جلسة سياسية

الموضوع سهل جدا و مفيد بس محتاج تفاعل بسيط
هو كان بابا اللي اقترحوا عليه
المفروض نتفق ع ميعاد نفتح فيه chatbox و نحاول نناقش المواضيع المهمة اللي بتدور حولينا و منه نتبادل افكار و اراء و منه نستفيد
opened for voting

شكراً جزيلاً على الموضوع
وشكراً جزيــلاً لوالدك على تقديم الاقتراح

أنا أختلف في طريقة التنفيذ ؛

مش لازم chatbox

ممكن الكل يرد هنا

و حاجة تدعم رأيي إن المنتدى : مفيش أعضاء كثير بيدخلوا في نفس الوقت فلو الموضوع دة هو مكان النقاش أي حد يدخل يحط الرد في أي وقت

زي موضوع "مع أم ضد" اللي كان وضع من فترة

وعندي ملاحظة كمان ياريت لو هنعمل الموضوع مش عايزين أي شتيمة لأي حد في الدولة

ولو في رأي مخالف اتفضلوا قولوه

شكراً مرة أخرى على الموضوع

فكرة حلوة ماشى هنتكلم عن ايه مثلا انا عايز نتكلم عن انتخابات مجلس الشورى اللى انا رأيى فيها ان هيا تضييع للوقت وللفلوس يعنى قصدى ان هيا بيتصرف عليها مليار دولار طب سؤال الفلوس دى اولا بتيجى منين وهما بيقولوا ان الاحتياطى بتاعنا خلص ثانيا المليار دولار دول ممكن يدفع منهم اجور للعاملين او حتى نعمل بيهم مشروع يفيدنا ويوفر فرص عمل على ما اعتقد كلامى صح ولو واحد مخالفنى فى الرأى يقولى رأيه ..

الموضوع فعلا حلو و يا ريت يطبق علي الشات بوكس علشان نقدر نرد و نتكلم اسرع و اسرع و فعلا عمو عاطف راجل محترم و ارائه تهمنا للغايه

و شكرا

اقتباس :

و فعلا عمو عاطف راجل محترم و ارائه تهمنا للغايه

حلوة عمو عاطف دى يا احمد

بس انا فى نظرى منتكلمش فى الشات لأن فعلا اللى بيدخل فى المنتدى بيبقى قليل لكن لو قولنا فى ردود اى واحد هيدخل هيقول رأيه وخلاص وتبقى فى أى وقت

بالنسبة لموضوع مجلس الشورى اقترح نقرأ الأول عنه كويس وممكن نحط معلومات عنه هنا لأن أنا شخصياً معنديش معلومات كافية

ثانياً بالنسبة للشات بوكس انا قلت رأيي قبل كدة ، اعملوا تصويت شوفوا رأي الأغلبية ، لكن في اعضاء كثير مش بيدخلوا لما يدخلوا إن شاء الله يشاركوا في التصويت بردو

وانا اول واحد بقول لالا للشات بوكس علشان معتقدش ان كل الاعضاء هيبقوا موجودين فى نفس الوقت ممكن يكون واحد عنده ظروف او كده

ممكن نتفق علي ميعاد معين

انا رأيي بلاش ال chatbox

احسن انه يكون موضوع وويتم التناقش فيه علشان الكل يفيد ويستفيد

احمد صفوان كتب:

الموضوع فعلا حلو و يا ريت يطبق علي الشات بوكس علشان نقدر نرد و نتكلم اسرع و اسرع و فعلا عمو عاطف راجل محترم و ارائه تهمنا للغايه

و شكرا

التشات بوكس فعلاً هيكون الرد فيه أسرع وكلام أي حد مش هيقطع
لكن لو موضوع بردو الكل ممكن يشوفه ويستفيد وأي حد يدخل في أي وقت يقدر يرد عليه
أنا باقترح بسبب موضوع سرعة الرد ،، إن ممكن نعمل أدوار : يعني كل واحد هياخد رقم و تفضل الأدوار تتبادل في دائرة مستمرة .. ولو حد مش عايز يرد في دوره ممكن يقول ويبقى يتكلم في المرة التانية وهكذا
وممكن الموضوع نحدد له فترة اختاروها انتم يعني مثلاً من الساعة كذا لغاية الساعة كذا ، ساعتين أو ساعات مثلاً ، واليوم اللي بعده نكمل وهكذا
دة اقتراح وقولوا آرائكم

هى فكرة راائعة جداا خصوصا هيبقى عندنا وعى سياسى
ولكن انا بقول نخليها زى موضوع "مع او ضد "
لان ده هيدى فرصة لكل النااس تستفيد وتقرا المشاركات كلها

طيب نبدأ امتى؟؟؟؟؟؟؟؟؟؟؟؟؟؟؟؟

انا احب نبدأ ب موضوع العصيان المدنى


بس سؤاال يعنى هناقش فى الموضوع ده ولا هتعملى موضوع مخصوص يا سارة ؟؟

مش عايزة أتحكم أنا في الحكاية دي
M.R MYSTERIO صاحب الموضوع المفروض ينظمه ..

مش عارف انتوا عايزين شات بوكس ليه اذا كان انتوا بتدخلوا قليل يبقى ازاى بقى ؟!! ( M.R MYSTERIO ) ( احمد صفوان )

كل عضو من حقه يقول رأيه .. مفيش مشكلة
لكن عايزين نوصل لرأي موحد لأن تأخرنا ..

مش مشكله بس كل مشكله تبقي في موضوع محدد و نبدأ موضوع موضوع و ناخذ الموضوع المهم الاول و معلش ما بدخلش كتير في الاجازه علشان عامل موقع جديد http://www.tostartblogging.com/ بس ان شاء الله الفتره الجايه هبقي متواجد اكتر

جميلة المدونة
ألف مبروك
مفيش مشكلة
في انتظار التفاعل إن شاء الله
ماشي .. ابدأوا لو الكل موافق وأنا هشارك إن شاء الله

طب خلاص براحتكوا يا جناعة نخليها هنا فعلا علشان الكل يستفيد و عذرا للغياب المفاجيء لان النت كان بايز

مفيش مشكلة
دلوقتي في اقتراحين للمناقشة ؛
مجلس الشورى
والعصيان المدني

المفروض نختار واحد ، وانت اختار لأنك واضع الموضوع

بالنسبة للعصيان المدني احنا كنا نسبيا اتكلمنا عنه فالفصل بس انا شايف انه اهم

مناقشات الفصل كانت بتكون مفيدة فعلاً .. لكن ميمنعش إن الأعضاء اللي من الفصل يشاركونا هنا تاني
هتعملوا موضوع جديد ولا هنا؟
بكرة إن شاء الله أبدأ ..

رغم ان موضوع العصيان المدني عدي خلاص وكان نفسي نتكلم عن مجلس الشوري..
بس خلاص لو اخترتوا عصيان مدني اوك نتكلم فيه وبعدين بعدها نبقي نتكلم عن موضوع مجلس الشوري..

M.R MYSTERIO كتب:

بالنسبة للعصيان المدني احنا كنا نسبيا اتكلمنا عنه فالفصل بس انا شايف انه اهم

احنا فعلا اتكلمنا لكن مش بشكل موسع.. ومس عبير ما ادتناش الفرصة اوي (اكيد عشان الحصة ما تضعش يعني) لكن انا عايزة توضيح باة للي انت كنت بتقوله ساعتها... عن ان الناس فاهمة مفهوم العصيان المدني غلط.. يا ريت توضحه ونبدأ الحوار

اقتباس :

هتعملوا موضوع جديد ولا هنا؟
بكرة إن شاء الله أبدأ ..

ان شاء الله فى نفس الموضوع ده ونبدأ من بكرة ..

بسمة جميل كتب:

لكن انا عايزة توضيح باة للي انت كنت بتقوله ساعتها... عن ان الناس فاهمة مفهوم العصيان المدني غلط.. يا ريت توضحه ونبدأ الحوار

انا مش فاكر انا قلت ايه هههههههههههههههههه
كنت بقول ان الفرق بين العصيان المدني و الأضراب كبير لان العصيان المدني باين من اسمه ( عصيان ) يعني مخالفة كل القوانين اللي حطاها الدولة اقلها انك تمشي مخالف يعني عكس الاتجاه بالعربية ( اللي بيحصل كل يوم ) هههههه ده اقلوا
انما الضراب هوه الامتناع عن اداء الدور في الدولة و ده له انواع برده :
اضراب بسيط : و جه بيبقي لساعة او اتنين بس للتحذير او التتهديد
اضراب فئوي : مثلا زي اضراب عمال السكك الحديد او الاضراب في مصنع او كده , يعني لفئة معينة .
اضراب عام : يعني كل الناس , بس ماعدا ناس معينة , اللي هما عمال مصالح المياه و الكهرباء اللي من غيرهم البلد تقف .
بس في نقطة برده كنت حابب اوضخها انه الاضرابات بتشمل موظفين الحكومة , بس مش القطاع الخاص .
المشكلة ان الفرق مش معروف , ة اللي يغيز ان اجمالي عدد ساعات عمل الموظفين الحكوميين ( أو دقايق العمل هههه) 37 دقيقة بس , يعني لو أضربوا مش هيحصل فرق كبير هههههههه
لو حد عنده معللومات اكتر يكببها علشان ايدي وحعتني بأه هههههههههههه

هو فعلاً العصيان المدني مختلف عن الإضراب
أظن الدعوة كانت لإضراب عام وبعده عصيان مدني؟ مرة قريتها كدة ومرة قريتها عصيان مدني علطول ، لو حد عنده معلومة مؤكدة يتفضل يقول
وقبل ما نبدأ ويظهر لكل واحد رأيه سواء مؤيد أو معارض ، أكيد الكل بيحب بلده وبيعبر بطريقته وفكره الخاص
المهم

أنا رأيي ممكن يكون سطحي نوعاً ما :
أنا قرأت أيام الدعوة على فيس بوك في صورة من الصور إن العصيان المدني من ضمنه وقف محطات البنزين اللي على الطريق و المطارات والجامعات والمدارس وأي حد مينزلش الشغل (ازاي الأطباء مثلاً مينزلوش الشغل؟ )
وأنا شايفة إن الأماكن الحيوية دي لو وقفت يبقى فيه ضرر للبلد مش نفع ليها ومش طريقة مناسبة للتعبير عن السخط في التباطؤ
يعني لو حد مسافر علشان ظرف طارئ و فجأة البنزين خلص مثلاً يفضل واقف في الطريق ؟ أو لو حالة طارئة متروحش المستشفى؟ أو حد مريض ميروحش للدكتور؟

أنا ضــــــــد العصيان المدني إن كان بالشكل والمعنى دة حتى لو كان وسيلة للتعبير عن السخط
إن كنت فاهماه خطأ ياريت تصححوا معلوماتي

بصي يا سارة انتي فهماه صح بس ده زي مثال بسيط فاهمة قصدي
يعني حاجة قليلة زي انك مثلا تروحي الشغل و تمضي حضور بس متشتغليش ما هوه ده عصيان لأن انتي كده هتاخدي أجر من غير شغل
هي باينة من اسمها عصيان مدني
يعني عصيان للأوامر المدنية ,,,,, زي الشغل و المصالح العامة و قوانين الطريق و المرور و غيره
يعني الملخص ان هو شاااااامل كل نوع من عدم اطاعة اللوائح القانونية و هو في نطاق فهمي ضااااااااااااااااااااااااااااااااااااااااار الي ما لا نهاية و انا رافضو تماماً

انا رأيى ان من غير حتى ما افهم موضوع العصيان المدنى انه كلام خاطئ وضااار جدا وانا عمرى ما هأيده لأن العصيان زى ما انت قولت يا محمد :

اقتباس :

مثلا تروحي الشغل و تمضي حضور بس متشتغليش ما هوه ده عصيان لأن انتي كده هتاخدي أجر من غير شغل
هي باينة من اسمها عصيان مدني
يعني عصيان للأوامر المدنية ,,,,, زي الشغل و المصالح العامة و قوانين الطريق و المرور و غيره
يعني الملخص ان هو شاااااامل كل نوع من عدم اطاعة اللوائح القانونية

يعنى الحكاية دى هتعمل ضرر على الشعب قبل القيادة او المجلس اللى هما عاملين العصيان ده كله علشانه وما دام هتعمل ضرر للشعب خلاص تبقى مرفوووووضة علطول !!

M.R MYSTERIO كتب:

بصي يا سارة انتي فهماه صح بس ده زي مثال بسيط فاهمة قصدي
يعني حاجة قليلة زي انك مثلا تروحي الشغل و تمضي حضور بس متشتغليش ما هوه ده عصيان لأن انتي كده هتاخدي أجر من غير شغل
هي باينة من اسمها عصيان مدني
يعني عصيان للأوامر المدنية ,,,,, زي الشغل و المصالح العامة و قوانين الطريق و المرور و غيره
يعني الملخص ان هو شاااااامل كل نوع من عدم اطاعة اللوائح القانونية و هو في نطاق فهمي ضااااااااااااااااااااااااااااااااااااااااار الي ما لا نهاية و انا رافضو تماماً

كلام مضبوط
لو ان حد يروح الشغل ويمضي وميشتغلش أو ميشتغلش بإتقان يبقى فئة كبيرة من المصريين (بعض العاملين بقطاع العمل الحكومي ) في عصيان مدني من سنين كتيــــــــر !

أولا احب اقول ان الحوار رائع جداا والفكرة ممتازة

بس انا اختلف معاكوا عن فكرة العصياان المدنى ولو انى مش فهماه اووى بس اللى انا موافقاه ان لما احنا بنعمل مليونيات فى التحرير او فى غيره للضغط على المجلس العسكرى ده مش بيفرق معاهم ولا بيعملوله اعتبار ف مكنش فى خيار تانى غير ان احنا نضغط عليهم عشان يتركوا السلطة لمجلس ثورى منتخب
ولو برده انى العصياان المدنى مضر جداا ولكن حال البلد برده واقف برده يعنى فى كلتا الحالتين البلد مش عدلة اووى ان احنا نقول حال البلد هيوقف نعاانى شوية عشان نعيش بعد كده فى المستقبل مرتااحين !!

Anastasia Kamal كتب:

أولا احب اقول ان الحوار رائع جداا والفكرة ممتازة

بس انا اختلف معاكوا عن فكرة العصياان المدنى ولو انى مش فهماه اووى بس اللى انا موافقاه ان لما احنا بنعمل مليونيات فى التحرير او فى غيره للضغط على المجلس العسكرى ده مش بيفرق معاهم ولا بيعملوله اعتبار ف مكنش فى خيار تانى غير ان احنا نضغط عليهم عشان يتركوا السلطة لمجلس ثورى منتخب
ولو برده انى العصياان المدنى مضر جداا ولكن حال البلد برده واقف برده يعنى فى كلتا الحالتين البلد مش عدلة اووى ان احنا نقول حال البلد هيوقف نعاانى شوية عشان نعيش بعد كده فى المستقبل مرتااحين !!

يا أهلاً يا أهلاً بالآراء المختلفة xD
أولاً احترم رأيك وأشكرك على المشاركة ^_^

بس أنا مختلفة معاكي في إن احنا نعالج مشكلة بمشكلة أكبر
أكيد في حل أحسن (معرفهوش )
وإلا ينظموا القواعد بتاعته لأن كان مكتوب كل الوظائف هتضرب ، ازاي مثلاً أطباء يضربوا؟ المرضى مش هيضربوا هم كمان
المثال دة أنا عمالة أقول فيه لأن حساه أبسط مال وأكثر مثال هيعبر عن الضرر اللي هيحصل

انا رأيي زي متقولو مش مع سارة بس بردو مش مع أنسطاسيا
يعني في حل وسط لو الشبابا مصر علي موقفة ( اللي هوا ثابت يعني ) الاضراب ........... لأنه يبقي لساعات محدودة او حتي زي ماقلت مرة فئوي يعني كل الناس تضرب ما عدا اصحاب الاعمال المهمة أوي زي الأطباء و عمال مصالح المياة و الكهرباء و كدة ...... من غيرهم البلد تضيع بمعني الكلمة ....... أما العصيان فلأ قلبا و قالباً ...... ده تخريب علني و بعدين معلش يا انسطاسيا رأيي الشخصي في كلامك انه سلبي لأن لو كل واحد قال كده يبقي نروح نطلع جوازات السفر من دلوقتي لأن البلد مش هيبقي فيها مكان لينا ..... و في الاخر برده اختلاف الرأي لا يفسد للود قضية......... و بعدبن هنستني بسمة لما تدخل و ناخد رأيها .... وبيتهيألي كده هيكون كفاية في الموضوع ده ..... لأأنه انتهي خلاص .... و لا ايه

اقتباس :

و بعدبن هنستني بسمة لما تدخل و ناخد رأيها .... وبيتهيألي كده هيكون كفاية في الموضوع ده ..... لأأنه انتهي خلاص .... و لا ايه

فعلا عندك حق احنا كلنا قلنا رأينا فى موضوع العصيان المدنى نشوف موضوع تانى بقى ( مجلس الشورى )

M.R MYSTERIO كتب:

انا رأيي زي متقولو مش مع سارة بس بردو مش مع أنسطاسيا
يعني في حل وسط لو الشبابا مصر علي موقفة ( اللي هوا ثابت يعني ) الاضراب ........... لأنه يبقي لساعات محدودة او حتي زي ماقلت مرة فئوي يعني كل الناس تضرب ما عدا اصحاب الاعمال المهمة أوي زي الأطباء و عمال مصالح المياة و الكهرباء و كدة ...... من غيرهم البلد تضيع بمعني الكلمة ....... أما العصيان فلأ قلبا و قالباً ...... ده تخريب علني و بعدين معلش يا انسطاسيا رأيي الشخصي في كلامك انه سلبي لأن لو كل واحد قال كده يبقي نروح نطلع جوازات السفر من دلوقتي لأن البلد مش هيبقي فيها مكان لينا ..... و في الاخر برده اختلاف الرأي لا يفسد للود قضية......... و بعدبن هنستني بسمة لما تدخل و ناخد رأيها .... وبيتهيألي كده هيكون كفاية في الموضوع ده ..... لأأنه انتهي خلاص .... و لا ايه

مفيش مشكلة في اختلاف الآراء
بس دلوقتي الأمر واقع يا عضيان يا مش عصيان ..
منتظرة بسمة أكيد لأن رأيها بحب اسمعه دايماً أصلاً
لكــن رأيي إن النقاش يعني كل واحد ممكن يكون عنده رأي مختلف وكل واحد يحاول يعرض رأيه بلباقة واللي عنده رأي مخالف يقول بردو علشان الكل يستفيد لكن طبعاً من غير ما نعيد الكلام علشان ميكونش جدل عديم الفائدة
يعني أقصد يكون فيه تفاعل بين الآراء المختلفة عادي ، لو أنسطاسيا عايزة ترد على كلامنا عادي ترد لو عندها جديد ولو عايزين نرد على بسمة بعد ما تقول رأيها لأنه غالباً هيكون (مع) نرد >>لو هنقول حاجة جديدة<<
فاقترح الموضوع الجديد ( هو موضوع كويس بردو طبعاً) منبدأش فيه قبل بكرة إن شاء الله
وشكراً مرة أخرى على الموضوع لأنه إن شاء الله هيفيدنا كلنا

احنا لما قولنا عصياان مدنى المقصود فعلا به اضرااب بس المقصود اضراب للشعب وانه راافض الحال
انا بحثت فى ويكيبديا :
لعصيان المدني هو أحد الطرق التي ثار بها الناس على القوانين غير العادلة، وقد استخدم في حركات مقاومة سلمية عديدة موثّقة؛ في الهند (مثل حملات غاندي من أجل العدالة الاجتماعية وحملاته من أجل استقلال الهند عن الإمبراطورية البريطانية)، وفي جنوب أفريقيا في مقاومة الفصل العنصري، وفي حركة الحقوق المدنية الأمريكية.
و بالرغم من اشتراك العصيان المدني مع الإضراب (و خصوصا الإضراب العام) في كونهما وسيلتان تستخدمهما الجماهير للمطالبة برفع ظلم أصابها، إلا أن الإضراب متعلق بحقوق العمال في مواجهة صاحب العمل (و الذي يمكن أن يكون هو الحكومة).

( والذى يمكن ان يكوون الحكومة )


وكمان احنا المصريين عملنا عصيان مدنى سنة 1919 ضد الحتلال البريطاانى

يا جمااعة نفكر بعقلية شوية انا عارفة ان ده كان ممكن يوقف حال البلد أكتر ولو الاطباء اضربوا ومينفعش والمرضى هما كانوا يعملو اضراب؟؟ طبعا حاجة مستحيلة لكن ده كان ممكن يستمر عادى
ولكن العصياان ضد الحكومة هو ان احنا نقااطع الحكومة بكذا وسيلة تانية
اولها عدم دفع فواتير مننزلش الشغل اللى هما تبع الحكومة الموضفين وبكده كنا نقدر نضغط عليها وتسلييم السلطة

المجلس العسكرى والجيش مهمتهم حماية البلاد من الاعدااء وملهمش فى السياسة خلاص يسيبوا السياسة لبتوع السياسة ويشفوا هما شغلهم اللى هو حماية البلد .


احنا مكنش قداامنا وسيلة تانية غير كده لانى زى ما قولت فى الاول لما كان بيبقى فى مليونيات مكنش بيفرق معاهم فكان لازم يبقى فى ظغط ضد المجلس والحكومة كماان

اللى انا عايزة اسألهولكوا مع ولا ضد حكم العسكر ؟؟؟!!

Check it

http://ar.wikipedia.org/wiki/%D8%B9%D8%B5%D9%8A%D8%A7%D9%86_%D9%85%D8%AF%D9%86%D9%8A

Anastasia Kamal كتب:

احنا لما قولنا عصياان مدنى المقصود فعلا به اضرااب بس المقصود اضراب للشعب وانه راافض الحال
انا بحثت فى ويكيبديا :
لعصيان المدني هو أحد الطرق التي ثار بها الناس على القوانين غير العادلة، وقد استخدم في حركات مقاومة سلمية عديدة موثّقة؛ في الهند (مثل حملات غاندي من أجل العدالة الاجتماعية وحملاته من أجل استقلال الهند عن الإمبراطورية البريطانية)، وفي جنوب أفريقيا في مقاومة الفصل العنصري، وفي حركة الحقوق المدنية الأمريكية.
و بالرغم من اشتراك العصيان المدني مع الإضراب (و خصوصا الإضراب العام) في كونهما وسيلتان تستخدمهما الجماهير للمطالبة برفع ظلم أصابها، إلا أن الإضراب متعلق بحقوق العمال في مواجهة صاحب العمل (و الذي يمكن أن يكون هو الحكومة).

( والذى يمكن ان يكوون الحكومة )


وكمان احنا المصريين عملنا عصيان مدنى سنة 1919 ضد الحتلال البريطاانى

يا جمااعة نفكر بعقلية شوية انا عارفة ان ده كان ممكن يوقف حال البلد أكتر ولو الاطباء اضربوا ومينفعش والمرضى هما كانوا يعملو اضراب؟؟ طبعا حاجة مستحيلة لكن ده كان ممكن يستمر عادى
ولكن العصياان ضد الحكومة هو ان احنا نقااطع الحكومة بكذا وسيلة تانية
اولها عدم دفع فواتير مننزلش الشغل اللى هما تبع الحكومة الموضفين وبكده كنا نقدر نضغط عليها وتسلييم السلطة

المجلس العسكرى والجيش مهمتهم حماية البلاد من الاعدااء وملهمش فى السياسة خلاص يسيبوا السياسة لبتوع السياسة ويشفوا هما شغلهم اللى هو حماية البلد .


احنا مكنش قداامنا وسيلة تانية غير كده لانى زى ما قولت فى الاول لما كان بيبقى فى مليونيات مكنش بيفرق معاهم فكان لازم يبقى فى ظغط ضد المجلس والحكومة كماان

اللى انا عايزة اسألهولكوا مع ولا ضد حكم العسكر ؟؟؟!!

انا ضد الحكم بسبب الفوضى اللي بتحصل في البلد في عهدهم وان هم مش قادرين يسيطروا عليها ، فأنا من المؤيدين لسرعة انتخاب رئيس
لكن في نفس الوقت مش ببص ليهم على إنهم أعداء وبيعملوا مؤامرات (زي بتاعة بورسعيد واللي بيتقال عليهم رإنهم دبروها ومش عارفة ايه)
أنا قرأت في ويكيبيدا فعلاً الكلام دة وقريت عن العصيان المدني ساعتها بس رأيي إن دي كانت أيام احتلال وكنا بنحارب محتل فالبلد كانت محتلة كدة كدة أصلاً والاقتصاد مش بنستفيد منه في حاجة وهما اللي بيسيطروا على كل حاجة
مش فاهمة قصدك يعني انتي مع وسائل العصيان التانية لكن مش الاضراب ولا ايه ؟

أنا ضده بردو ، نفسي يكون في طريقة أحسن
ومبسوطة انك وضحتي رأيك ودافعتي عنه ! ^^

اقتباس :

اللى انا عايزة اسألهولكوا مع ولا ضد حكم العسكر ؟؟؟!!

السؤال ده فعلا محير فى الوقت اللى احنا فيه ده بس فعلا الواحد لازم يقول ضد لأنهم مش عارفين يخدوا قرار صح او يعطوا اوامر صح وفعلا مادام كده بقى يبقى الاحسن لهم يرجعوا لمهمتهم الاولى وهى حماية البلد ويسيبوا السياسة للى بيفهموا فيها بس يارب لما يتركوا السلطة ننتخب الرئيس الصح اللى فعلا هيصلح حال البلد !!

Mostafa كتب:

اقتباس :

ا يبقى الاحسن لهم يرجعوا لمهمتهم الاولى وهى حماية البلد ويسيبوا السياسة للى بيفهموا فيه

اللي أنا شابفة ان المشكلة ان احنا مش عارفين نفرق ما بين الجيش و المجلس العسكري ,, وانا ردي الوحيد هي عبارة قالهة بيتهيألي المشير السابق او اللي قبلو ,, مش فاكر أوي المهم قال (( الجيش ملوش انه يطلع من الخنادق )) اظن كده الرسالة وصلت..

طيب ناويين تبدأوا في الموضوع بتاع مجلس الشورى امتى؟

ممكن لما بسمة تدخل ترد على الاثنين وأنا على ضمانتي هتقول (مع)
أو نعمل باقتراح

احمد صفوان كتب:

مش مشكله بس كل مشكله تبقي في موضوع محدد و نبدأ موضوع موضوع و ناخذ الموضوع المهم الاول

وكل مشكلة في موضوع علشان أي حد في أي وقت عايز يقول رأيه يتفضل يقوله

لأ عموما احنا هنبدأ الموضوع الجدبد من دلوقتي و عذرا طبعا للتأخر بس ظروف المدرسة و كده
الموضوع مجلس الشوري أو الرئيس المنتخب
OPENED 4 VOTING

عذرااا يا جمااعة بس أنا كان نفسى نتكلم عن حادثة بورسعييد

والاختياار ليكم اللى تحبوه

اقتباس :

الموضوع مجلس الشوري أو الرئيس المنتخب

ياريت يبقى الرئيس المنتخب لأن فى نظرى ده هيبقى اهم بكتير لأنه جاى فى الايام القادمة والدولة كلها بتتكلم عنه

انا رأيي نيعد عن الحاجات الي فاتت اوو حصلت خلاص فانا رأيي ان احنا ممكن نصيف حادثة بورسعيد مع الرئيس و مجلس الشوري لان الحادثة حصلت فعلا بس الرد عليها لسة مظهرش
votes PLEASE

M.R MYSTERIO كتب:

انا رأيي نيعد عن الحاجات الي فاتت اوو حصلت خلاص فانا رأيي ان احنا ممكن نصيف حادثة بورسعيد مع الرئيس و مجلس الشوري لان الحادثة حصلت فعلا بس الرد عليها لسة مظهرش
votes PLEASE

خلاص اوك تمام

انا برشح موضوع الرئيس المنتخب

M.R MYSTERIO كتب:

لأ عموما احنا هنبدأ الموضوع الجدبد من دلوقتي و عذرا طبعا للتأخر بس ظروف المدرسة و كده
الموضوع مجلس الشوري أو الرئيس المنتخب
OPENED 4 VOTING

تمام
مفيش مشكلة
موضوع رئيس الجمهورية أهم من مجلس الشورى فعلاً
هنتناقش فيه على أساس ايه ؟

علي أساس طبعا الموضوع اللي كل الناس بتتكلم فيه دلوقتي (((( مين الرئيس اللي انت/ي شايفة/اة أصلح وليه )))) دي أول نقطة

Anastasia Kamal كتب:

احنا لما قولنا عصياان مدنى المقصود فعلا به اضرااب بس المقصود اضراب للشعب وانه راافض الحال
انا بحثت فى ويكيبديا :
لعصيان المدني هو أحد الطرق التي ثار بها الناس على القوانين غير العادلة، وقد استخدم في حركات مقاومة سلمية عديدة موثّقة؛ في الهند (مثل حملات غاندي من أجل العدالة الاجتماعية وحملاته من أجل استقلال الهند عن الإمبراطورية البريطانية)، وفي جنوب أفريقيا في مقاومة الفصل العنصري، وفي حركة الحقوق المدنية الأمريكية.
و بالرغم من اشتراك العصيان المدني مع الإضراب (و خصوصا الإضراب العام) في كونهما وسيلتان تستخدمهما الجماهير للمطالبة برفع ظلم أصابها، إلا أن الإضراب متعلق بحقوق العمال في مواجهة صاحب العمل (و الذي يمكن أن يكون هو الحكومة).

( والذى يمكن ان يكوون الحكومة )


وكمان احنا المصريين عملنا عصيان مدنى سنة 1919 ضد الحتلال البريطاانى

يا جمااعة نفكر بعقلية شوية انا عارفة ان ده كان ممكن يوقف حال البلد أكتر ولو الاطباء اضربوا ومينفعش والمرضى هما كانوا يعملو اضراب؟؟ طبعا حاجة مستحيلة لكن ده كان ممكن يستمر عادى
ولكن العصياان ضد الحكومة هو ان احنا نقااطع الحكومة بكذا وسيلة تانية
اولها عدم دفع فواتير مننزلش الشغل اللى هما تبع الحكومة الموضفين وبكده كنا نقدر نضغط عليها وتسلييم السلطة

المجلس العسكرى والجيش مهمتهم حماية البلاد من الاعدااء وملهمش فى السياسة خلاص يسيبوا السياسة لبتوع السياسة ويشفوا هما شغلهم اللى هو حماية البلد .


احنا مكنش قداامنا وسيلة تانية غير كده لانى زى ما قولت فى الاول لما كان بيبقى فى مليونيات مكنش بيفرق معاهم فكان لازم يبقى فى ظغط ضد المجلس والحكومة كماان

اللى انا عايزة اسألهولكوا مع ولا ضد حكم العسكر ؟؟؟!!

أولا ضد العسكر طبعااااااااا

ثانيا.. أنا رأيي مع أنسطاسيا طبعا..
أنا ما اظنش ان العصيان المدني بالمعني الغريب اللي الناس فهماه دة
وانا بردو فتحت ويكيبيديا وشفت الموضوع ببساطة " أحد الطرق التي ثار بها الناس على القوانين غير العادلة" وطبعا نكمل بقي الكلام يعني
بس مش ملاحظين ان اي حاجة اي حد بيعملها بقينا نقول.. دة عايز يخرب البلد؟.. وهيوقف عجلة الانتاج؟! .. هي عجلة الانتاج ماشية اصلا والبلد حالها ماشي مثلا؟!
لما نلاقي ان التظاهرات مش بتجيب نتيجة.. غير حصد للارواح واصابات.. هنفضل نعمل مظاهرات ليه؟ .. احنا عملنا ثورة.. ومافيش قرارات ثورية بتتاخد
أنا مع العصيان لانه وسيلة الشعب بيعبر بيها عن سخطه.. وبلاش باة حد يقولي بتخربوا البلد ومصر بتقع ومصر بتتحرق ومين هيحتلوا مصر واجندة خارجية وممولين.. إلخ.

اقروا الفقرة دي

[quote]
تمثلت إحدى أبكر تطبيقات العصيان المدني وأوسعها نطاقا في ثورة 1919 في اليوم التالي لاعتقال الزعيم الوطني المصري سعد زغلول وأعضاء الوفد والموافق 9 مارس 1919، أشعل طلبة الجامعة في القاهرة شرارة التظاهرات. وفي غضون يومين، امتد نطاق الاحتجاجات ليشمل جميع الطلبة بما فيهم طلبة الأزهر . وبعد أيام قليلة كانت الثورة قد اندلعت في جميع الأنحاء من قرى ومدن. ففي القاهرة قام عمال الترام بإضراب مطالبين بزيادة الأجور وتخفيض ساعات العمل وغيرها، وتم شل حركة الترام شللا كاملا، تلا ذلك إضراب عمال السكك الحديدية، والذي جاء عقب قيام السلطات البريطانية بإلحاق بعض الجنود للتدريب بورش العنابر في بولاق للحلول محل العمال المصريين في حالة إضرابهم، مما عجّل بقرار العمال بالمشاركة في الأحداث. ولم يكتف هؤلاء بإعلان الإضراب، بل قاموا بإتلاف محولات حركة القطارات وابتكروا عملية قطع خطوط السكك الحديدية – التي أخذها عنهم الفلاحون وأصبحت أهم أسلحة الثورة. وأضرب سائقو التاكسي وعمال البريد والكهرباء والجمارك، تلا ذلك إضراب عمال المطابع وعمال الفنارات والورش الحكومية ومصلحة الجمارك بالإسكندرية. ولم تتوقف احتجاجات المدن على التظاهرات وإضرابات العمال، بل قام السكان في الأحياء الفقيرة بحفر الخنادق لمواجهة القوات البريطانية وقوات الشرطة، وقامت الجماهير بالاعتداء على بعض المحلات التجارية وممتلكات الأجانب وتدمير مركبات الترام. في حين قامت جماعات الفلاحين بقطع خطوط السكك الحديدية في قرى ومدن الوجهين القبلي والبحري، ومهاجمة أقسام البوليس في المدن. ففي منيا القمح أغار الفلاحون من القرى المجاورة على مركز الشرطة وأطلقوا سراح المعتقلين، وفي دمنهور قام الأهالي بالتظاهر وضرب رئيس المدينة بالأحذية وكادوا يقتلونه عندما وجه لهم الإهانات. وفي الفيوم هاجم البدو القوات البريطاينة وقوات الشرطة عندما اعتدت هذه القوات على المتظاهرين. وفي اسيوط قام الأهالي بالهجوم على قسم البوليس والاستيلاء على السلاح، ولم يفلح قصف المدينة بطائراتين في إجبارهم على التراجع، أما في قرية دير مواس محافظة المنيا, هاجم الفلاحون قطارا للجنود الإنجليز ودارت معارك طاحنة بين الجانبين. وعندما أرسل الإنجليز سفينة مسلحة إلى أسيوط، هبط مئات الفلاحين إلى النيل مسلحين بالبنادق القديمة للاستيلاء على السفينة. وعلي الجانب الأخر كان رد فعل القوات البريطانية من أفظع أعمال العنف الذي لاقاه المصريون في التاريخ الحديث، فمنذ الايام الأولى كانت القوات البريطانية هي أول من أوقع الشهداء بين صفوف الطلبة أثناء المظاهرات السلمية في بداية الثورة. وعقب انتشار قطع خطوط السكك الحديد، اصدرت السلطات بيانات تهدد بإعدام كل من يساهم في ذلك، وبحرق القرى المجاورة للخطوط التي يتم قطعها. وتم تشكيل العديد من المحاكم العسكرية لمحاكمة المشاركين في الثورة. ولم تتردد قوات الأمن في حصد الأرواح بشكل لم يختلف أحيانا عن المذابح، كما حدث في الفيوم عندما تم قتل أربعمائة من البدو في يوم واحد على أيدي القوات البريطانية وقوات الشرطة المصرية. ولم تتردد القوات البريطانية في تنفيذ تهديداتها ضد القرى، كما حدث في قرى العزيزية والبدرشين والشباك وغيرها، حيث أُحرقت هذه القرى ونُهبت ممتلكات الفلاحين، وتم قتل وجلد الفلاحين واغتصاب عدد من النساء.[quote/]

ليه ماحدش ساعتها قال بتخربوا مصر وهتوقعوا مصر واحمدوا ربنا علي اللي انتوا فيه وحاولوا تعبروا عن رأيكوا بطريقة تانية؟
ما حدش يقولي ساعتها كان احتلال... طب ما دلوقتي عمالين نموت ومش لاقيين حد يجيبلنا حقنا.. فرقت ايه باة؟
فيه فيديو جميل اوي هو كان ايام النزول في 25 يناير 2012 بس فيه جزء بيتكلم عن الاستثمار وايه اللي يوقف الاقتصاد وكدة.. حتي لو مالوش دعوة بموضوع العصيان اوي.. بس نفسي تشوفوه لانه جميل اوي وفهمني حاجات كتير


أنا بعتذر اني رجعت للموضوع دة تاني بس بتاسف لاني ما دخلتش بقالي فترة وكنت عايزة اقول رايي لكن الموضوع انتهي اصلا..

بما انكوا فتحتوا موضوع الرئيس المنتخب.. بصراحة حاسة بخيبة امل من الاسماء اللي مترشحة: عمرو موسي واحمد شفيق.. ناس كانت بتنتمي للنظام السابق اصلا!
بس دكتور البرادعي انسان محترم.. لكن للاسف انسحب.. ولو كان موجود كنت ان شاء الله هقول هو.. بمناسبة الموضوع دة هل زعلتوا علي انسحاب الدكتور البرادعي؟

بصوا يا جماعة
علشان كل حاجة تبقى واضحة
اللي كانت منتشرة اهه



يتبع الرد xD

سارة أيمن كتب:

بصوا يا جماعة
علشان كل حاجة تبقى واضحة
اللي كانت منتشرة اهه



يتبع الرد xD

بصوا أول حاجة::

أكثر حاجة كنت معترضة عليها أصلاً هي الأطباء وطلعوا كانوا كاتبين في الصورة دي انهم مينفعش يضربوا ،، تمام كدة
فاتتني دي بجد مكنتش شفتها ساعتها ، باعتذر

ساعتها اللي كان معصبني
اللي قلته في الموضوع فوق حكاية محطات الوقود
ازاي تقف؟!!!!
ودول مكنتش شفتهم ساعتها بس ضايقوني::

الجلوس في الشوارع الكبرى وتعطيل المواصلات بعشرات الآلاف من المواطنين
امتناع سائقي السيارات الخاصة والعامة و الأجرة ووقف محطات الوقود

لي عودة إن شاء الله..