نصائح لمذاكرة مادة الجغرافيا + شاركوووووووووووونا :)

المفروض الكلام دة الكل بيعمله :/
لكن إن شاء الله في التذكير إفادة
وبردو لو أي حد عايز يضيف الطرق الفعالة معاه يضيف ^_^
الموضوع منقــــــول

1 ـ التركيز على المصطلحات والمفاهيم الجغرافية الواردة في كل درس
2 ـ تحليل الاشكال والجداول الواردة ووضع الاستنتاجات
3 ـ التركيز على الخرائط وتحديد المواقع الجغرافية عليها
4 ـ التعرف على الحقائق والنظريات الواردة
5 ـ قراءة وفهم المعلومات ذات الاهمية الجغرافية
6 ـ حل اسئلة الكتاب المداسي في نهاية الدرس
7 ـ بعد التاكد من فهم الدرس يتم اللجوء الى الاسئلة الخاصة لكل درس وحلها من ثم الرجوع الى الاسئلة الغير مفهومة مرة ثانية الى الدرس وحلها
8 ـ النظر الى اسئلة الامتحانات السنوات الماضية والتعرف على اشكال الاسئلة الموضوعية والمقالية وحلها
9 ـ اللجوء الى معلم مادة الجغرافيا في حال عدم فهم نقطة او معلومة او مصطلح وارد في المنهج وخاصة للنقاط التي تحتاج الى فهم
10 ـ التاكد من تحديد المواقع الجغرافية على خريطة صماء

في رأيي
أولاً : مادة الجغرافيا معظم الناس بتستصعبها وأنا منهم لكن دة مش سبب إن احنا منذاكرهاش ، بالعكس أنصحكم إن المواد اللي مش بتفضلوها تكون أكثر مواد تذاكروها ! و نقنع نفسنا (و صدقوني دة بينجح ) إنها مادة جميلة وهتضيف لمعلوماتنا وإننا إن شاء الله هنتفوق فيها
عملت كدة في التاريخ لغاية ما بقيت أستمتع بيه والحمد لله كنت كويسة فيه ^_^

ثانياً : المواد الأدبية زي الجغرافيا ؛ أكثر حاجة بتنجح معاها علشان تتمكنوا من حفظ المعلومات المطلوب حفظها ،، كتـــــــــــــــابة المعلومات دي غيباً بعد قراءتها وفهمها وبعد ما نخلص الدرس مباشرة نحل عليه التدريبات المتعلفة بيه علشان المعلومات تثبت (متدخلش من هنا وتخرج من هنا !! )

ثالثاً: بالنسبة للإحصائيات ،، ربنا معاكم فيها xDDDDDDDD بس علشان أحاول أحفظها ؛ بكتبها كثير وبحاول أشوف أي وسيلة أربط الحاجات ببعض ! ومش كل حاجة تحفظوها (فوق اللازم ) مستر حلمي كان دايماً يقول الإحصائيات المهمة ، مثلاً أكبر الدول في كذا وأصغر وهكذا ^_^ بس بردو علشان مضيعش حد اعملوا اللي عليكم وحاولوا تحفظوا لو تعرفوا واسألوا المدرس عن اللي ممكن تلغوه وكدة

رابعاً: بالنسبة للخرائط والتضاريس وكدة ، ألحاجات دي لسة موصلناش ليها الترم دة بس أنا فاكرة من أيام 3 إعدادي إن طبعاً لازم نعمل حسابنا ونكون عارفين مكان كل التضاريس على الخريطة والموضوع دة بييجي بالتكرااااااار يعني مش لازم من أول يوم
أنا محفظتهمش كويس غير بعد كذا أسبوع تقريباً ومذاكرة كثيــــر )

بس كل واحد ليه قدراته ، محدش يقارن نفسه بالتاني مقارنة دقيقة
لو افتكرت حاجة كمان هاقولها إن شاء الله ^_^

وربنا يوفقكم ويوفقني =]