بص في ورقتك !!

موضوع عجبنى اوى علشان بيفضح شوية بس فعلا مسلى وجميل !!

ببساطة كده فكرة الموضوع هتجاوب على اسئلة من ايام المدارس واللى عايز يرد يرد واللى شايف نفسه هيتفضح يبقى بلاش والاسئلة :

1_ كم مرة زوغت من المدرسة ؟؟



2_ كام مرة ودوك عند المدير ؟؟



3_ مادتك الدراسية المفضلة ؟؟



4_ موقف لا تنساه في المدرسة ابداً ؟؟



5_ كام مرة المدرس ذنبك و بصراحة ؟؟



7_ رسالة وصلتلك في المدرسة .. من مَن و ما فحواها ؟؟




8_ كام مرة سقطت في الامتحانات او الاختبارات ؟؟



9_ كنت بتعمل الواجب ؟؟



10_ مدرس كان نفسك تقتله ؟؟



11_ اكتر حاجة كانت بتضايقك ايام الدراسة ؟؟



12_ كام مرة جابوا ولي امرك يا باشا ؟؟



13_ انتيمك و اللي كان مداري على بلاويك في الدراسة ؟؟



14_ بصراحة كده .. كام مرة برشمت او غشيت ؟؟



15_ كنت بتساهم في النشاطات بتاعة المدرسة ؟؟



16_ كنت الكام على فصلك ؟؟



17_ كنت بتقعد فين في الفصل ؟؟



18_ كان مين الامين ؟؟ و كنت بتتغاظ منه ؟؟

.... وانا هبتدى

اقتباس :

1_ كم مرة زوغت من المدرسة ؟؟
طبعا ولا مرة لأن معتقدش ينفع


2_ كام مرة ودوك عند المدير ؟؟
مرة واحدة على ما اعتقد وكانت فى الابتدائى


3_ مادتك الدراسية المفضلة ؟؟
الرياضة والانجليزى


4_ موقف لا تنساه في المدرسة ابداً ؟؟
ياااااه المواقف كتير ولا تحصى ...


5_ كام مرة المدرس ذنبك و بصراحة ؟؟
والله مش كتير بس انا فاكر ان كانت مرة فى تالتة اعدادى بس انا اللى مردتش اضرب فالمستر قالى اخرج برة وانا قولتلة اوى اوى وهو حد يرفض !!!



7_ رسالة وصلتلك في المدرسة .. من مَن و ما فحواها ؟؟
فى تالتة اعدادى انذار بالغياب وبرده مروحتش بعد ما بعتوا الجواب



8_ كام مرة سقطت في الامتحانات او الاختبارات ؟؟
ولا مرة والحمد لله


9_ كنت بتعمل الواجب ؟؟
والله فى الابتدائى والاعدادى اوقات لكن فى الثانوى اوقات و اوقات حسب ما يجيلى مزاك كده !!


10_ مدرس كان نفسك تقتله ؟؟
فى الابتدائى بس بلاش ذكره احسن


11_ اكتر حاجة كانت بتضايقك ايام الدراسة ؟؟
ان مدرس او مدرسة ياخد حصة احتياطى ويشرح فيها !!!


12_ كام مرة جابوا ولي امرك يا باشا ؟؟
ولا مرة اللى لما بكون انا اللى عايز علشان حد ضايقنى او حاجة من المدرسين من غير ما أكون غلطان


13_ انتيمك و اللي كان مداري على بلاويك في الدراسة ؟؟
واحد زميلى ولسه انتيمى لغاية دلوقتى


14_ بصراحة كده .. كام مرة برشمت او غشيت ؟؟
انا عمرى ما برشمت لكن فى تانية وتالتة اعدادى كنت بغش غش بسيط لكن من اول اولى ثانوى مبقتش اغش نهائى

15_ كنت بتساهم في النشاطات بتاعة المدرسة ؟؟
لا !!!


16_ كنت الكام على فصلك ؟؟
انا ساعات ابقى حلو اوى وساعات ابقى وحش اوووووى !!


17_ كنت بتقعد فين في الفصل ؟؟
وانا فى ابتدائى كنا بنتخانق على الديسك اللى فى الاول وفى بداية تانية اعدادى كنا بنتخانق على الديسك الاخير ولغاية دلوقتى بنتخانق على الديسك الاخير !!


18_ كان مين الامين ؟؟ و كنت بتتغاظ منه ؟؟
انا كنت مرة واحدة الامين لكن عادى مكنتش بتفرق معايا ان يبقى اى حد امين خالص !!

ياريت يبقى فى تفاعل ولو حتى من المدرسين لو عايزين !!!

شكراً جزيلاً على اللعبة
إن شاء الله يتفاعلوا مع الموضوع