تكريم الأعضاء النشيطين خلال العام الثالث للمنتدى :)

السلام عليكم ورحمة الله

في هذا الموضوع أشكر جميع الأعضاء الذين تواجدوا وتفاعلوا في المنتدى خلال العام الثالث له :

1-
Mostafa



أنشط الأعضاء تقريباً خلال السنة دي في عدد المساهمات والموضوعات المتنوعة .. كل الشكر والتقدير لمجهوداته الرائعة والموضوعات الجميلة -وإن كان التواجد قل في الفترات الأخيرة-

2-
Anastasia Kamal



أكثر "العضوات" تواجد وتفاعل على مدار العام في المنتدى وموضوعاتها جميلة جداً.. شكراً أنسطاسيا ، ^_^

3-
M.R MYSTERIO

-وإن كان مش متواجد معنا من أول السنة- لكن الفترة اللي دخلها كانت الموضوعات مفيدة جداً وتفاعل الكثير من الاعضاء معها .. شكراً جزيلاُ على مجهوداته

4-
Hadeer Hany

كانت موجودة في مختلف فترات السنة تقريباً .. ودايماً أفكارها وموضوعاتها جميلة .. كل الشكر والتقدير لمجهوداتها

5- بسمة أيمن


شكراً على تفاعلك ومجهوداتك في المنتدى
6- Aliaa Eslam


في أول السنة كانت نشيطة جداااا في المنتدى –وإن كان مفيش تواجد أوي في الفترة الأخيرة- وكل فترة بتدخل بردو وتتفاعل معنا .. شكراً علياء ^^

7-
بسمة جميل



-وإن كانت فترات دخولها متباعدة جدااااا ..:@ – لكن لما بتدخل بتضع مساهمات جميلة ومفيدة كل الشكر والتقدير لمجهوداتها وتصميمها الاستايلات للمنتدى معي

8- Esra'a Mahmoud




-وإن كانت مش بتدخل كتير- لكن لما بتضع موضوعات بتكون قيمة جداً ^_^ .. شكراُ إسراء على مجهوداتك

9-
أحمد صفوان
كل الشكر والتقدير لمجهوداته ومساعدته في تطوير المنتدى



10-
Bassel Gamal

شكراُ جزيلاً على مجهوداته و موضوعاته وتفاعله في قسم البرامج

11-
elking

شكراً جزيلاً على مساهماته الفعالة

12- The-Half-Blood-Princess

وإن كانت فترة تواجدها معنا كانت قصيرة جداً لكن مساهماتها كنت معجبة بيها جداً ^^ .. شكراً على مجهودك في الفترة دي

13
Rawan


شكراً على تواجدك وموضوعاتك الجميلة ^_^

14- وبالنسبة للمدرسين:

أ/ مصطفى عبد رب الرسول



شكراً جزيلاً لحضرتك على اهتمامك بالمنتدى وعلى موضوعات حضرتك المفيدة خلال العام

Mr Ayman Swelam



شكراً جزيلاُ لحضرتك على دعم المنتدى ومتابعته ..

مستر سامي ومستر محمد نبيه ومستر سعد
شكراً لحضراتكم على الاهتمام بالمنتدى من الأيام الأولى له ^_^ واحنا بنتشرف جداً لما تشاركوا معنا .. أتمنى حضراتكم تكونوا متواجدين معنا العام القادم

أ سيد عثمان و الحاج الحسين ومستر محمود رشوان

شكراً لتواجد حضراتكم معنا خلال العام دة وأتمنى حضراتكم تتواجدوا معنا باستمرار ^_^



لكل الأعضاء المذكورين: أتمنى تتواجدوا معنا خلال الأعوام القادمة كمان
والسنة دي متقدمناش كتير عن السنة اللي فاتت ، أتمنى نتحسن السنة القادمة
ومشكورين على مجهوداتكم

وأتمنى أكون منستش حد ولو حصل يبقى عن غير قصد فعلاً
وفي أعضاء كنت أتمنى يكونوا موجودين في التكريم .. إن شاء الله يتواجدوا في السنة الجاية

انا اهوووووووووووووو ^^
شكرا علي التكريم يا سارة وان شاء الله يزيد التفاعل
كل سنة والكل بخير

سااااارة كل سنة وانتى طيبة وعقبال كل سنة والمنتدى يكون فى تقدم داائم ان شاء الله
وشكرااااا جدا على التكريم

كل سنة والمنتدى طيب وكل شنة والكل طيب
شكرا يا سارة على التكريم

شكرا على التقدير الحلو ده

اقتباس :

-وإن كان التواجد قل في الفترات الأخيرة-

سورى جدا بس كان فيه شوية مشاكل معرفتش اقعد عل الكمبيوتر كتير بسببها وان شاء الله ارجع تانى وابقى من الاعضاء النشيطين فى المنتدى !!!!!

شكرا جدا يا سارة علي ذكري في التكريم و كل سنة و انتا طيب يا منتدي هنبقي نعمل عيد ميلادنا سوي ( بس بيني و بين علشان مس احلام متعرفش ) ههههههههههه

السلام عليـــــــكم

بسمة جميل كتب:

انا اهوووووووووووووو ^^
شكرا علي التكريم يا سارة وان شاء الله يزيد التفاعل
كل سنة والكل بخير

كنت بهزأك على فكرة ^_^
وانتي بخير
لا بجد شكراً على مجهوداتك
وياريت حضرتك تشرفينا أكتر من كدة

^_____^

Anastasia Kamal كتب:

سااااارة كل سنة وانتى طيبة وعقبال كل سنة والمنتدى يكون فى تقدم داائم ان شاء الله
وشكرااااا جدا على التكريم

انسطاسيااااااااااااااااااا
وانتي طيبة ^_^
يا رب بمجهوداتكم إن شاء الله
العفو جداً

بسمة أيمن كتب:

كل سنة والمنتدى طيب وكل شنة والكل طيب
شكرا يا سارة على التكريم

وانتي طيبة يا بشمة
العفو

Mostafa كتب:

شكرا على التقدير الحلو ده

اقتباس :

-وإن كان التواجد قل في الفترات الأخيرة-

سورى جدا بس كان فيه شوية مشاكل معرفتش اقعد عل الكمبيوتر كتير بسببها وان شاء الله ارجع تانى وابقى من الاعضاء النشيطين فى المنتدى !!!!!

العفو
مفيش مشكلة
إن شاء الله... في انتظار التفاعل والنشاط إن شاء الله
و شكراً على الاهتمام و مجهوداتك خلال العام

محمد نبيه كتب:

أرجو أن يتقبل منتدانا الرائع أسفي على تقصيري بجد في حق هذا المنتدى الأكثر من رائع ؛ الله يسامح الفيس بقى بس انا بقوله إن شاء الله نطوي صفحات هذا العام ونبدأ عام مملوء بصلة الرحم
والحب والاخلاص

مستر محمد نبيييه
أولاً شكراً على اهتمام حضرتك والدخول
ماشي يا مستر ^_^
أتمنى فعلاً حضرتك تشارك معنا السنة دي في المنتدى لأن فعلاُ مشاركات حضرتك بتبقى قيمة وتهمنا
وسعدت جداً برد حضرتك

M.R MYSTERIO كتب:

شكرا جدا يا سارة علي ذكري في التكريم و كل سنة و انتا طيب يا منتدي هنبقي نعمل عيد ميلادنا سوي ( بس بيني و بين علشان مس احلام متعرفش ) ههههههههههه

لا شكر على واجب
شكراً على مساهماتك الجميلة واهتمامك
ماشي





مشكورين يا جماعة على اهتمامكم
وأتمنى السنة دي تكون أحسن من السنة اللي فاتت إن شاء الله

السلام عليكم

شكرا علي هذا التكريم و باذن الله هحاول اساهم اكتر و شكرا

شكرا اولا يا سارة علي التكريم وهحاول باذن الله اني ادخل اكتر وابقي عضوة نشيطة اكثر من كدة بس لازم تعرفي انك السبب في قلة تواجدي علشان "ممنوع استخدام الزر الأيمن" الي قولتيلي هتشيليها ومليون خط تحت هتشيليها دي بس يلا بندخل علشان المنتدي بس

آسفه بجد يا سارة على تأخيرى المستمر
بس انت عارفة بأه المذاكرة والدراسة
إن شاء الله اقدر اعوض شوية

احمد صفوان كتب:

شكرا علي هذا التكريم و باذن الله هحاول اساهم اكتر و شكرا

العفو
إن شاء الله .. تكون حاجة كويسة

Esra'a Mahmoud كتب:

شكرا اولا يا سارة علي التكريم وهحاول باذن الله اني ادخل اكتر وابقي عضوة نشيطة اكثر من كدة بس لازم تعرفي انك السبب في قلة تواجدي علشان "ممنوع استخدام الزر الأيمن" الي قولتيلي هتشيليها ومليون خط تحت هتشيليها دي بس يلا بندخل علشان المنتدي بس

العفو يا إسرااااااااااء
نورتي و الله
معلش بئا انتي عارفة اني بفقد الذاكرة كذا مرة في اليوم O_o
وبعدين هاشيلها الناس "الحراميين" هينقلوا الحاجات xD
حاضر يا إسراء هشيلهالك مخصوص ^_^
وشكراً على مرورك واهتمامك

Aliaa Eslam كتب:

آسفه بجد يا سارة على تأخيرى المستمر
بس انت عارفة بأه المذاكرة والدراسة
إن شاء الله اقدر اعوض شوية

مفيش مشكلة يا علياء
أيوة 3 إعدادي بئا يا عم
بس والله كانت بالنسبة لي أحلى سنة دراسية عشتها لغاية دلوقتي
استمتعي بئا قبل ثانوي >_<
إن شاء الله
ابقي تفقدي كرسي الاعتراف بئا


شكراً على اهتمامكم

شكرا على التكريم و كل سنة والمنتدى طيب واعضاء المنتدى كلهم طيبين

العفو
وانتي طيبة يا هدير
مشكورة على مجهوداتك

ايون ايون اتفقد كرسى الاعتراف علشان تستلمونى

وانت طيبة يا سارة وهحاول ان شاءالله اتفاعل اكثر...وكل سنة والمنتدي في تقدم مستمر

إن شاء الله في انتظار تفاعلك يا روان
كل عام وانت بخير