مبروك

الف مبروك للصف الاول ع و الصف الثاني ع و الرابع ب و الاول ب والثاني ب و الخامس ب عشان الشهادة و ربنا يوفقنا جميعا
و مبروك بردو للصف 3 ع و للصف 6 ب و الصف 3 ب عشان خلصوا امتحانات وفي انتظار الشهادة ان شاء الله
ربنا يوفقكوا و يارب درجاتكوا تبقي حلوة مش زينا
و انا مش عارفة ببارك ليه لاولي ع رغم ان الدرجات رااااااائعة جداااااا
و بجد احنا عارفين مستوانا مهما كان مايجيبش الدرجات دي
وهي اصلا مش في الورق لكن في ملف الانجاز
اللي مايعرفش ملف الانجاز هو عبارة عن الحقيبة وهي عبارة عن مهمات(3 امتحانات كل شهر لكل مادة يعني يعتبر امتحان لكل مادة يوميا) + الانشطة بردو نشاط او بحث يعني لكل مادة 3 شهريا
و الدرجات دي علي اساس ان احنا ما كناش بنقدم اي ابحاث خالص و لا انشطة ولا بنجيب الدرجات النهائية في المهمات
شكرا جدااااااا علي الدرجات
و مستنية اراء اولي ع علي درجاتهم
عموما الف مبروك للمراحل التانية

بجد حراااااااااااام اللى بيحصل
الواحد كان اساسى كل شهر ثلاث نشاطات وثلالث مهمات ده احنا كنا بنعد على الكمبيوتر اكتر ما بنذاكر ولا المهمات كان كل يوم مهمة لدرجة ان انا بجد كان نفسى اعيت
النظام ده وحش قوى هنعمل ايه السنة اللى جاية
يعنى بعد التعب ده كله وفى الاخر نتفاجئ بالدرجات النفرحة دى

عموما الدرجات مش هتتصلح مهما بكينا ومهما اشتكينا مفيش فايده
الحال مش هيتغير

هي فعلا الدرجات تصدم خصوصاً لو كنتي بتذاكري طول السنة كويس وبتعملي النشاطات المطلوبة وزيادة وبتجيبي الدرجة النهائية في المهمات وبتجاوبي على الأسئلة في الفصل وفي الآخر تنقصي بعد التعب دة كله في ملف الإنجاز سبحان الله

وبعدي بتقولي مبروك على الدرجات الوحشة؟

اة يا سارة مبروك للمراحل التانية
ما تكونيش انانية
و هي المشكلة يا انسطاسيا هنعمل ايه السنة الجاية؟؟
المشكلة هنعمل ايه في ثانوية عامة و 50% من الدرجة للانشطة والمهمات ملف الانجاز من الاخر يعني
و 50% علي الامتحان الاساسي
بس مش فارقة تصدقي لان هيتطبق ان فيه امتحان قدرات قبل كل كلية يعني مش فارقة اوي التنسيق مش هيبقي ليه علاقة
يلا يريح

مبروك للمراحل التانية
** ملحوظة:3 إعدادي لسة في الامتحانات مخدتش الإجازة تقريباً

اة فعلا
اصل المدرسة قالت ان الشهادة يوم التلات
بس طلعت النهاردة
فانا عايشة في دور ان النهاردة التلات
ما تاخديش في بالك

شكرا لمستر محمد ولمستر سعد علي المشاركة
و عايزة اقول يا مستر محمد ان امتحان العربي انا بجد اتصدمت فيه
سؤال:
لمح عقبة هذه المدينة في (الصباح-منتصف النهار-اخر النهار)
انا اول مرة اعرف ان احنا بنحفظ هو كل تحركاته حصلت امتي
و كمان سؤال علي ايه العبارة اللي عقبة قالها عند التحامه بجيش الاعداء
عقبة قال مليون عبارة مع كل جيش التحم بيه في القصة كلها
انا مش عارفة ايه دة
و سؤال التوكيد غلط اصلا
دة فوق فعلا سؤال تحويل (انما يخشي الله من عباده العلماء) لجملة مبنية للمجهول
و زي ما مستر محمد نبيه قال ان هو مارعاش فيه حاجات كتير

و الامتحان كان طويل جدااااااااا
بس يا مستر محمد المواد التانية احنا متاكدين فيها من اجاباتنا مع ذلك ناقصين
للدرجة دي مستوانا وحش يعني؟؟
و شكرا يا مستر سعد علي ثقة حضرتك فينا

السؤال الاخير اللى كان فى النحو ده اخويا اللى فى ثانوى معرفش يحلو اتلخبط فيه يبقى احنا اللى هنحل السؤال يعنى
و يا مستر سعد النظام حلو بس ده ظلم يعنى الواحد تعب طول السنة وفى الاخر دى النتيجة

وعلى العموم الله يبارك فيكو وشكرا لارائكم

الف مبروك ليكم جميعا وعقبال نتيجتنا وزى ماقولتى يابسمة الدرجات مش مقياس للتفوق المهم ان انتم تعبتم انتوا بتتعبوا عشان ربنا وربنا يوفقكم السنة الجاية وتبقى درجاتكم احسن ان اراد الرحمن