مطلوب رأيكم

أنا نفسى كل الناس تدخل تقولى رأيها فى الاولتراس و إيه الحاجة الحلوة و إيه الحاجة الوحشة و أى استفسار عن عقليتهم لأن نفسى أفهم قد إيه معانا و إيه الوحش اللى مدايق الناس

بالنسبة للإيجابيات ::
فأكثر حاجة بتعجبني شخصياً إنه مجال الشباب يطلع فيه طاقاته وإبداعاته في تنظيماتهم ودخلاتهم وكدة

السلبيات::
أكثر حاجة كانت بتزعجني تعصبهم الشديد للفريق بصراحة وعدم تقبلهم للفرق الأخرى لكن أظن الموضوع دة اختفى بعد بورسعيد

لكن سؤال دلوقتي ،، هل فعلاً أعضاء الاولتراس مؤمنين إن بورسعيد هي السبب؟ لأن دائماً أقرأ على ردود الشباب اللي بيشتموا فيها بورسعيد ويقولوا "بوريهود " مثلاً؟؟ مع إن دي محافظة مصرية ومينفعش كدة ولا لأ؟؟

فكرة الموضوع جميلة
شكراً جزيلاً
وأتمنى تفاعل الجميع

رأيك يحترم جدا يا سارة ... التعصب فى الأولنراس يكون للفريق الذى أشجعه ولكن ليس لى علاقة بالفرق المنافسة تلك هى العقلية و كان قبل وجود الأولتراس كان فى تعصب برضو و شتايم ف دى حاجة طبيعية فى كل البلاد ولكن دون ضرب بين الجمهورين فالمنافسة داخل المدرج

من يقول بوريهود فذلك من غضبه لأن أخوه مات أو صاحبه مات و ياريت نحط نفسنا مكانهم فهم معذورين

كان نفسى ناس كتير تشارك بس باين عليا مش مرحب بيا فى المنتدى

أولاً : أحترم رأيك
بالفعل هم معذورون في كراهيتهم للاستاد والمكان الذي تسبب في قتل أصدقائهم
أظن المصريين -كلهم- يكرهون ذلك ((المكان )) الآن !
وبصراحة كرة القدم بعد هذه الكارثة المفروض يكرهها الجميع

لكن الأمر السلبي - في وجهة نظري - :
دعوات البعض لمقاطعة المحافظة وتشبيه جميع من بها باليهود
وبالفعل قرأت بعض الأخبار التي تروي الإساءة إلى مواطنين بورسعيديين ((عاديين)) إذا توجهوا إلى محافظات أخرى
هل يعقل أن نعمم الحكم على جميع أهالي المحافظة بسبب أسوأ ناس فيها؟

الدنيا "مشتعلة" في بورسعيد والأخبار مش بتبشر بالخير نهائي
مش بتكلم على اعتراض جماهير المصري على العقوبات
لأن لو أي نادي عمل شغب بسيط بتفرض عليه عقوبات ، فطبيعي جدا إن تفرض عقوبات شديدة على نادي بسببه تم "قتل" جماهير النادي الآخر ((بطريقة بشعة)) - الله يرحمهم ونحتسبهم من الشهداء-
فاعتراض جماهير المصري على العقوبات في هذه الأيام شيء مرفوض طبعاً
لكن الكل عمال يشتم فيهم كلهم فبالتالي في تفكيرهم هم مضطهدين وهيكرهوا الأهلي وأي عقوبة تفرض هيغضبوا غضب مضاعف

ومش عارفة إن كان الموضوع جد ولا لا ، لكن كان في أخبار عن مظاهرات شباب من بورسعيد علشان ينفصلوا !! وكان مكتوب في الخبر "الآلاف" والخبر كان في موقع مصراوي
والموضوع دة كارثة..

أهلاً و مرحباً بك في المنتدى ..جميع الأعضاء بلا استثناء مرحب بهم
المنتدى غير نشيط في هذه الأيام بسبب الامتحانات في جميع المراحل في المدرسة فبالتالي بيقل التفاعل
منتظرين المزيد من المشاركات
وإن شاء الله الأعضاء يتفاعلوا مع الموضوع

وسؤالي لمن يرد على الموضوع ،، هل تكره أهالي بورسعيد (بصراحة) ؟؟

فعلا فى مظاهرات عشان ينفصلوا عن مصر وراحو لهيئة قناة السويس و كانو عايزين يحتلوها و لكن الجيش ضربهم وفض المظاهرات بالعنف و رجعهم بيوتهم و فى دلوقتى حاجة شبيهة بحظر التجول فى بورسعيد و هذا يدل على معدن أهالى بورسعيد

أنا فى الفترة دى بصراحة بكره بورسعيد جدا جدا