الي متي ستظل اسرائيل؟؟؟!!!

إلى متى تظل اسرائيل هى محور الكون والكل يدور حولها ؟؟؟ ما السر فى ذلك ؟؟
اتمني المشاركه من جميع الاعضاء

السر في :

دول عربية المفروض ليها عدو مشترك وهو إسرائيل مع ذلك مش بيتحدوا مع بعض علشان يواجهوه بالعكس كنا بنتفكك أكتر و أكتر
دول عربية معندهاش انتماء عربي أساساً عندك احنا بنصدر الغاز لإسرائيل !!!! و الدول التانية اللي بتبيع البترول لأمريكا و اللي بتسمح ليها تعمل قاعدات عسكرية عندها !!!!!!!!!!!!!!
دول عربية كانت كل اهتماماتها تافهة .. مفيش اهتمام بالعلم والعلماء والتعليم وانها تطور نفسها وتتقدم كل الاهتمام كان بــ "اللي بيسموه فن " و المفرووووووووض رياضة (حتى الرياضة مكانش في اهتمام بيها كل الاهتمام كان بكرة القدم ) دة كله علشان الرؤساء والحكام يشغلوا الناس
دول عربية كل اهتمام حكامها انهم يسرقوا البلد ويفضلوا بيحكموا !

في الوقت اللي إسرائيل صاحية فيه و طول الوقت في استعداد وتجهيز وبيطوروا نفسهم ومهتمين بالعلم و عمالين يخترعوا في أسلحة

دة غير إن زي ما درسنا في الدراسات إسرائيل بتحميها أمريكا وأمريكا تعتبر أقوى دولة في العالم


نفسييييييييييييييييي الثورات دي لما تخلص والحكام في الدول يتغيروا نفوق شوية و نقضي على إسرائيل



مش عارفة كلامي صح ولا لأ ... لكن ردي على قد فهمي

أتمنى مشاركتك يا مريم ومشاركة الجميع

هاى يا جماعة دى اول مشاركة ليا وياريت تتقبلوا رايى
المهم ندخل فى الموضوع
صراحة الموضوع ده جرئ جدااااااااااااا ...وبيدل على اننا لسه صاحيين ولسه عندنا امل ...
يعنى اننا نتكلم فى بقاء اسرائيل او عدمه
انا من رأيى ان دولة اسرائيل ستظل قائمة طالما ظل الخوف فى قلوب ابناء الشعب العربى
وانا اؤيدك يا سارة من حيث وجوب اتحاد الحكام ....
لانه اذا ظل الفساد والتفكك ظلت اسرايل فى التمادى بقوتها
وبعدين انا عايزة اوجة سؤال وأتمنى من جميع الاعضاء انهم يردوا عليه
يا ترى ايه اللى هيحصل لو احنا منعنا تصدير الغاز لاسرائيل ؟؟؟؟ ومش كده وبس لو قطعنا كمان كل علاقتنا الاقتصادية والسياسية ؟؟؟؟؟
ايه اللى هيحصل ؟؟؟
لازم تعرفوا حاجة كويسة جداا ان اسرائيل ليست بقوية لان قوتها مستمدة من الولايات المتحدة الامريكية والقوة المستمدة يمكنها الزوال ...الاستراتيجية اللى بيتعملوا بيها انهم يقتلونا من الخوف يوهمونا انهم اقوى واعنف ....
وانا منكرش انهم اقويا لكن العرب ياتحادهم قوة عظمى ....
واكيد اسرائيل ستظل قائمة كلما ظل فكرنا ملوث ... ياجماعة انا بشوف علماء دين بيفسروا كلام ربنا غلط علشان يخدموا الحكام ...
مثال على ذلك ... خادم الحرميين الشرييفين أيحق له ان يرسل القوات السعودية لكى تمحى الثورة البحرينية لان طبعا البحريين مملكة وسوطها هيأثر على حكمه
يارب ازاى بس يكون ده رمز للمسلمين ولا رمز للحكام المسلمين ؟؟؟؟
وسؤال آخراود ان اساله ... هل حكم هذا الحاكم شرعى ؟؟؟هل حكم الوراثة شرعى ؟؟؟؟
وغيره وغيره وغيره
مصايب وبلاوى اتحط فوق دماغنا ...حطهولنا علشان منفقش منها ابدا
وعلى العموم انا برده اعتبر مقولتش حاجة
لكن كتلخيص لكلامى احنا لازم نفوق ولازم نعرف اننا نقدر نغلبهم احنا مؤمنين وربنا مبيظلمش
ون النصر قريب

عارفة ليه يا مريم علشان احنا شعب تافه
تقدري تقووولي لما جنودنا ع الحدود اتقتلوا عملنا ايه ؟؟؟ اعتصمنا يومين و بعد ككده ؟؟؟ طلع رئيس الوزراء الاسرائيلي و قال مش هنعتذر لحد ,, و سكتنا,, بنوا جدار ما بين الطريق و السفارة و سكتنا ,, تخيلي انك تبقي معدية علي كوبري الجامعة او من ادام حديقة الحيوانات و تلاقي سووور كبير في نص الطريق و بردو سكتنا,, ثورتنا بتضيع و ساكتين , تركيا اللي ملهاش علاقة بالموضوع سحبت سفيرها و مشت سفير اسرائيل ,, احنا بقي عملنا ايه ؟ اخترنا الفستان البمبي ,,هاا, يا فرحتي.....