حملة النظافة

السلام عليكم

بالتأكيد لاحظنا جميعاً اليوم أن مجموعة من الشباب (من مختلف الأعمار) كانوا مجتمعين لتنظيف مدينتنا طوخ
لأن اليوم كان اليوم الأول لحملة تنظيف شوارع طوخ
كان مشهد رائع والشوارع بالفعل أصبحت نظيفة

جزاهم الله خيراً أصحاب الفكرة

وبعدما انتهوا من التنظيف اجتمعوا في نادي الشباب بطوخ ليتبادلوا الاقتراحات من أجل الرقي بمدينتنا (إن شاء الله أحاول أحضر الاقتراحات التي طرحت)
أتمنى أن نشاركهم في حملتهم وإن لم نستطع أن نقابلهم فعلى الأقل نقوم بالاتفاق مع جيراننا لننظف شارعنا
إذا بدانا بأنفسنا وحافظ كل منا على شارعه فيوف تصبح مدينتنا من أجمل المدن ^_^

ما رأيكم؟

ال"ثورة" طلعت الطاقة الموجودة جوانا ... عجبتني أوي الروح الجميلة المنتشرة دي (من الآثار الاجتماعية للثورة)
الناس بئا عندها أمل وكل واحد بدأ يحس فعلا بحبه لبلده و يعمل اللي وسعه علشان يتقدم بيها
أتمنى بعد الحملة دي يكون في انشطة اجتماعية تانية

على فكرة احنا طبعا معرفناش نشارك معاهم في الشوارع الرئيسية فحاولنا ننظف الشارع بتاعنا ونجحنا الحمد لله وكان مش في أي مشكلة
ولو مفيش حد هيعرف يشاركهم في التنظيف ممكن يحاول يشارك بفلوس علشان نساعدهم في شراء الأدوات اللي محتاجنها