اغلس انواع الغلاسه

اغلس انواع الغلاسه اغلس انواع الغلاسه اغلس انواع الغلاسه اغلس انواع الغلاسه

لما تسال واحد ايه رايك في حاجه وقالك جامده قله جامده برباط ولا جامده مبتكسرش

لما تلاقي واحد لابس شيك كده او عامل حاجه حلوة قله ايه الحلاوة دي مافيش جبنة

لما واحد يقلك انه بيعمل حاجه ومش راضية تتعمل قله ما انت فقر اه فقر وقطه

لما واحد يقلك طز في حد قله طز بلبن

لما واحد يقلك دا انا مفيش زييي واحنا الي دهنا الهوا دوكوا قله احنا الي عملنا الهوا كروهات ولبسنا السمك مايوهات وخرمنها لما حبينا نغرقوا

لما تلاقي شب بيستظرف قله ايه يلا العسل ده مولود في بلاص ولا ماما نحله

لو لقيت حد لابس قميص مكرمش قله ايه القميص الي طالع من بق***ده ولو لون القميص غريب قله مافيش منه رجالي

لوحد استظرف عليك قال علي قميصك مفيش منه رجالي قله لا والله ده اخر واحد

لو حبيت تخنق حد قولوا معاك ولاعة يقولك لا ولاكبريت يقولك لا ولاظلتين علشان نولع بالشراره يقولك لا طب معاك بتوجاز ......... برضوا لا ؟؟؟؟؟ امال بتاكل الاكل ني ولا ايه
الخ الخ لحد مايضربك

قول نكتة طويله اوي وتعالي عند اخرها واعمل نفسك نسيتها

كل ما حد يقولك حاجه عيدها بس علي هيئة سؤال مثلا هايقولك "مش انا اتجوزت" قولوا "اتجوزت "؟ هايقولك "اه الشهر الي فات" قولوا "الشهر الي فات" وهكذا

دي بقي لو عاوز تغلس بحاجة فعلية مش بس كلام

هات بخاخة مطهر وامشي ورا واحد وكل مايلمس حاجه تروح راششها بالمطهر علي طول

لما حد يشكي لك من حاجه قولوا انا عندي مشاكل اكتر منك

في مطعم بص للناس الي علي التربيزه اللي جنبك وهم بياكلوا ودقق اوي

وانت بتكلم مع حد متبصش في وشه خااالص

واحد تاني دقق في ملامحه ويص لودانه وشعره وكده

وانت في المول ماتمشيش عادي لاافضل نط لحد ماتوصل للمكان اللي رايحوا

مش كده وبس اي حاجه تقبلك في سكتك طبل عليها

في المترو امضغ لبانه بصوت عالي وانت واقف جمب واحد بيقرا في مجله او جرنان وانت بتقرا معاه طبعا

اعزم ناس تعرفها ملهاش علاقه بمناسبه عيد ميلاد وياسلام لو معزوم علي الفطار لازم تاخدلك مش اقل من اتنين في ايدك

لو قاعد بتتفرج انت واحد صحبك علي فيلم وفاضل 5 دقائق قوم غير القناة شد الفيشة اعمل اي حاجه لحد مايخلص الفلم وميعرفوش النهاية

سيب اشارة العربية الشمال شغالة لمده 5كيلوا متر من غير ماتلف وبعدين اطفيها وكمل طوالي

البس جراب زي الجراب الي بيتحط فيه المسدس بس حط فيه الريموت كنترول وكل ماتقابل حد طالعوا في وشه قال يعني هتضربوا بالنار

لما تسال واحد وتقولوا اقول ولا مقولش يقولك قول تقله قول ولاطعمية

لما تسال واحد وتقولوا صح ولا غلط يقولك صح تقله صح النوم

لما تسال واحد وتقولوا الكلام ده حصل يقولك حصل تقله حصل وطحينة

لما واحد يقلك انا جيت نورت البيت قله لا ده نور الكهربة

لما تسال واحد وتقولوا دا احلي ولادا وقالك سيان قله سياني بتوجعني
انا لازم اروح لدكتور السيان

اول ماتشوف كيس كاتشب علي الارض دوس برجلك طرطشه علي بنطلون الي جنبك وقولوا كنت بشوفوا فاضي ولا مليان

لو في مناسبة فيها دي جي استلم بتاع الدي جي باغنيه يشغلهالك ولو شغلهالك استلمة يكررهالك علي طول علشان بتحبها

لو واقف جميك حد بيعد فلوس وفي وسط ماهو بيعد قول اي رقم عشوائي زي423
انتوا كده معاكوا كورس مبادئ الغلاسه واتمني تكونوا فهمتوه
كويس ولو فهمتوه باذن الله في كورس تاني لتعليم النداله
بس لما اتاكد ان انتوا فهمتوا ده كويس هديكوا الكورس التاني

اغلس انواع الغلاسه

مشكورة
جاري النقل إلى قسم النكت والألغاز

حلو اوى الموضوع ولكن فى نوع تانى من الغلاسة غير النوع ده خالص محدش يعرفوا غير انا وسارة ايمن بس (ياريت تكونى فهمتى يا سارة)