر؟
ولن نمل مناداة الاعلام بالتوقف عن بث الفتن
فالموضوع بالفعل اشتعل
ولا يجب اضافة الجاز الي هذه النار التي اشتعلت بين البلدين
وابسط رد اننا كلنا عرب مسلمين ومسيحيين
كلنا اخوة
ولكنها ليست حرب..
ويبقي السؤال الاخير
بماذا ستنتهي هذه الفتنة؟
باستسلام الجزائر؟
بقيام حرب فعلية؟
الاصلاح بين البلدين؟

شكرا علي المناقشة يا لولا
وعلي كلامك الجميل دة
ولا شكر علي واجب

ويا شماتة العدوين فينا !!
فعندما نري ان اسرائيل بالطبع في قمة سعادتها
طبعا
فما سيسعدها اكثر من ان تجد من كانوا يدعوها لوقف الحرب علي ارض ليست ملكهم
يقيمون حرب بسبب "ماتش كورة"!!
ومن هم هؤلاء اللعيبة من لعيبة منتخبنا منتخب الساجدين
ليقولوا لهم انهم يهود؟!!
احنا ما بنقبلش الاهانة
وهناخد حقنا
بس خلي عندنا صبر شوية ونستني الرئيس والحكومة يتصرفوا
ولكن الكل متاكد انهم لو ما عملوش حاجة
هيكون رد فعلنا صعب جدا
وما حدش هيقدر يوقفنا
لان الجرح الغائر ما زال مفتوح
وسيظل مفتوح
واظن للابد
لان ما حدث ليس بالقليل
ان كان ما حدث من دولة مثل اسرائيل
لن يكون حزننا مثلما حدث هذا من دولة عربية
من دولة شقيقة

ونقدم الشكر الخاص لجميع السودانيين
والحكومة السودانية
ونحن -او انا شخصيا- اقدر تماما سبب انتشار علم الجزائر في السودان
وتعليقه علي وسائل المواصلات
فبالطبع لن يعرضوا نفسهم للخطر بعد تهديد الجزائريين لهم
فشكرا لكم ايها الشعب والحكومة السودانية
وسامحكم الله وهداكم باذنه ايها الشعب الجزائري العربي وحكومته
وباذن الله تدركوا انكم لولا مصر ما كنتم دولة
وتدركوا انكم عرب مثلنا
وتكفوا عن محاولة الظهور في صورة الملائكة
فقد شوهت صورتكم امام جميع العرب
وان كنت مكانكم
سافضل ان اكف عن انكار ما حدث لانه لن يفيد
واحاول ان اصلح صورتي بقدر الامكان
قبل ان يفوت الاوان

منتظرة بقية المشاركات

أنا كنت متوقعة ان الحكاية هتهدأ بعد الماتش بس للأسف دة محصلش وأظن الاعلام ليه دور كبير جداً في الحكاية دي
وبداية التعصب ان اعلام الجزائر فهمهم ان فيه قتلى قتلوا في القاهرة فالجزائريين صمموا انهم يردوا الحكاية دي (مع ان مفيش حاجة حصلت)
ولغاية دلوقتي الاعلام مشتعل بين البلدين (وعلى فكرة أنا ضد ان برامجنا تشتم الشعب الجزائري بالشكل دة مهما كان اللي حصل وأنا متأكدة ان كتير منكم مخالفني في الجزء دة)

واللي حصل في السودان من قبل الجزائريين طبعاً كان صدمة كبيرة من دولة عربية (بس بردو أنا واثقة ان فيه جزائريين كويسين).

وغريب جدا ان كل التوتر دة يحصل بسبب ماتش كورة ودة بيدل على مدى السطحية اللي وصلنا ليها
لازم علشان نتقدم نتحد ونحل مشاكلنا علشان نعرف نواجه عدونا المشترك
دلوقتي أميركا بتسخر مننا وبتقول أن الحرب القادمة في الشرق الأوسط هتكون بسبب ماتش كورة
واسرائيل شمتاااانة فينا ومخصصة جزء كبير من اعلامها لتغطية الماتش

أنا شايفة اننا كشباب المستقبل لازم نهتم أكتر بمشاكل وطننا العربي ومنزودش المشاكل عن حجمها.
وانا بتمنى ان العلاقات بين البلدين ترجع تاني كويسة (بعد تقديم اعتذار رسمي منهم طبعاً) لأن مهما حصل احنا اخوات.



على الطرح المهم
وموضوع مميز زي ما عودتينا دايما يا بسمة وما شاء الله أسلوبك رائع في الكتابة

إلى الأماااااااام دائماً

بسمة احيكى اولا على المقال الرائع اللى من تاليفك وحثك وبتعرفى تقولى كل اللى فى قلبك وعواطف

وشكرا على الموضوع المثير فعلا

اكيد ربنا له جكمة فى خسارتنا يعنى يا جماعة تخيلو الموقف لو كنا فزنا كان هيحصل اكتر من كده
صح ؟؟؟؟؟ بس اكيد هما مخططين وعملين حسابهم على خناقة من الاول ربنا يستر
واحنا فعلا مش لازم نسكت على حقنا

ميغسي يا سارة
شرفتينا بمرورك
وقبل ما الموضوع يشتعل
عايزة افكركوا
اختلاف الراي لا يفسد للود قضية
كلها وجهات نظر يا جماعة
ويا سارة اكيد فيه كويسين طبعا
لكن لما نلاقي ان الحكومة الجزائرية نفسها هي اللي بتبعت ناس مسجل خطر
يبقي عايزانا ننتظر ايه من الشعب؟؟
بس الكل مهما كانت وجهة نظره
شايف اننا اتهاننا
واننا لزم ناخد حقنا
وانا طرحت الموضوع عشان كل واحد يقول اللي عايزه
مش عشان نبث فتنة ونولع الموضوع اكتر
لكن هو خلاص مشتعل اصلا
احنا بنناقش الاراء بس
في طريقة بسيطة مننا للاحتجاج علي ما حدث

شكرا ليكي يا سارة
وليا تعليق بسيط
احنا كمقبلين علي مرحلة الشباب هههههههههههه

Anastasia كتب:

بسمة احيكى اولا على المقال الرائع اللى من تاليفك وحثك وبتعرفى تقولى كل اللى فى قلبك وعواطف
ربنا يخليكي يا انسطاسيا

وشكرا على الموضوع المثير فعلا
لاشكر علي واجب

اكيد ربنا له جكمة فى خسارتنا يعنى يا جماعة تخيلو الموقف لو كنا فزنا كان هيحصل اكتر من كده
صح ؟؟؟؟؟ بس اكيد هما مخططين وعملين حسابهم على خناقة من الاول ربنا يستر
واحنا فعلا مش لازم نسكت على حقنا

احنا لو كنا كسبنا كنا اتدبحنا اصلا
طبعا مخططين
الحكومة باعتة سفاحين عشان ييجوا السودان
يقتلوا المصريين
ان كسبوا او خسروا
ربنا يسترها فعلا
ويهدينا جميعا

شرفتيني بمرورك

basma gamil كتب:

ميغسي يا سارة
شرفتينا بمرورك
وقبل ما الموضوع يشتعل
عايزة افكركوا
اختلاف الراي لا يفسد للود قضية
كلها وجهات نظر يا جماعة
ويا سارة اكيد فيه كويسين طبعا
لكن لما نلاقي ان الحكومة الجزائرية نفسها هي اللي بتبعت ناس مسجل خطر
يبقي عايزانا ننتظر ايه من الشعب؟؟
بس الكل مهما كانت وجهة نظره
شايف اننا اتهاننا
واننا لزم ناخد حقنا
وانا طرحت الموضوع عشان كل واحد يقول اللي عايزه
مش عشان نبث فتنة ونولع الموضوع اكتر
لكن هو خلاص مشتعل اصلا
احنا بنناقش الاراء بس
في طريقة بسيطة مننا للاحتجاج علي ما حدث

شكرا ليكي يا سارة
وليا تعليق بسيط
احنا كمقبلين علي مرحلة الشباب هههههههههههه

أنا كنت أقصد شباب المستقبل
متاخديش في بالك ههههههه

تم التعديييييييييل يا عم

انا شفت الفيديو
وللاسف دة مش اعتذار
شكرا للمرور
------------------------------------------------------------------
وللي عنده عطل او مش عارف يشوف الفيديو لاي سبب
هقول اللي كان في الفيديو
رغم اني ما فهمتش كل الكلام من اللهجة
لكن اللي فهمته ان الكلام دة قبل ماتش السودان
وبيقول احنا مش بربر زي ما اتهمتونا
وان هما عندهم روح رياضية ويا رب يهدي الشعبين
وما حدش يشعللها
وفي الاخر قال لمصر
فيما معناه ان بلاش غباء
وتعصب يعني -وذكر كلمة غباء-
وفي الاخر هما اللي خالفوا اللي قالوه

ربنا يهديهم

انا حاولت مرة التسجيل في منتدي اسمه اولاد الجزائر عشان اقول رايي
عملت اليوزر نيم (user name) مصرية للابد
لكن فوجئت ان المنتدي بعتلي رسالة بتقول

السلام عليكم ورحمة الله وبركاته .
مصرية للابد

نعتذر إليك ونود إبلاغكم بعدم موافقة الإدارة على طلب تسجيلك في
منتديات أولاد الجزائر | عالــم آخر من الإبـداع و التميز
ربما ترجع أسباب الرفض الإداري لأحد الأسباب التالية :-
1- الإسم المستخدم أو البريد الإلكتروني غير لائقين .
2- بريدك الإلكتروني غير مستخدم ووهمي .
3- إسم المستخدم الذي اخترته مستخدم مسبقآ من قبل احد الأعضاء .
4- بريدك الإلكتروني أو رقم الأيبي يوجد في قائمة الحظر لإدارة المنتدى .

مع أطيب الأمنيات,
إدارة منتديات أولاد الجزائر | عالــم آخر من الإبـداع و التميز

البريد الالكتروني غير وهمي لانه بعتلي رسالة عليه!
اسم المستخدم ما كانش مستخدم لاني اعدت اجرب كذا اسم لحد ما جاب واحد شغال
والايبي هيتحط في قائمة الحظر ليه؟ انا عمري ما سجلت فيه قبل كدة ولا عمري عرفته اصلا!
باقي ان الاسم غير لائق!!
هل فعلا اسم مصرية للابد اصبح غير لائق؟!!

منتظرة يا جماعة اراء بقية الاعضاء في الموضوع دة
عايزين نقااااااااااااااش وارااااااااء اكتر من كدة