فلنبدأ بأنفسنا ...:)

قال تعالى "إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِم" ... صدق الله العظيم. فإذا أردنا أن تتغير بلدنا إلى الأفضل، علينا أن نبدأ بانفسنا .. ونتعرف على سلبياتنا ونتغلب عليها.
لهذا وضعت هذا الموضوع لنتناقش عن السلبيات التي نراها في حياتنا .. ((ربما)) نستطيع أن نتغلب عليها
فهيا بنا .. لنكن إيجابيين

في انتظار تفاعلكم

يا جماعة في سلبيات كتير شوفتها في الشارع وعايزة أتكلم عنها (لكن مش عارفة ايه الحل ليها! ):

مرة كنت خارجة قبل كدة شوفت سيدة كبيرة في السن جدااااً ماشية ببطء لوحدها في الشارع وماسكة كيس الدواء بتاعها معاها ،، وفي الآخر في ميكروباص وقف ليها وركبها علشان ينقلها المكان اللي عايزة تروحه ،،طيب ازاااااااااااااااي أولادها أو أحفادها يسيبوها كدة ؟؟ ولو حتى هما سيئين و ناكرين للجميل و سابوها فين جيرانها ؟

حاجة تضايق والله


وفي حاجة تانية كمان ، ساعات مثلا لما أمشي في شارع ألاقي أطفال صغيرين (سنهم مثلا 6 أو 7 سنين أو مش عارفة أقدر أوي ) رابطين كلب وعمالين يضربوا فيه أو يخلوه يلف ويعمل حركات أكيد بتألمه
ببقى نفسي أوي أكلمهم أقولهم يسيبوه لكن متأكدة إنهم مش هيحترموا كلامي لأني بنت و مش كبيرة بالنسبة ليهم دة غير إنهم مش بعيد يشتموا

الحل للموضوع دة أظن إن الكبار اللي ساكنين في الشارع دة يتابعوا الحكاية دي وكل مرة ييجي فيها الأطفال دول يعرفوهم إن كدة غلط ولو استلزم الأمر يهزأوهم

سارة ايمن كتب:

وفي حاجة تانية كمان ، ساعات مثلا لما أمشي في شارع ألاقي أطفال صغيرين (سنهم مثلا 6 أو 7 سنين أو مش عارفة أقدر أوي ) رابطين كلب وعمالين يضربوا فيه أو يخلوه يلف ويعمل حركات أكيد بتألمه
ببقى نفسي أوي أكلمهم أقولهم يسيبوه لكن متأكدة إنهم مش هيحترموا كلامي لأني بنت و مش كبيرة بالنسبة ليهم دة غير إنهم مش بعيد يشتموا

الحل للموضوع دة أظن إن الكبار اللي ساكنين في الشارع دة يتابعوا الحكاية دي وكل مرة ييجي فيها الأطفال دول يعرفوهم إن كدة غلط ولو استلزم الأمر يهزأوهم

بصراحة انا الحكاية دى بضايقنى جدا بس انا مثلك مبقدرش اقولهم لا او متعملوش كده لانهم مبيقدروش ان انا كل همى انهم يسيبوا الكلب ده ده مهما كان مخلوق وفعلا ممكن يشتموا ، بس فى حاجة المشكله ان اللى بيعمل كده مش بيبقى طفل عادى ممكن اوى يكون طفل من اللى والديه خرجوه من اهم حاجة وهى التعليم وخلوه يروح يشتغل فمهما عملنا من نصح او حتى تهزيئ اكيد مش هياخد فى باله وهينفذ اللى هو عايزه لان هو ده اللى بيشوفوه من اصحابه اللى زيه وبيتعلمه منهم ، فأظن ان فعلا لو عايزين نعلمهم انهم ميعملوش كده تانى هو ان احنا نعلمهم صح وده طبعا بيبقى دور الوالدين وده اهم دور لازم فعلا نعمله لو عايزين منخليش اطفال الشارع يزيدوا

اقتباس :

بصراحة انا الحكاية دى بضايقنى جدا بس انا مثلك مبقدرش اقولهم لا او متعملوش كده لانهم مبيقدروش ان انا كل همى انهم يسيبوا الكلب ده ده مهما كان مخلوق وفعلا ممكن يشتموا ، بس فى حاجة المشكله ان اللى بيعمل كده مش بيبقى طفل عادى ممكن اوى يكون طفل من اللى والديه خرجوه من اهم حاجة وهى التعليم وخلوه يروح يشتغل فمهما عملنا من نصح او حتى تهزيئ اكيد مش هياخد فى باله وهينفذ اللى هو عايزه لان هو ده اللى بيشوفوه من اصحابه اللى زيه وبيتعلمه منهم ، فأظن ان فعلا لو عايزين نعلمهم انهم ميعملوش كده تانى هو ان احنا نعلمهم صح وده طبعا بيبقى دور الوالدين وده اهم دور لازم فعلا نعمله لو عايزين منخليش اطفال الشارع يزيدوا

جائز ، لكن بردو أظن المفروض الكبار يحاولوا معاهم الأول وبعدين يحكموا
و الأطفال اللي أهلهم بيسيبوهم في الشارع دي مشكلة أكبر لأن بيتعلموا سلوكيات خاطئة وكلمات غلط
وكمان عمالة الأطفال وعدم تعليمهم مشكلة كبيرة جداً لأن من أبسط حقوق الاطفال إنهم يروحوا المدارس ويتعلموا لكن غالباً السبب الرئيسي بيكون بسبب فقر الأسرة
أما أطفال الشوارع فدي كارثة و هي من أسوأ السلبيات الموجودة في مصر وحاجة محزنة جداً لأن بالإضافة إلى إنهم بيعانوا وبيتعرضوا لأخطار كبيرة جداً ، كمان ممكن لما يكبروا يبقوا أشخاص مش كويسين باستثناء اللي بينجوا منهم

الموضوع دة معمول علشان النقاش كمان في حل المشاكل :
بالنسبة للمشكلة الأولى فدي الوالدين -زي ماذكرت- هما السبب الأساسي فيها ،، أظن الحل ليها إن الجيران أو أصدقاء الوالدين ينبهوهم ويوعوهم .. وبالنسبة لينا كطلاب لو عايزين نساهم في حلها ندور حوالينا لو لقينا حد كدة (أكيد مش هنعرف نكلم الوالدين بسبب فارق السن ) ممكن نقول لوالدينا لو يعرفوا يكلموا الناس دول بلباقة (هو حل صعب شوية لكن حد عنده اقتراح تاني؟ )
وبالنسبة لعمالة الاطفال لأن السبب الرئيسي بيكون الفقر ولو الأسرة دي فعلا محتاجة يبقى المجتمع هو اللي بيتحمل المسئولية ،، لو كل مجتمع طبق مبادئ الإسلام الصحيحة و الأغنياء يساعدوا الفقراء مكناش هنشوف الظاهرة دي ،، أظن الحل ليها إن الناس تدور على الأسر المحتاجة وتساعدهم ،، لو كل واحد عمل كدة الموضوع هيتجل إن شاء الله ،، و اظن احنا كطلاب لو عايزين نساعد ممكن نحاول نتصدق على قد إمكانياتنا (أكيد مش هنحل الموضوع بس على الأقل مش هنقف نتفرج )
المشكلة الثالثة دي أكبر واحدة وأسوأ واحدة ،، والمفروض دول مسئولية الدولة ،، المفروض يعملوا ليهم ملاجئ (((آدمية ))) ويساعدوهم ويرعوهم ،،، لكن دة مبيحصلش
مش عارفة احنا كطلاب نقدر نساعد فيها ازاي ؟؟! هو ممكن الناس تجمع تبرعات من بعض وتعمل ملاجئ ليهم؟ أنا مش عارفة دة بيحصل ولا لأ

أتمنى مشاركة أكتر من الأعضاء
وشكراً على المرور

اقتباس :

وبالنسبة لعمالة الاطفال لأن السبب الرئيسي بيكون الفقر ولو الأسرة دي فعلا محتاجة يبقى المجتمع هو اللي بيتحمل المسئولية ،، لو كل مجتمع طبق مبادئ الإسلام الصحيحة و الأغنياء يساعدوا الفقراء مكناش هنشوف الظاهرة دي ،، أظن الحل ليها إن الناس تدور على الأسر المحتاجة وتساعدهم ،، لو كل واحد عمل كدة الموضوع هيتجل إن شاء الله ،، و اظن احنا كطلاب لو عايزين نساعد ممكن نحاول نتصدق على قد إمكانياتنا (أكيد مش هنحل الموضوع بس على الأقل مش هنقف نتفرج )

فيه دلوقتى اعلان بييجى ان شيبسى هيساعد الاسر الفقيرة علشان يعلموا ولادهم بس يارب الكلام ده يبقى صح وميبقاش كلام اعلانات ، وفعلا المشكلة الحقيقة فى المسلمين فى الوقت الحالى انهم مسلمين فى البطاقة بس زى ما بيقولوا على ما اعتقد اغلبية المسلمين مبيعملوش بتعاليم الاسلام وتعاليم سيد الخلق اجمعين محمد - صلى الله عليه وسلم- وفعلا لو اتبعناها مش اقل من اننا نكون اسياد العالم ومفيش اى دوله تقدر تتحكم فينا مهما كانت قوتها فباتباع دين الله - عز وجل - هيساعدنا الله - سبحانه وتعالى - ان احنا نتغلب على كل كافر وظالم غير مؤمن بانه لا اله الا الله وان محمدا رسول الله ، وياريت لو اى عضو عنده حلول يدخل ويقولها

فكرة الموضوع حلوة جدا وانا من اهم السلبيات الي بلاقيها في الشارع وبتضايقني جدااااااااااااااااااااااااااااااااااااااااااااااااااااااااااااااااا ان كل واحد ياكل حاجة او معاه ورقة او منديل يرمي في الشارع انا الحمد لله بحاول دايما اني مرميش حاجة ابدا ياريت كل واحد ياكل مثلا شيبسي او حاجة يطبق الكيس ويعينه في جيبه مش هيخسر حاجة وفي نفس الوقت هيكون خد حسنات ودي من اهم الحاجات الي المفروض كل واحد يبدأها بنفسه

اقتباس :

من اهم السلبيات الي بلاقيها في الشارع وبتضايقني جدااااااااااااااااااااااااااااااااااااااااااااااااااااااااااااااااا ان كل واحد ياكل حاجة او معاه ورقة او منديل يرمي في الشارع انا الحمد لله بحاول دايما اني مرميش حاجة ابدا ياريت كل واحد ياكل مثلا شيبسي او حاجة يطبق الكيس ويعينه في جيبه مش هيخسر حاجة وفي نفس الوقت هيكون خد حسنات ودي من اهم الحاجات الي المفروض كل واحد يبدأها بنفسه

المشكلة فى الحكاية دى ان احنا لو نصحنا الناس بأنهم يعملوا حاجة مهمة زى دى هتخلى الشارع نظيف زى ما بنشوف فى اليابان وغيرها من البلاد يرد عليك ويقولك هو انا لوحدى اللى بأعمل كده مشكلتنا ان كل واحد بيبص لافعال غيره ، ليه منصلحش احنا من نفسنا حتى علشان لو ابنى او بنتى او حتى اصدقائى شافونى يمكن يقلدونى ويعملوا الصح !!!

اقتباس :

المشكلة فى الحكاية دى ان احنا لو نصحنا الناس بأنهم يعملوا حاجة مهمة زى دى هتخلى الشارع نظيف زى ما بنشوف فى اليابان وغيرها من البلاد يرد عليك ويقولك هو انا لوحدى اللى بأعمل كده مشكلتنا ان كل واحد بيبص لافعال غيره ، ليه منصلحش احنا من نفسنا حتى علشان لو ابنى او بنتى او حتى اصدقائى شافونى يمكن يقلدونى ويعملوا الصح !!!

اكيد ان كل واحد لو بدأ بنفسه هنبقي احسن من اليابان كمان بس كل واحد بيحس ان مش الورقة بتاعته الي هتبوظ منظر الشارع وبيفتكر انها مش هتفرق لكن مع الاسف الوعي غايب عن الشعب المصري ولو كل واحد نصح اخوه وقرايبه وابتدت الحكاية تتنقل من شخص لشخص اعتقد هنبقي افضل بكتيييييييييييير وياريت كل واحد يبدأ من دلوقتي

Esra'a Mahmoud كتب:

فكرة الموضوع حلوة جدا وانا من اهم السلبيات الي بلاقيها في الشارع وبتضايقني جدااااااااااااااااااااااااااااااااااااااااااااااااااااااااااااااااا ان كل واحد ياكل حاجة او معاه ورقة او منديل يرمي في الشارع انا الحمد لله بحاول دايما اني مرميش حاجة ابدا ياريت كل واحد ياكل مثلا شيبسي او حاجة يطبق الكيس ويعينه في جيبه مش هيخسر حاجة وفي نفس الوقت هيكون خد حسنات ودي من اهم الحاجات الي المفروض كل واحد يبدأها بنفسه

أهلاً بيكي في الموضوع يا إسراء ^_^

أها دة من السلبيات اللي بتخنق
في اقتراح باطبقه إن لما أخرج أشيل معايا كيس مخصوص علشان أحط فيه أي ورقة عايزة أرميها
وعلشان نحل الموضوع دة نحاول ننشر الفكرة دي بين أكتر عدد من الناس ونحاول نقنعهم
وعارفة كمان ،، تيجي تبصي حواليكي مثلا ،، هتلاقي صندوق القمامة فاضي والناس بترمي حواليه ! xD
بس بالنسبة لموضوع النظافة بوجه عام بعد ما كل واحد يقوم بدوره ،، أنا باتمنى البلد توفر عربيات كويسة تشيل القمامة من عند البيوت (حتى علشان الناس اللي بترميها في الشارع ميكونش ليه حجة) و يدوا عمال النظافة أجور كويسة ( تكون معقولة على الأقل ! بدل الذل اللي هما فيه دة ! ) علشان تشجعهم على إنهم يقوموا بعملهم

اقتباس :

اكيد ان كل واحد لو بدأ بنفسه هنبقي احسن من اليابان كمان بس كل واحد بيحس ان مش الورقة بتاعته الي هتبوظ منظر الشارع وبيفتكر انها مش هتفرق لكن مع الاسف الوعي غايب عن الشعب المصري ولو كل واحد نصح اخوه وقرايبه وابتدت الحكاية تتنقل من شخص لشخص اعتقد هنبقي افضل بكتيييييييييييير وياريت كل واحد يبدأ من دلوقتي

جائز >>> بس مشكلة الشعب المصرى ان اغلبيته مبيسمعش غير كلام نفسه وبس حتى لو كان الفرد اللى بينصحه انه ميعملش شئ غلط اقرب الناس ليه ، ولو نصحنا اى واحد مصمم على انه يرمى القمامة او اى شئ فى الارض ممكن يبين انه موافق لكن بعد كده هيرجع لعادته القديمة لانه فى اعتقاده فعلا ان مش هو اللى هيخلى منظر الشارع مش لطيف ، وان قولنا لأى حد بيرمى القمامة ومش نظيف ان النبى صلى الله عليه وسلم كان يشارك فى تنظيف منزله وكان ينظف نعله يقولك هو انا مثل النبى وان قولنا افعل مثلما كان يفعل النبى برده يبين انه موافق وممكن فعلا ميعملش الاخطاء دى وممكن (((كبيرة اوى))) يرجع لعادته القديمة!!!!

و لو ،، المفروض بردو منقصرش ونعرف اللي حوالينا
دة غير إن بعد الثورة اللي حصلت كل واحد دلوقتي بئا عايز يقوم بواجبه ويشارك في تجميل مصر فالناس عندها استعداد تسمع

اقتباس :

و لو ،، المفروض بردو منقصرش ونعرف اللي حوالينا
دة غير إن بعد الثورة اللي حصلت كل واحد دلوقتي بئا عايز يقوم بواجبه ويشارك في تجميل مصر فالناس عندها استعداد تسمع

انا مش برفض ان احنا ننصح بس ياريت لو حد يسمع للنصيحة

فعلاً مش الكل ، كنت أقصد كل واحد يأثر في اللي حواليه وأكيد في ناس هيستجيبوا

شكراً لمروركم الإيجابي

في حاجات سلبية كتير زي مرة كنت ماشية في الشارع معظم الاطفال ربطين كلب وبيجروه بالعافية  وهو بينبح بصوت كله ألم طبعا اتضايقت جدا وقولتلهم حرام 
عليكم سبووه ترضوا حد يعمل فيكو كده بعض منهم سكت وسابه وبعض لا بس اول مخرجت من الشارع رجعوا زي الاول وكل ما اسمع صوته في الشارع بتألم جدا ولما لأتهم عملوا كده تاني مقدرتس استحمل  واتعصبت عليهم وزعقتلهم بس بلا جدوي طبعا 
 الزبالة بقي يعني بجد مش لاقية حل فيه واحده اودامنا بترمي الزبالة من  الشباك علي المسقط اللي هوا شارعنا سعات بيبقي نفسي اولها بطلي رمي الزبالة
 بقي حرام عليكي بس مبقولش لاني متاكده اني اللي هقوله هيروح في الهوا ممكن الحل يبقي ان احنا نجمع فلوس مثلا ونحد صناديق زبالة في الشوارع بس 
طبعا لازم الكل يستجيب للحل وميخالفش الامر  ولو الدولة حطط غرامة للزبالة مظنش حد هيفكر يرمي حبة رمل عموم ا بقي لما ببقي ماشيا في بنها الاقي اللي 
يرمي حجات  في النيل بمنتهي السهولة وممكن يكون حلها انهم يوقفوا ناس يراقبوا واللي يرمي يدفع وحجات كتير ياريت تتنفذ  

مهو يا جماعة اللي عايز يشيا الزبالة علشان يرميها في اي سله مهو مصير السلة دي فس الشارع لان بيبقى فيه مقالب زبالة في الشارع حتى تحت عمارات السكن ةالناس بترمي فيها وكمان من غير صندوق يعني لو مرمتش مباشر في الشارع بردوا هتروح للشارع فالحل ده لازم الدوله هي اللي تعمله مش احنا لان مهما عملن بردوا مصيرها في الشارع
اما بالنسبة للاولاد اللي بيجروا كلاب فا ده لانهم غير متعلمين كويس واهاليهم سايبنهم من غير ما يعلموهم حتى بنفسهم

لا يا بسمة الدولة تخدها وتعملها فكرا اللي شوفناه في ناشيونال جيوجرافيك  زيو بس بمصانع  علي الاقل يبقي فيه استفادة طبعا حكاية المضانع علي الدولة

أهلاً يا روان وبسمة في الموضوع

rawan كتب:

في حاجات سلبية كتير زي مرة كنت ماشية في الشارع معظم الاطفال ربطين كلب وبيجروه بالعافية  وهو بينبح بصوت كله ألم طبعا اتضايقت جدا وقولتلهم حرام 
عليكم سبووه ترضوا حد يعمل فيكو كده بعض منهم سكت وسابه وبعض لا بس اول مخرجت من الشارع رجعوا زي الاول وكل ما اسمع صوته في الشارع بتألم جدا ولما لأتهم عملوا كده تاني مقدرتس استحمل  واتعصبت عليهم وزعقتلهم بس بلا جدوي طبعا 
 الزبالة بقي يعني بجد مش لاقية حل فيه واحده اودامنا بترمي الزبالة من  الشباك علي المسقط اللي هوا شارعنا سعات بيبقي نفسي اولها بطلي رمي الزبالة
 بقي حرام عليكي بس مبقولش لاني متاكده اني اللي هقوله هيروح في الهوا ممكن الحل يبقي ان احنا نجمع فلوس مثلا ونحد صناديق زبالة في الشوارع بس 
طبعا لازم الكل يستجيب للحل وميخالفش الامر  ولو الدولة حطط غرامة للزبالة مظنش حد هيفكر يرمي حبة رمل عموم ا بقي لما ببقي ماشيا في بنها الاقي اللي 
يرمي حجات  في النيل بمنتهي السهولة وممكن يكون حلها انهم يوقفوا ناس يراقبوا واللي يرمي يدفع وحجات كتير ياريت تتنفذ  

هي فعلاً حاجة سيئة جداً يا روان تعذيب أي نوع من الحيوانات ، ما هو فعلاً لو حد من المارة كلمهم ممكن يسمعوا كلامه لغاية ما يخرج من الشارع وبعدين يكملوا ، علشان كدة كنت أظن إن الحل إن الكبار اللي ساكنين في الشارع يتابعوا الموضوع دة ينصحوهم في الاول مسمعوش الكلام يزعقولهم
راجعي الردود السابقة
بالنسبة للزبالة فدي حاجة تخنق أساساً
عارفة كان في مشروع كدة إن عربية تعدي على البيوت في ميعاد معين تاخد الزبالة ، كان نفسي يطبق بانتظام لأن لو طبقوه يبقى الناس مش هيكون ليهم سبب يرموها في الشارع تاني
حلك جميل ، مبسوطة إنك فكرتي في حل: بس هو غالباً يا روان بيكون في صناديق أصلا لكن الناس اللي بتستهبل
وتلويث النيل دي مشكلة تانية ... الحل ليها هو حاجة من اتنين: زيادة وعي الناس ودة شكله مستحيل في مصر ! أو رقابة زي ما قلتي : لكن لو لاحظتي هتلاقي إن دي أكتر حاجة بايزة عندنا في مصر أصلاً

بسمة أيمن كتب:

مهو يا جماعة اللي عايز يشيا الزبالة علشان يرميها في اي سله مهو مصير السلة دي فس الشارع لان بيبقى فيه مقالب زبالة في الشارع حتى تحت عمارات السكن ةالناس بترمي فيها وكمان من غير صندوق يعني لو مرمتش مباشر في الشارع بردوا هتروح للشارع فالحل ده لازم الدوله هي اللي تعمله مش احنا لان مهما عملن بردوا مصيرها في الشارع
اما بالنسبة للاولاد اللي بيجروا كلاب فا ده لانهم غير متعلمين كويس واهاليهم سايبنهم من غير ما يعلموهم حتى بنفسهم

ما هو المفروض يا بسمة لو الناس رمت في الصندوق ومرمتش حواليه المنظر العام مش هيسوء لكن مفيش حد بيلتزم ، والمفروض بعدها (وأظن دة بيحصل الحمد لله ) إن بتيجي عربيات كبيرة تشيل القمامة دي تنقلها للأماكن المخصصة أظن


مشكورين على مروركم الإيجابي
وأتمنى تفاعل من باقي الأعضاء

ردا علي كلام بسمة ان الزبالة مصيرها في الشارع لازم انتي تعملي الي عليكي الاول علشان متشيليش ذنب في الاخر الحسنات ليكي لكن بقي لما الدولة هي الي تيجي ترميها في الشارع يبقي هما الي يتحملوا الذنب والمسئولية مش احنا ولما نيجي نتسألي يوم القيامة مش هنتحاسب صح؟؟؟؟؟

احنا بردو يا سارة كان فيه زي محل كده بيتحط فيه الزبالة بيفضل مفتوح كانت في برضو حد ملتزم وحد لا وكان بيتنضف باستمرار لكن اتافل مبقاش يتفتح الشارع بقي زبالة كلوو

السلام عليكم
بما إن الموضوع مش بيتكلم فقط على سلبيات الشارع لكن على سلبياتنا احنا كمان

بمناسبة قرب شهر رمضان إن شاء الله :
أولا : كل عام وانتم بخير ^_^

ثانياً : من أكتر السلبيات اللي بتضايق في رمضان :
المسلسلات الكتيييييييير : وكإن رمضان بدل ما هو شهر عبادة بئا شهر مسلسلاات O_o
وعلى فكرة كتير منها جدااا بيبقى مش كويس نهائي ومينفعش سواء في رمضان أو غيره
أنا أقترح إن كل واحد يبدأ بنفسه ومنخليش رمضان شهر مسلسلات ولو عايزين نتفرج يبقى على مسلسلات هادفة ومنكترش منها بردو ^_^

حاجة كمان : رمضان مش شهر كسل يعني مش علشان صايمين يبقى منشاركش في أي حاجة
مثلا كل واحد بيشتغل ميكسلش ويتقن عمله و في البيت نساعد بردو في أعمل البيت xD

وطبعاً أنا إن شاء الله هحاول وأبدأ بنفسي
أتمنى تشاركوا في النقاش عن "سلبياتنا في رمضان"
وكل عام وانتم بخير