من غرائب المناهج !! =D

السلام عليكم

أنا هحاول أجمع شوية حاجات لفتت انتباهي أوي (خصوصاً وأنا بذاكر عربي ودراسات)
في بعضهم طريف .. وفي بعضهم ملفت للنظر

وياريت المراحل كلها تشارك xD

صــ 178 في كتاب الأضواء (لغة عربية للصف الثالث الإعدادي - الفصل الدراسي الثاني)

النموذج الخامس عشر


النحو:

" كانت طفلة صغيرة لكنها مدركة أبعاد الحياة، ففي الصباح مبتدأ الحكاية واستيقاظ الجميع فهي تشعر بأنها الوحيدة التي تمثل جملة لا محل لها من الإعراب ، يؤرقها الفاعل الذي يبدد مفعوله واللفظ الصفة حين يتبع الموصوف ، فكم تافهة تلك الحياة حينما تشعر بأننا خبر كاذب فيها ولا قيمة لنا ونحن خير ما فيه"

لاحظتوا ايه من إعراب الكلمات؟ ^_^
دي عجباني

للموضوع بقية إن شاء الله

صــ 321 في كتاب الامتحان (دراسات اجتماعية للصف الثالث الإعدادي الفصل الدراسي الثاني)

"شهدت مصر أواخر عام 2010 انتخابات عنيفة لمجلس الشعب، والتي توافرت لها الكثير من عناصر النجاح متمثلة في الإشراف القضائي الكامل وحياد أجهزة الدولة ومع هذا أظهر الواقع تخاذل نسبة كبيرة من الناخبين عن الإدلاء بأصواتهم"



هههههههههههههههههههههههههههههههههههههههه
لا تعليق



بس بصراحة... دة مش بيدل على إن المناهج ماشية مع الأقوى ... يعني مثلا أيام الرئيس كانت بتناصره ... بعد ما اتنحى (منتظر ان مناهج الدراسات [خاصة 3 ع و 6 ابتدائي] تتغير تغيير كبير ) !!

مجهووود جميل يا سارة
انا شفت قطعة النحو عجبتنى على فكرة

سارة أيمن كتب:

صــ 178 في كتاب الأضواء (لغة عربية للصف الثالث الإعدادي - الفصل الدراسي الثاني)

النموذج الخامس عشر


النحو:

" كانت طفلة صغيرة لكنها مدركة أبعاد الحياة، ففي الصباح مبتدأ الحكاية واستيقاظ الجميع فهي تشعر بأنها الوحيدة التي تمثل جملة لا محل لها من الإعراب ، يؤرقها الفاعل الذي يبدد مفعوله واللفظ الصفة حين يتبع الموصوف ، فكم تافهة تلك الحياة حينما تشعر بأننا خبر كاذب فيها ولا قيمة لنا ونحن خير ما فيه"

لاحظتوا ايه من إعراب الكلمات؟ ^_^
دي عجباني

للموضوع بقية إن شاء الله

انا كله لفت انتباهى بس دى اكتر اللى خلتنى اشك فى نفسي
الكلمات كلها اعربت نفسها
نيس توبيك سارة تسلمى

سارة أيمن كتب:

مش عارفة ... لكن شايفة إن دة مينفعش كموضوع تعبير ... هاتغاضى عن موضوع الكتابة وصيغة كتابة السؤال ... لك صعب حد يرغي فيه مثلا صح؟ يعني عايز معلومات أكتر من كونه عايز أسلوب كتابة جميل ...

طب وهيجيب معلومات ازاي عن شئ غير واقعي اصلا؟؟ انا كنت داخلة الامتحان بحمد ربنا ان الثورة قامت عشان ما يستهبلش في مواضيع التعبير

سارة أيمن كتب:

صــ 321 في كتاب الامتحان (دراسات اجتماعية للصف الثالث الإعدادي الفصل الدراسي الثاني)

"شهدت مصر أواخر عام 2010 انتخابات عنيفة لمجلس الشعب، والتي توافرت لها الكثير من عناصر النجاح متمثلة في الإشراف القضائي الكامل وحياد أجهزة الدولة ومع هذا أظهر الواقع تخاذل نسبة كبيرة من الناخبين عن الإدلاء بأصواتهم"

اهيه يا سارة :


وكمان فيه في الدراسات:






NO COMMENT

Anastasia كتب:

مجهووود جميل يا سارة
انا شفت قطعة النحو عجبتنى على فكرة

شكراً يا أنسطاسيا
مبسوطة إنه عجبك ^_^
وأنا كمااااان .. عجبتني فكرتها جداً

RaNa AmGaD كتب:

سارة أيمن كتب:

صــ 178 في كتاب الأضواء (لغة عربية للصف الثالث الإعدادي - الفصل الدراسي الثاني)

النموذج الخامس عشر


النحو:

" كانت طفلة صغيرة لكنها مدركة أبعاد الحياة، ففي الصباح مبتدأ الحكاية واستيقاظ الجميع فهي تشعر بأنها الوحيدة التي تمثل جملة لا محل لها من الإعراب ، يؤرقها الفاعل الذي يبدد مفعوله واللفظ الصفة حين يتبع الموصوف ، فكم تافهة تلك الحياة حينما تشعر بأننا خبر كاذب فيها ولا قيمة لنا ونحن خير ما فيه"

لاحظتوا ايه من إعراب الكلمات؟ ^_^
دي عجباني

للموضوع بقية إن شاء الله

انا كله لفت انتباهى بس دى اكتر اللى خلتنى اشك فى نفسي
الكلمات كلها اعربت نفسها
نيس توبيك سارة تسلمى

ههههههههههههههههه، وهو دة المطلوب
أسعدني مرورك جداً يا رنا ... نورتي ^_^
لو عندك حاجة شاركينا بيها

basma gamil كتب:

سارة أيمن كتب:

مش عارفة ... لكن شايفة إن دة مينفعش كموضوع تعبير ... هاتغاضى عن موضوع الكتابة وصيغة كتابة السؤال ... لك صعب حد يرغي فيه مثلا صح؟ يعني عايز معلومات أكتر من كونه عايز أسلوب كتابة جميل ...

طب وهيجيب معلومات ازاي عن شئ غير واقعي اصلا؟؟ انا كنت داخلة الامتحان بحمد ربنا ان الثورة قامت عشان ما يستهبلش في مواضيع التعبير

ما أنا بقول ناخد الكتاب على قد عقله xD
مناهج منافقة ...

سارة أيمن كتب:

صــ 321 في كتاب الامتحان (دراسات اجتماعية للصف الثالث الإعدادي الفصل الدراسي الثاني)


"شهدت مصر أواخر عام 2010 انتخابات عنيفة لمجلس الشعب، والتي توافرت لها الكثير من عناصر النجاح متمثلة في الإشراف القضائي الكامل وحياد أجهزة الدولة ومع هذا أظهر الواقع تخاذل نسبة كبيرة من الناخبين عن الإدلاء بأصواتهم"

اهيه يا سارة :


وكمان فيه في الدراسات:




دة كان درس .... كويس انهم لغوه >_<


هههههههههههههه ... وزي ما بقول دايما ... ازدهرت وترعرعت

NO COMMENT

طيب المفروض دة تارييييخ ... يعني حقائق ... يعني مفيش مجال للمجاملات وإلا بيدرسونا التاريخ غلط !! كدة نعرف الصح من الخطأ ازاي؟؟!!


نورتي الموضوع يا بسمة

فعلا مصيبة .. شكلنا هننقل الموضوع دة للنقاش مش النكت والالغاز!
طب دة يا جماعة الشكوي في الكتب الدراسية بتتقدم لمين ولا ايه؟

أها
أوك هنقله هناك
وبطلب من المدرسين والطلاب المشاركة
ومدرسي اللغة العربية ^_^

جاري النقل إلى منتدى الحوار العام

هههههههههههههههههههههههههههههههههه
ايه الجمال ده
بالذات القطعة جااااااااامدة
تسلمى يا ساااااااارة
تسلمى يا بسمة
3> 3> 3>

[quote="سارة أيمن"]

Anastasia كتب:

طيب المفروض دة تارييييخ ... يعني حقائق ... يعني مفيش مجال للمجاملات وإلا بيدرسونا التاريخ غلط !! كدة نعرف الصح من الخطأ ازاي؟؟!!

نورتي الموضوع يا بسمة

اذا كانوا بيدرسونا الحديث غلط؟؟!

Aliaa Eslam كتب:

هههههههههههههههههههههههههههههههههه
ايه الجمال ده
بالذات القطعة جااااااااامدة
تسلمى يا ساااااااارة
تسلمى يا بسمة
3> 3> 3>

تسلميلي يا علياء

Aliaa Eslam كتب:

هههههههههههههههههههههههههههههههههه
ايه الجمال ده
بالذات القطعة جااااااااامدة
تسلمى يا ساااااااارة
تسلمى يا بسمة
3> 3> 3>

تسلمي يا علياااااااااء

[quote="basma gamil"]

سارة أيمن كتب:

Anastasia كتب:

طيب المفروض دة تارييييخ ... يعني حقائق ... يعني مفيش مجال للمجاملات وإلا بيدرسونا التاريخ غلط !! كدة نعرف الصح من الخطأ ازاي؟؟!!

نورتي الموضوع يا بسمة

اذا كانوا بيدرسونا الحديث غلط؟؟!

حاجة تشل
لازم مراجعة على مناهج التاريخ ودرس العربي لاااااااااااااااااازم الحديث دة يتشال


مفيش أي طريقة نتواصل بيها مع الوزارة؟
نفسي يعملوا صندوق للشكاوي والاقتراحات على الموقع ويقروه بجد ويهتموا بيه ، يخصصوا حد لكدة

سارة أيمن كتب:

التــــــــــــــــــــــرجمة !!

موضوع الترجمة من الكتب الدراسية باللغة العربية للكتب الدراسية باللغة الإنجليزية (زي كتب فصول اللغات)
كبر و زاد عن حده جدااااااااااا

مثلاً في كتاب الكمبيوتر (بالعربي) صــــ9

الصورة اهيه



" اختيار النوع المناسب لكل متغير"

يتحدد تلقائياً ثلاث خصائص لنوع المتغير في أي برنامج عند اختيارنا لهذا المتغير :
وهذه الخصائص هي:
أ- نوع البيانات التي يمكن تخزينها فيه
ب- العمليات التي يمكن إجراؤها عليه
ج- حجم الذاكرة الذي يحتاجه هذا المتغير.

ولهذا فإنه يجب علينا أن نختار النوع المناسب لكل متغير طبقاً للخصائص السابقة....


الجزء المقابل ليه في كتاب الكمبيوتر (بالانجلش) :

الصورة

page 8
Knowing the characteristics of a real-world value that you need to store in a variable, you can use the following table, that contains a set of decision rules, to select the best type for that variable

وبعدهم الجدول الموجود في كتاب العربي بردو

جه عنها سؤال في الامتحان .... ليه تكون مذكورة بصراحة وبوضوح تااام في كتاب العربي ومش مذكورة عندنا في الكتاب الانجليزي ؟؟

اصلا امتحان الكمبيوتر دة كان من الطرائف لوحده هبقي اصوره ان شاء الله واحطه ,, ترجمته بجد خلتنا نحل من الورقة العربي ^^

دة بسبب الأخطاء الغريبة في الترجمة لتدريبات كتب الرياضة و العلوم بقينا لما نيجي نحل لازم نبص في الكتابين

على سبيل المثال هاذكر غلطة كوميدية (لكن طبعاً فيه غير كدة كتيير) : في كتاب العلوم بيقول : اذكر أهمية للقواعد الكيميائية في الصناعة

عندنا بيقووول على القواعد الكيميائية: chemical rules


مس ميرفت ساعتها اعدت تضحك كتيييييييييييييييييييييييييييييييييييييير

كماااان المفروض بعد كدة نذاكر المنهج نفسه من الكتابين
طيب كدة الوقت هيتضاعف !!

وكمان نحل الامتحان مرتين ونقراه مرتين ونعد نقارن في نفس الوقت اللي فصول عربي بيحلوه فيه,, يعني علي كدة يضاعفولنا وقت الامتحان

وفي الامتحانات (الترم الأول و نهاية العام) :
الترم الأول كان مترجم سؤال في العلوم غلط (وإن شاء الله هذكره قريب)
و الترم دة في امتحان نهاية العام: مبدل أرقام في مسألة الإحصاء

الصورة





والله أعلم هيحصلنا ايه في ثانوي ....


ليه مفيش اهتمام بالترجمة ؟؟ سواء في المناهج أو الامتحانات؟؟؟؟

وتاااااااااني .. باتمنى يكون في أي طريقة نقدر نتواصل بيها مع وزارة التربية والتعليم و يهتموا بكرمنا فعلاً !!!

والله هم يبكي وهم يضحك

basma gamil كتب:

ههههههههه
انا مش فاهمة هم كانوا بيساندوه على ايه
تسلمى يا بسمة

اقتباس :

وكمان نحل الامتحان مرتين ونقراه مرتين ونعد نقارن في نفس الوقت اللي فصول عربي بيحلوه فيه,, يعني علي كدة يضاعفولنا وقت الامتحان

ممكن فعلا معاكي حق
لكن دي مش مشكلة أوي
المشكلة ان لما بنكتشف خطأ مثلا وعلى ما يعبرونا وعلى ما حد ييجي ويقعدوا يتناقشوا في الفصل بنكون اتوترنا والموضوع دة اللي بيضيع وقت

ممكن في 3 إعدادي الامتحانات كانت سهلة ولحقنا نفسنا ، لكن في ثانوي؟؟

حاجة شلل والله >_<

لي عودة إن شاء الله للتعليق على الباقي
ويعجبني مرورك الإيجابي دة

ومنورة الموضوع دايما يا علياء
عقبالك تشوفي اللي بنشوفه دة

خدوا الأكبر بئا :



نفضل ندرس في المنهج الجديد طول إعدادي وعن نفسي تعبت فيه وكنت مبسوطة جداً إنهم بيطوروه للاحسن وفخورة إني بدرسه وبعدين ألاقي في ثانوي هنكمل بالمنهج القديم

على فكرة بسبب المنهج الجديد دة في حاجات وقعت مننا أصلا مدرسناهاش لأن مش بادئين منهج جديد من الأول بس كنا مستحملين على أساس هنكمل الجديد @_@

بجد حاجة تضايق !

زى ما تقولى كده يا سارة كانوا بيجربوا فينا بجد

وهنعانى فى المستقبل لان هنبقى مطغوطين فى اولى ثانوى

بس المشكلة الاكبر فعلا هى حكاية الترجمة دى لان ممكن تضيعنا

أه والله يا أنسطاسيا
تحسي إن كل حاجة بتتجرب في الدفعة دي >_<

أساساً دفعة نحس

بس صدقيني حكاية عدم تغيثير المناهج دي مضايقاني جداً جداً
كان نفسي أوي نكمل مناهج جديدة على نفس النظام
الواحد كان حاسس إنه بيدرس حاجة قيمة !

وحكاية الترجمة دي انا خايفة جداً منها من دلوقتي
فعلاً هتضيعنا جداا
المفروض يكون فيه اهتمام باللغات أكتر من كدة !! ويجيبوا حد متخصص ويراجعوا كتير بدل العك دة !


مشكورة على المرور

المناهج الجديدة كانت فعلا كويسة .. الا العربي
حد في 3 اعدادي ويدرس قصة عن فار وفرخة وبقرة ؟! (درس كن ايجابيا) .. الرسالة اللي الدرس دة بيوصلها مهمة بس انه يوصلها بالطريقة السخيفة اللي بتستخف بعقولنا دي..!! يعني ممكن توصل بطريقة احسن بكتير مناسبة لطالب في 3 اعدادي
والشعر بتاع سمكة تنصح ابنائها .. اقصد النشيد !! دة مستر محمد عبد الله ساعتها كان هيولع في الكتاب!!

اقتباس :

نصـــــــــائح الآباء للأبناء ***** مثل دواء مــــبرئ للـــــداء
قد أخذت ســـــــمكة كبيرة *****تنصح أولادا لها صــــغيرة
قالت بناتى كن وسط النهر ***** واسبحن ولا تجئن نحو البر
وكان هذا القول فى الشتاء ***** والماء يهمى من فم الســماء
وعم هذا الماء كل الارض ***** منتشرا فى طولها والعرض
وعند ذاك فارق النهر السمك*** وعام فيما حـــــوله من برك
حتــى إذا مــا قلــت الميــاه***** ورجع النـــهر الى مـــجراه
لم تستطع ان ترجع الاسماك**** وعــم فيها الــويل والــهلاك
وهالك من ســـار فى هواه ***** مخالفا فى ســـــــــــيره اباه

وطبعا قصة شجردة الدر (وهي من المنهج القديم عادي) .. لا يمكن اعتبارها قصة تاريخية
لان اولا الكاتب ما كانش حيادي.. كان منحاز جدا لشخصية شجرة الدر .. وكانت هي اللي بتعمل كل حاجة وكإن نجم الدين ما كنش موجود اصلا .. حتي لو حوار دار بين نجم الدين وشخص تاني كان بيقول "وكانت شجرة الدر تعلم" وكان نجم الدين بيستشيرها ويمشي رايها في اي امر
وثانيا كان بيتم تجاهل بعض الاحداث الهامة والتركيز في التفاصيل التافهة في القصة
وحتي نهاية القصة ما كملتش .. وقفت عند خروج الملك لويس التاسع من دار لقمان بالفدية .. وتم تجاهل باقي حياة شجرة الدر لانها كانت نهاية هتبين ان شجرة الدر ما كانتش دايما كويسة .. يعني ما عرفناش الحقيقة كاملة .. رغم ان في قصة "وا اسلاماه" المقررة في 2 ثانوي هتظهر شجرة الدر بشكل تاني خالص .. وبالتالي فيه تضارب بين اللي احنا بناخده .. يعني شجرة الدر ظهرت ملاك في قصة طموح جارية .. وظهرت بشكل تاني خالص في قصة وا اسلاماه..
يا رب ارحمنا ..

والله وأنا كمان ضد قصة شجرة الدر دي >_<
مفيش حيادية في تدريس التاريخ!

وكمان انا معترضة على تدريس قصة عنترة بن شداد لطلاب في مرحلة الثانوية !

بس حصة كن إيجابيا كانت حصة كوميدية والله XD

يلا لسة هنستكشف عجائب منهج أولى ثانوي

ا اللي فعلا كوميدي شكل مستر محمد و هو بيدرس لناكن ايجابيا و سمكة تنصح ابنائها

ما هي دروس غريبة

دة حتى الدرس مقدمته كانت جميلة وتمهد لدرس قوي وبعدين نلاقي قصة الفار !

ممكن تكون فكرته حلوة بس لطلاب 3 ابتدائي

فعلا

انا قلت اجيب الدرس عشان لو حد مش معانا في المرحلة يشاركنا
بس نش لاقية النص بالظبط علي النت فجبت القصة بس (الفكرة بتاعته)

اقتباس :

نتعلم من تجارب الحياة أن نتعامل مع مشكلاتنا بجدية لأنه من الممكن أن تضر هذه المشاكل حياتنا، وأنه من الأولى أن نقف بجانب من حولنا فى مشكلاتهم إذا احتاجوا إلينا.

فالفأر كان يعيش فى سعادة وهناء حتى جاء له صاحب المزرعة بمصيدة فاستنجد بالدجاجة والخروف والبقرة فتخلوا عنه ولم يساعدوه وعندها قرر الفأر أن يتعامل مع المشكلة بجدية، فابتعد فى سيره عن مكان المصيدة ولكن لسوء الحظ أمسكت المصيدة بثعبان سام عض زوجة صاحب المزرعة فنقلت إلى المستشفى وبعدها ذبح صاحب المزرعة الدجاجة، وباع الخروف والبقرة، ولم يبق من حيوانات المزرعة غير الفأر الذى أخذ الحيطة وتعامل مع مشكلته بجدية وتفكير سليم.

رغم ان نفسي الاقي النص .. لو حد لقاه يا ريت يحطه.. مش كفاية الحوار بتاع الحيوانات دة والبقرة تقول: هأ هأ
هتشل

كنت لسة هاقولك البقرة كانت بتقول هأ هأ xD
أنا أنسى الدرس كله ومنساش الكلمتين دول
وإلا وهي بتتقال في القراءة

يلا ذكريات كوميدية ^_^
يعني تيجي تبصي للدرس دة وتبصي مثلا لغذاء ودواء أو مشروعات صغيرة (اللي طلعوا عيني ماليانين حفظ أويييييييييييييييييييييييييييييييييييييييي) >_<


إن شاء الله السنة الجاية نجيب عجائب المنهج بردو

نورتي كالعادة يا بثمة