الاحتفالات في ميدان التحرير...

السلام عليكم ورحمة الله
أمس ليلاً 12/2/2011 ذهبت إلى ميدان التحرير مع أسرتي

بدأنا بالعربية و أكملنا الطريق ب"المترو" ( ** المتروبئا يقف عند محطة ميدان التحرير عادي )

أول شيء لاحظته أن الجيش قل عدده بشكل ملحوظ عن قبل كدة ..

وهناك الناس مبسوووطة جداً و الاحتفالات مسيطرة على الجو

كان في ألعاب نارية كتيييرة جداً و أغاني وطنية شغالة و شوية ناس عمالين يغنوا معاها..

بس أكتر حاجة لفتت نظري إن في شوية شباب عمالين يلفوا ويقولوا "الثورة لسة مخلصتش يا جماااااااعة " ...

الناس كان عددهم كتيييييييير جداً







طبعاً كانت الخيام اللي المتظاهرون كانوا بيباتوا فيها هناك منتشرة جدا





وكان في ناس بينضفوا الميدان وبيكنسوه (بس مش عرفت أصورهم)
وكان فيه مستشفي في خيمة (النقطة الطبية)



وعجبني إن أعلام مصر مرفوعة في كل مكان هناك


ودة جندي من الجيش قاعد فوق عمود مرتفع ورافع علم مصر (المشهد دة تكرر كتير قدامي)


وطبعاً الناس كانوا مش ناسيين (الشهداء)..










وكان في أكتر من مسرح هناك في ميدان التحرير وكانوا إما بيتقال عليها أشعار أو أغاني وطنية


(اسم المسرح دة "الجنينة" لفت نظري ... أنا فهمته إنهم سموه كدة لأن في حوار مع BBC رئيس الوزراء الفريق أحمد شفيق كان بيشبه ميدان التحرير بالجنينة والدولة تحرس الناس الموجودين جواها )



و دة واحد تاني


و أكيد كان في لافتات كتير هناك وأنا صورت بعضهم ..






















و دي من مطالبهم:




وكان في ناس بيبيعوا أعلام ...



وأخيييراً واحنا خارجين من ميدان التحرير لقينا دبابة و عربية مصفحة ( تقريبا حاطينهم علشان الشعب يتصور معاهم !! )
مش عارفة إن كانوا هيبانوا ولا لأ من كمبية الناس الواقفين قدامها





بس كدة ... دي كل الصور
أتمنى الموضوع يعجبكم

موضوع له صلة:
يوم في ميدان التحرير (10-2-2011)

كويس يا سارة
اديكى شهدتى الحدث التاريخى انا رحت يوم الخميس زى بسمة
ياريتك كنت هناك يومها
انا كان نفسى اشهد احداث الاحتفال مع الناس بس مش كان ينفع بأه
حالا هعمل موضوع واحط الصور اللى انا صورتها

وأنا كان نفسي أروح اليوم اللي رحتي فيه

شكراً لمرورك يا علياء ... نورتي الموضوع