إدمان الانترنت

هو فعلا الفراغ يخلى الواحد يدمن الانترنت لانه هو الحاجة اللى تضيع الوقت

شكرا جدا على الموضوع راائع يا اسراء

فعلا يا انسطاسيا الفراغ بيخلي الانسان يبتكر اي حاجة تضيع الوقت .
شكرا علي مرورك يا نووسة نورتي الموضوع بس مجاوبتي علي السؤال في الاخر
هل مجتمعنا بحاجة لمثل هذه العيادات؟

لو دورتي يا اسراء هتقابلي المووقف ده في ناس انتي تعرفيهم بعدد مهوول و تحديدا اللي بدأوا الدخول علي النت قريب

أها ، أنا شايفة مفيش مانع لو مجتمعنا عمل عيادات لعلاجه لأن مجتمعنا زي أي مجتمع تاني فيه انترنت

بس أنا بفتح الانترنت كتير (محسبتش بس ممكن يكون أكتر من الساعات المذكورة) لكن مع ذلك عندي نشاطات تانية وعندي حياة اجتماعية وأيام الدراسة لما يكون ورايا مهام معينة مش بيعطلني يعني باعرف أتحكم في نفسي
لأن على الانترنت والكمبيوتر لي شوية نشاطات زي المنتدى والتصميم

كدة يبقى ايه نظامي؟

ولو في إدمان للانترنت لازم الشخص اللي بيعاني ميحرجش ويعالجه عادي من غير أي مشاكل


شكراً يا إسراء على الموضوع الجميل القابل للحوار

شكرا اولا علي مروركم
وفعلا في اعداد كبيييرة جدا جدا دلوقتي بتدخل علي الانترنت وبتوصل بيهم الدرجة لحد الادماان

سارة أيمن كتب:

بس أنا بفتح الانترنت كتير (محسبتش بس ممكن يكون أكتر من الساعات المذكورة) لكن مع ذلك عندي نشاطات تانية وعندي حياة اجتماعية وأيام الدراسة لما يكون ورايا مهام معينة مش بيعطلني يعني باعرف أتحكم في نفسي
لأن على الانترنت والكمبيوتر لي شوية نشاطات زي المنتدى والتصميم

كدة يبقى ايه نظامي؟

اكيد طالما بتقدري تتحكمي في مدة ساعاتك ولو وراكي حاجة مهمة مبتدخلييش يبقي اكيد مش مدمنة الف مبرووك ههههههه

اكيد انك موصلتييش للدرجة انك مش بتقدري تستغني ساعة عن الانترنت

وانا شايفة ان المجتمع المصري مش بيفهم اوي حكاية العيادات النفسية والاطباء النفسيين وكلهم بيبعدوا عن الموضوع ده فدي مشكلة لوحدها اصلا لان حتي مدمنين الانترنت مش بنعالجهم بسبب عدم الوعي الثقافي

انا حبيت كمان ازود هنا اصلا خطر الجلوس طويلا امام الكمبيوتر لان حتي الي بيقعدوا كتيير علي النت مش بس بيوصل بيهم لدرجة الادمان وانهم بيبعدوا عن المجتمع الي حواليهم لكن كمان بيدمر صحتهم

1ـ جفاف سطح مقلة العين، وجفاف القرنية، بسبب بقاء العينين مفتوحتين مدة طويلة دون أن ترمشان. أما إذا كان المستخدم يستعمل العدسات اللاصقة، فمن المحتمل أن يصاب بجفاف حاد في العين؛ ويعد جفاف العين من المشاكل المزمنة لأنه يجذب الجراثيم التي تسبب الالتهابات والاحمرار والحكة.

2ـ إجهاد عضلات العين المسؤولة عن ضبط الصورة على الشبكية؛ لأن المستخدم يبقيها مشدودة مدة طويلة، وقد يرسب فيها متغيرات مبكرة.

3ـ إجهاد العين وتؤدي إلى التعب واختلاف الرؤية بسبب إضاءة الشاشة المستمرة المسلطة على العين باستمرار، وقد تسبب الصداع.

4ـ المجال الكهرومغناطيسي الذي ينجم عن الشاشة التقليدية؛ لذا يجب اختيار الشاشات الحديثة. وإن آثار المجال الكهرومغناطيسي على الصحة العامة غير محددة حتى الآن.

5ـ استخدام لوحة المفاتيح في الأماكن العامة من قبل عدة مستخدمين يتناوبون عليها قد يترك جراثيم معدية على اللوحة تنتقل من إنسان لآخر بسهولة.

6ـ ربط الساقين أثناء الجلوس قد يؤدي إلى حبس الدم الوريدي الصاعد وإتلاف صمّامات الأوردة، والتسبب في نشوء جلطات الساق الوريدية في موضعها أو انتقالها إلى الرئتين؛ لتشكل بذلك واحدا من أكبر الأخطار التي تهدد الحياة.

7ـ عدم تحرك عضلات الجسم والبقاء على هيئة واحدة يؤدي إلى كسل الدورة الدموية فيها، الأمر الذي يؤدي إلى نقص الأوكسجين والمواد الغذائية وما يترتب على ذلك من مشاكل صحية مختلفة.

8ـ أنَّ ثبات الجسم على هيئة واحدة مدة طويلة يبقي الضغط متواصلاً على غضروف ما أو مفصل ما أو عظمة أو عضلة ما، مما يؤدي إلى ضعفه، وبالتالي إلى تلفه عند أول حادث مهما كان بسيطا، مثل عظام الرقبة والأكتاف وعضلات الرأس.

اعتقد فعلا زى ما بتقولى يا اسراء مجتمعنا فى مصر بيرفضوا العيادات النفسية والعلاج من الادمان
وعشان كده دايما المدمن بيسافر فى الخارج عيادات افضل
ولكن فعلا ياريت يكون فى عيادات زى كده

بالنسبالى انا لو اليوم اللى مقعدش على النت بتضايق جدا لازم اقعد واعمل اى حاجة انا ايه نظامى كده

يا نهار ابيض ده انا على اساس الكلام ده مدمن انترنت بطريقة مش معقولة !!!!!!!!!!!!!!!!!

Esra'a Mahmoud كتب:

شكرا اولا علي مروركم
وفعلا في اعداد كبيييرة جدا جدا دلوقتي بتدخل علي الانترنت وبتوصل بيهم الدرجة لحد الادماان

اكيد طالما بتقدري تتحكمي في مدة ساعاتك ولو وراكي حاجة مهمة مبتدخلييش يبقي اكيد مش مدمنة الف مبرووك ههههههه

اكيد انك موصلتييش للدرجة انك مش بتقدري تستغني ساعة عن الانترنت

وانا شايفة ان المجتمع المصري مش بيفهم اوي حكاية العيادات النفسية والاطباء النفسيين وكلهم بيبعدوا عن الموضوع ده فدي مشكلة لوحدها اصلا لان حتي مدمنين الانترنت مش بنعالجهم بسبب عدم الوعي الثقافي

طمنتيني يا د/ إسراء

أها أنا ممكن أكون بتحكم في نفسي فيبقى مش إدمان حقيقي اللي هو خطر
لكن في نفس الوقت المفروض أقلل ساعات جلوسي شوية علشان الاخطار
المدرسة جاية جاية اهه إن شاء الله ومش هاشوف الكمبيوتر كتير
دي أولى ثـــــــــــــانوي


فعلاً يا إسراء بيبقى عار لو حد راح عند دكتور نفسي
يعني الحق عليه حد مريض وعايز يتعالج
زيه زي ما حد يكون عنده برد ويروح لدكتور

بالعكس المفروض الناس ترحب بكدة ويساعدوا المريض يتخلص من مرضه النفسي !


مشكورة يا إسراء للتوعية من أخطار الجلوس الطويل ..

وأحب أزود على الموضوع إن :

قرأت قبل كدة إن الواحد لو قعد على الكمبيوتر كتير لازم يقوم كل ربع ساعة مثلا ويعمل تمارين خفيفة أو يتمشى شوية في الشقة مثلا ويرجع تاني علشان يحد من الاخطار

وفي كمان في موضوع 10 نصائح للحفاظ على بصرك

اقتباس :

10- امنح عيونك وقتا كافيا للاسترخاء
العمل المتكرر على اجهزة الحاسوب أو في المراقبة أو مشاهدة التلفاز يرهق العيون ويجعلها عرضة للارهاق والاجهاد مما يعني تراجع القدرة البصرية لاحقا. امنح عيونك فترة استراحة كل 20 دقيقة وانظر بعيدا عن شاشة الحاسوب أو التلفاز أو اغمض عيونك على الاقل لمدة 20 ثانية بعد كل 20 دقيقة أو ربع ساعة لحماية عيونك وتشغيل العضلات التي تصبح بعد فترة من التركيز ضعيفة ومتعبة. احصل على وقت كاف للنوم من 7- 8 ساعة ونصف كل ليلة للحفاظ على بصر قوي

شكراً جزيلاً يا إسراء على الموضوع مرة تانية

يعني هي اهم حاجة ان الواحد يقدر يبقي عنده انشطة تانية وحياة اجتماعية بجانب الكمبيوتر
كمان استخدام عن استخدام يفرق .. لازم الواحد ما يضيعش الوقت بحاجات تافهة علي الكمبيوتر
لان احنا هنتسئل عملنا ايه بوقتنا .. لازم حتي الواحد ينوع الانشطة اللي هيعملها عل الكمبيوتر وتكون حاجات ممتعة ومفيدة
اما عن العلاج النفسي.. فدة مش بس في حالات الادمان .. دة في كل حاجة في حياتنا
كل الناس اكيد بتعاني من مرض نفسي .. لكن فيه عدم وعي بالموضوع دة
وفيه ناس بتفتكر انه لما يروح لدكتور نفسي يبقي هو "مجنون" .. علي عكس دول تانية زي أمريكا مثلا
بيهتموا جدا بالناحية النفسية وبيبقي الشخص متابع مع دكتور نفسي..
يا ريتنا فعلا نقلدهم في الحاجات الكويسة دي بدل الحاجات التانية اللي فيه ناس بتقلدهم فيها..

شكرا ليكي يا اسراء

أها فعلا مع إن (الجنون) يبقى دكتور أمراض عقلية
وساعتها الأمراض العقلية بتبقى ابتلاء للإنسان خارج عن إرادته والمفروض الناس تحترمه بردو

مش موضوعتا

موافقاكي في رأيك يا بسمة إن لو كل واحد احتمال يكون فيه عيب ويكون محتاج دكتور نفسي علشان يتضبط