نقاش في موضوع ما

نظرا الي ان هذا منتدي مدرسة طوخ الخاصة وان هذا ركن الحوار فقد اقترحت فكرة لتطوير ركن الحوار العام وارجو المشاركة بالرأي من جميع الأعضاء للموافقة علي تنفيذها او رفضها والفكرة كالتالي:
1/طرح مواضيع للمناقشة يعني مثلا نكتب اسم موضوع وكل الأعضاء تناقشنا
2/تكون المواضيع مهمة وهادفة وتكون مفيدة لكل الأعمار
3/اي عضو عنده موضوع يقترحه هنا
وانا اول واحدة هقترح موضوع بس الموضوع ده لازم يشارك فيه المدرسين
الموضوع هو ايه الصفات الي المدرس بيحب تكون موجودة في الطالب وايه الصفات الي الطالب بيحب تكون في مدرسة احنا لازم اكيد نقبل كل المدرسيين ومنضايقهمش لكن اكيد لازم بنحب المدرس يبقي فيه صفات معينة ارجو المشاركة والافادة بالرأي

انا عن نفسى احب ان يكون فى المدرس الهدوء والتفاهم مع الطالب بشكل حضارى ويكون عنده خبرة كبيرة فى المجال المتخصص فيه ويكون بشوش مش بيكشر على طول ومايستعملش اساليب العنف مع اى طالب اتمنى ان رايى مايزعجش حد

اسراء المفروض تشاركينا برايك انتي كمان
بس فعلا الموضوع حلو تسلمي
المدرس لازم يكون فيه صفات:
التفاهم
الهدوء
الرزانة
التفاؤل
حب التلاميذ وعدم التمييز بينهم
و طبعا التفاهم بتشمل انه يتفهم اوضاع الطالب ويكون قادر علي الحفاظ علي هدوئه واعصابه وما يكونش عنيف عشان مايعقدش الطلاب
لان فيه طرق عقاب تانية غير الضرب
و طبعا الحاجات دي اكيد متوفرة في مدرسين المدرسة الرائعين اللي بنشكرهم علي مجهوداتهم و بنتمني استمرارهم معانا باذن الله
لكن النقطة اللي ش متوفرة عند بعض المدرسين هي عدم الضرب
لان بعضهم بيستخدم العصا كأسلوب عقاب
ارجو مشاركة المدرسين لتوضيح وجهة نظرهم

موضوع جميل يا اسراء مشكووووووووورة
هو انتو قلتو الصفات اللى فى المدرس لكن ان موافقة على كلامكو واحب انى ازود
الاول صفات الطالب
الاحترام للمدرس
الطاعة
الالتزام بمذاكرة المادة
واما حكاية استخدام العصا كعقاب فهى متنفعش لكل الطلبة وبالذات اللى فى ثانوى لانه مبيجبش نتيجة خالص وساعات انا شوفتها كتير نقول بلاش يا مستر العصا يقول اصل هما مبيجوش غير كده طيب ما الطالب هو اللى اتعود على كده صح؟ وارجو ان كلامى ميزعلش

انا من رايي ان يكون المدرس هادئ ويشرح بطريقة كويسة ومايزهقش علي الطالب بسرعة جدا علي حاجة تكون بسيطة مش مستاهلة يعني ومايضربش الطالب بعنف.

شكرا ليكوا كلكوا بس مفيش غير 4 بس الي ردوا احنا عايزيين علي الأقل 50 واحد وعايزين مدرسيين وانا هقول رأيي كطالبة انا من رأيي ان المدرس يكون مبتسم علي طوول وانه يكون عنده طول بال واكيد حكاية الشرح دي مش محتاجة كلام وكمان انه ميسمعش كلام اي حد علي اي واحد وانه يكون مقتنع بكل التلاميذ وميميزش حد عن حد وانه كمان ميدقش او يعني ميزعل من الحاجات البسيطة لانه عارف ان احنا لسة صغيرين بس مش صغيريين اوي يعني هههههههههه يكون عارف ان اكيد كلنا بنغلط وانه يخلينا نتكلم في الفصل بس مش كتير مش هنرغي ويعملنا وقت راحة في نظام الفترات
مستنية بقية الردووووود هذا الموضوع اجباري مش اختياري ههههه

لازم اصلا راحة في نظام الفترات
كدة الواحد بيعد ساعة ونص بياخد في نفس المادة
اللي جدد النظام دة شكله بيحبنا اوي ههههههههه
انا ما اقصدش اننا بنزهق من المدرس او الحصة
بالعكس لكن اكيد عقلنا مش هيستوعب معلومات لمدة ساعة ونص
احنا مش اينشتاين والله
بجد كتير ساعة ونص
و لو قلنا ناخد راحة بيقولوا لا لان المنهج كبير ولازم يخلص
هو فعلا كبير بس بجد حرام ساعة ونص نفس المادة
احنا بنتنح لمستر محمد امين ومس مرفت بالذات علي الاخر هههههههه

اه فعلا عندك حق انا ناوية اخد اولي اعدادي واقعد في البيت احسن ههههه بجد حرام الي هما بيعملوه فيننا ده
برده مفيش غير نفس الأعضاء الي بيردوا ومفيش مدرسييييين ليييييييييه؟؟؟؟؟؟؟؟؟؟؟؟؟

بصوا بقي هو احنا وابتدائي لازم نضرب بس ثانوي ماينفعش يضربوا خالص وبعدين انا من رأيي ان المدرس يكون بيعرف يسيطر علي نفسه ويكون بيعرف يفصل بين حياته الشخصيه والعمليه والطالب لازم يبادل الاستاذ التفاهم والاحترام ولازم يكون ملتزم باوامر المدرس

ايوة رجاء ان المرسيين يناقشوا معانا مش المدرسين برده خدوا اجازة ولا لسة؟؟؟؟؟؟؟؟