ذكرى الشهداء

يوم الأحد القادم إن شاء الله الموافق 11 من مارس سيكون مرور 40 يوما على استشهاد جماهير الأهلى و مذبحة بورسعيد الدامية .. إحنا عايزين نفكر فى حاجة نعملها إن شاء الله يوم الأحد بتاع الذكرى دة عشان نكون بجد فاكرينهم و نكون أول مدرسة تعمل دة يا ريت الكل يدينا أقتراح كدة

السلام عليكم
أقترح:

ممكن في ذكرى الشهداء تكون فيه فقرة في الإذاعة للدعاء لهم مثلاً سواء كانت إذاعة ابتدائي أو إعدادي أو ثانوي

وممكن يشترك الطلاب جميعاً في تجميع أموال وتقدموها في أحد الأعمال الخيرية بنية الصدقة الجارية على روحهم ويكون تحت إشراف أحد المدرسين علشان يكون الموضوع "رسمي" من المدرسة

ولو لقيت اقتراح تاني هاقوله إن شاء الله

لكن أنا معترضة على حاجة واحدة هي 40 يوم لأني قرأت إنها بدعة ، فمش مستحب موضوع الأربعين يوم خلوه في أي وقت عشوائي مثلاً ؟

أولا: شكرا على اقتراحك طبعا يا سارة و حاجات تحترم جدا
ثانيا : إحنا مش قصدنا تكون بدعة أو كدة بس يوم هيحصل فى مصر حاجات فيه و أولتراس هيعمل فيه حاجات فإحنا عايزين نكون معاهم فى نفس اليوم
ثالثا : أنا رافض اشراف أى مدرس على الموضوع دة المشرف هيكون واحد مننا كأصحاب مع بعض كل المدرسة دون إشراف مدرسى أو رسمى لأن إحنا الأولتراس اللى فى المدرسة دلوقتى ضد المدرسين كتير و استبدادهم و تعاملهم معانا ف مش عايزين يدخلوا معانا

معاك يا ريس
و بعدين فعلا انا زعلان من اللي ميس أحلام عملتو المرة اللي فاتت
وبس الحق يقال الموضوع زاد عن حده شوية

Hema Gad كتب:

أولا: شكرا على اقتراحك طبعا يا سارة و حاجات تحترم جدا
ثانيا : إحنا مش قصدنا تكون بدعة أو كدة بس يوم هيحصل فى مصر حاجات فيه و أولتراس هيعمل فيه حاجات فإحنا عايزين نكون معاهم فى نفس اليوم
ثالثا : أنا رافض اشراف أى مدرس على الموضوع دة المشرف هيكون واحد مننا كأصحاب مع بعض كل المدرسة دون إشراف مدرسى أو رسمى لأن إحنا الأولتراس اللى فى المدرسة دلوقتى ضد المدرسين كتير و استبدادهم و تعاملهم معانا ف مش عايزين يدخلوا معانا

العفــــــو .. أتمنى تكون مفيدة
شكراً جزيلاً لك على الاهتمام

عندي تعليق بسيط
مفيش مشكلة طبعاً لو الموضوع تم بين الطلاب من غير إشراف من المدرسين
لكن المدرسين في المدرسة غير مستبدين ، مينقعش الحكم والتعميم ،رد الفعل كان قاسي لكن في سوء تفاهم أكيد
لأنهم بيعلمونا وبيساعدونا دائما فلهم فضل كبير علينا ... ولهم منا كل الاحترام والتقدير
ممكن تكون المدرسة الموضوع واصلهم خطأ ومحتاج يتصحح .. أو ليهم وجهة نظر خاصة متعلقة بالنظام ولازم تحترم في جميع الأحوال
التفاهم والنقاش أحسن طبعاً من العداء
بالتوفيق إن شاء الله

يا سارة اصلك مشفتيش اللي حصل النهاردة ابقي كلمي بسمة و هي تحكيييلك

M.R MYSTERIO كتب:

يا سارة اصلك مشفتيش اللي حصل النهاردة ابقي كلمي بسمة و هي تحكيييلك

كلمتها وعرفت
ربنا يكون في عوننا !
متفقة معكم إن كذا مدرس محتاجينهم يتفهموا آرائنا
لكن كل قصدي إن المدرسين بيتعبوا كثير ولازم نقدر جهودهم ونحترمهم، في جميع الأحوال مينفعش يكون في عداوة
يعني مدرس مثلاً كان متعصب يبقى مش كل المدرسين مستبدين
ولا أقصد الإساءة أبداً .

اللى إحنا شوفناه كان تقريبا من كل مدرسين المدرسة الثانوية ضدنا الوحيد اللى وقف معانا ساعتها مستر حاتم غير كدة مفيش و لو هى وجهات نظر يبأة لازم يسمعونا و يفهمونا و كفاية إهانة و ضرب لأن إحنا خلاص مش بقينا صغيرين على الحاجات دى و مش هنفضل ساكتين كتير على المعاملة دى