جلسة سياسية

نيجي بئا للرد على جميل
[quote="بسمة جميل"][

أولا ضد العسكر طبعااااااااا

ثانيا.. أنا رأيي مع أنسطاسيا طبعا..
أنا ما اظنش ان العصيان المدني بالمعني الغريب اللي الناس فهماه دة
وانا بردو فتحت ويكيبيديا وشفت الموضوع ببساطة " أحد الطرق التي ثار بها الناس على القوانين غير العادلة" وطبعا نكمل بقي الكلام يعني
بس مش ملاحظين ان اي حاجة اي حد بيعملها بقينا نقول.. دة عايز يخرب البلد؟.. وهيوقف عجلة الانتاج؟! .. هي عجلة الانتاج ماشية اصلا والبلد حالها ماشي مثلا؟!
لما نلاقي ان التظاهرات مش بتجيب نتيجة.. غير حصد للارواح واصابات.. هنفضل نعمل مظاهرات ليه؟ .. احنا عملنا ثورة.. ومافيش قرارات ثورية بتتاخد
أنا مع العصيان لانه وسيلة الشعب بيعبر بيها عن سخطه.. وبلاش باة حد يقولي بتخربوا البلد ومصر بتقع ومصر بتتحرق ومين هيحتلوا مصر واجندة خارجية وممولين.. إلخ.

اقروا الفقرة دي

اقتباس :

تمثلت إحدى أبكر تطبيقات العصيان المدني وأوسعها نطاقا في ثورة 1919 في اليوم التالي لاعتقال الزعيم الوطني المصري سعد زغلول وأعضاء الوفد والموافق 9 مارس 1919، أشعل طلبة الجامعة في القاهرة شرارة التظاهرات. وفي غضون يومين، امتد نطاق الاحتجاجات ليشمل جميع الطلبة بما فيهم طلبة الأزهر . وبعد أيام قليلة كانت الثورة قد اندلعت في جميع الأنحاء من قرى ومدن. ففي القاهرة قام عمال الترام بإضراب مطالبين بزيادة الأجور وتخفيض ساعات العمل وغيرها، وتم شل حركة الترام شللا كاملا، تلا ذلك إضراب عمال السكك الحديدية، والذي جاء عقب قيام السلطات البريطانية بإلحاق بعض الجنود للتدريب بورش العنابر في بولاق للحلول محل العمال المصريين في حالة إضرابهم، مما عجّل بقرار العمال بالمشاركة في الأحداث. ولم يكتف هؤلاء بإعلان الإضراب، بل قاموا بإتلاف محولات حركة القطارات وابتكروا عملية قطع خطوط السكك الحديدية – التي أخذها عنهم الفلاحون وأصبحت أهم أسلحة الثورة. وأضرب سائقو التاكسي وعمال البريد والكهرباء والجمارك، تلا ذلك إضراب عمال المطابع وعمال الفنارات والورش الحكومية ومصلحة الجمارك بالإسكندرية. ولم تتوقف احتجاجات المدن على التظاهرات وإضرابات العمال، بل قام السكان في الأحياء الفقيرة بحفر الخنادق لمواجهة القوات البريطانية وقوات الشرطة، وقامت الجماهير بالاعتداء على بعض المحلات التجارية وممتلكات الأجانب وتدمير مركبات الترام. في حين قامت جماعات الفلاحين بقطع خطوط السكك الحديدية في قرى ومدن الوجهين القبلي والبحري، ومهاجمة أقسام البوليس في المدن. ففي منيا القمح أغار الفلاحون من القرى المجاورة على مركز الشرطة وأطلقوا سراح المعتقلين، وفي دمنهور قام الأهالي بالتظاهر وضرب رئيس المدينة بالأحذية وكادوا يقتلونه عندما وجه لهم الإهانات. وفي الفيوم هاجم البدو القوات البريطاينة وقوات الشرطة عندما اعتدت هذه القوات على المتظاهرين. وفي اسيوط قام الأهالي بالهجوم على قسم البوليس والاستيلاء على السلاح، ولم يفلح قصف المدينة بطائراتين في إجبارهم على التراجع، أما في قرية دير مواس محافظة المنيا, هاجم الفلاحون قطارا للجنود الإنجليز ودارت معارك طاحنة بين الجانبين. وعندما أرسل الإنجليز سفينة مسلحة إلى أسيوط، هبط مئات الفلاحين إلى النيل مسلحين بالبنادق القديمة للاستيلاء على السفينة. وعلي الجانب الأخر كان رد فعل القوات البريطانية من أفظع أعمال العنف الذي لاقاه المصريون في التاريخ الحديث، فمنذ الايام الأولى كانت القوات البريطانية هي أول من أوقع الشهداء بين صفوف الطلبة أثناء المظاهرات السلمية في بداية الثورة. وعقب انتشار قطع خطوط السكك الحديد، اصدرت السلطات بيانات تهدد بإعدام كل من يساهم في ذلك، وبحرق القرى المجاورة للخطوط التي يتم قطعها. وتم تشكيل العديد من المحاكم العسكرية لمحاكمة المشاركين في الثورة. ولم تتردد قوات الأمن في حصد الأرواح بشكل لم يختلف أحيانا عن المذابح، كما حدث في الفيوم عندما تم قتل أربعمائة من البدو في يوم واحد على أيدي القوات البريطانية وقوات الشرطة المصرية. ولم تتردد القوات البريطانية في تنفيذ تهديداتها ضد القرى، كما حدث في قرى العزيزية والبدرشين والشباك وغيرها، حيث أُحرقت هذه القرى ونُهبت ممتلكات الفلاحين، وتم قتل وجلد الفلاحين واغتصاب عدد من النساء.[quote/]

ليه ماحدش ساعتها قال بتخربوا مصر وهتوقعوا مصر واحمدوا ربنا علي اللي انتوا فيه وحاولوا تعبروا عن رأيكوا بطريقة تانية؟
ما حدش يقولي ساعتها كان احتلال... طب ما دلوقتي عمالين نموت ومش لاقيين حد يجيبلنا حقنا.. فرقت ايه باة؟
فيه فيديو جميل اوي هو كان ايام النزول في 25 يناير 2012 بس فيه جزء بيتكلم عن الاستثمار وايه اللي يوقف الاقتصاد وكدة.. حتي لو مالوش دعوة بموضوع العصيان اوي.. بس نفسي تشوفوه لانه جميل اوي وفهمني حاجات كتير


أنا بعتذر اني رجعت للموضوع دة تاني بس بتاسف لاني ما دخلتش بقالي فترة وكنت عايزة اقول رايي لكن الموضوع انتهي اصلا..

بما انكوا فتحتوا موضوع الرئيس المنتخب.. بصراحة حاسة بخيبة امل من الاسماء اللي مترشحة: عمرو موسي واحمد شفيق.. ناس كانت بتنتمي للنظام السابق اصلا!
بس دكتور البرادعي انسان محترم.. لكن للاسف انسحب.. ولو كان موجود كنت ان شاء الله هقول هو.. بمناسبة الموضوع دة هل زعلتوا علي انسحاب الدكتور البرادعي؟

البلد فعلاً واقفة والأحوال ضاربة لوحدها متفقين على دة
هههههههههههههههه موصلناش لحرب وتقسيم وأجندة خارجية xD كل الاعترااااااااض على طريقة الاعتراض وأنا عارفة إن الكلام عام أصلاً

نبدأ بئا نقاط الاختلاف ::

أولا أحوالنا دلوقتي صعبة وكلنا كارهينها وناس ماتت والمذنب معوقبش ودي حاجة صعبة جداً بس منقدرش نقول ان دة زيه زي الاحتلال ! عارفة الاحتلال يعني ايه؟
الاحتلال الانجليزي اللي عملنا ضده عصيان مدني كان مسيطر على البلد ، مكنش ليها أي حرية سواء في شئونها الداخلية أو الخارجية .. مكانش فيه أمان للواحد جوة بيته ، كانوا يقتحموا أي بيت يعجبهم يضايقوا أهله وياخدوا اللي عايزينه ، كانوا يدخلوا أي محل يسيطروا على اللي فيه ، كان شغل بلطجة من الآخر ، كانوا عمالين ينهبوا في ثروات البلد وبمتصوها علشان بلدهم والمصريين يولعوا مش مهم
كان الناس كثير منهم بيعملوا بالسخرة ملهمش أجور أصلاً

دلوقتي الأحوال سئية بس مش زي الاحتلال
على الأقل الاقتصاد بيروح للبلد مش بيروح لانجلترا مثلاً
أنا ضد المجلس العسكري بسب الفوضى ونفسي الحكم يتسلم في أسرع وقت لكن هم مش أعداء
بصي يا بسمة جلوقتي احنا كنا 30 سنة ظلام و 30 سنة فساد
مش هنتنقل في يوم وليلة نبقى كل مشاكلنا محلولة
مش معنى كدة إننا نبرر للفوضى وعدم التحكم فيها
لكن أنا متوقعة لو البرادعي نفسه مسك الحكم هيبقى فيه أعداؤه بردو شغالين وعمالين يبذلوا قصارى جهدهم علشان يهزموه والمشاكل والاقتصاد ممكن ميتحسنش قبل كذا سنة :/

مينفعش نقول البلد واقفة واقفة نوقف اللي باقي فيها بئا مش هحل مشكلة بمشكلة تانية

بصي في حاجات كثير في الاضراب مبهمة
غير السلبيات اللي ذكرتها فوق ممكن تطلعي عليهم
في كمان مثلاً يوم 11 فبراير
كنت بتابع الأخبار :
لقيت "مصراوي" كاتب عمال قناة السويس يرفضون الإضراب وراحوا شغلهم عادي ، هو كان مطلوب تعطيلها مثلا؟
و بردو العاملين في المطار رفضوا وراحوا
مينفعش مطار يقف أصلاً في سفريات مهمة وساعات سفريات طارئة ( بس مظنش أصلاً إن المطار سهل الاضراب فيه =] )
ففيه سلبيات كثير كانت في الدعوة دي
ليه نعمل حاجة فيها سلبيات على بلدنا؟ منشوف حل تاني أحسن؟
يعني ننظم الموضوع علشان منضرش الشعب نفسه ضرر مباشر
جاري مشاهدة الفيديو ولي عودة إن شاء الله تاني

معلش يا جماعة إننا قلبنا الموضوع تاني

وبالنسبة للدكتور البرادعي (دة ممكن يكون متعلق بموضوعنا دلوقتي الحمد لله ) أنا دهشت جداً انه انسحب واتضايقت ساعتها ، بس لسة مقررتش المفروض لو كان لي صوت انتخب مين عايزة اقرأ عن الكل قراءة واضحة
دة في كلام سمعته في التليفزيون عن عمر سليمان كمان
لي عودة إن شاء الله

الفيديو حلو يا بسمة وكلامه جميل
وعجتني الرسومات بتاعته )
شكراً على المشاركة بيه

M.R MYSTERIO كتب:

علي أساس طبعا الموضوع اللي كل الناس بتتكلم فيه دلوقتي (((( مين الرئيس اللي انت/ي شايفة/اة أصلح وليه )))) دي أول نقطة

تمــــــــام
وهحاول أشوف لو فيه نقاط تانية نتكلم عنها في الموضوع دة كمان

أخبرا بسمة جميل ظهرت ...... ( اللي انا بتحايل عليها من أسبوع ) ...... مش مشكلتنا , طبعا انا اتفاجأت بكمية الردوود لأني امبارح مشفتش حاجة , هههههههههه
طبعا انا مش هرد عللي نقطة العصيان المدني لأن الموضوع خلص بس الفيديو ده فعلا مفيد و حلوة الناس اللي علي راسها ريشة ( خاصة الريشة عجبتني ) هههههههههه .
الرئيس المنتخب : مش عارف ليه انا حاسس ان اللي انا عارفهم يا مينفعوووش يا انسحبوا ههههه
هحاول اجيب معلومات اكتر لان انا ابيض خالص ف الموضوع ده
بالنسبة لمجلس الشوري انا كنت استفسرت من بابا علي فكرة التسمية upper parliament و هوضحها دلوقتي

سارة أيمن كتب:

نيجي بئا للرد على جميل

البلد فعلاً واقفة والأحوال ضاربة لوحدها متفقين على دة
هههههههههههههههه موصلناش لحرب وتقسيم وأجندة خارجية xD كل الاعترااااااااض على طريقة الاعتراض وأنا عارفة إن الكلام عام أصلاً

نبدأ بئا نقاط الاختلاف ::

أولا أحوالنا دلوقتي صعبة وكلنا كارهينها وناس ماتت والمذنب معوقبش ودي حاجة صعبة جداً بس منقدرش نقول ان دة زيه زي الاحتلال ! عارفة الاحتلال يعني ايه؟
الاحتلال الانجليزي اللي عملنا ضده عصيان مدني كان مسيطر على البلد ، مكنش ليها أي حرية سواء في شئونها الداخلية أو الخارجية .. مكانش فيه أمان للواحد جوة بيته ، كانوا يقتحموا أي بيت يعجبهم يضايقوا أهله وياخدوا اللي عايزينه ، كانوا يدخلوا أي محل يسيطروا على اللي فيه ، كان شغل بلطجة من الآخر ، كانوا عمالين ينهبوا في ثروات البلد وبمتصوها علشان بلدهم والمصريين يولعوا مش مهم
كان الناس كثير منهم بيعملوا بالسخرة ملهمش أجور أصلاً

دلوقتي الأحوال سئية بس مش زي الاحتلال
على الأقل الاقتصاد بيروح للبلد مش بيروح لانجلترا مثلاً
أنا ضد المجلس العسكري بسب الفوضى ونفسي الحكم يتسلم في أسرع وقت لكن هم مش أعداء
بصي يا بسمة جلوقتي احنا كنا 30 سنة ظلام و 30 سنة فساد
مش هنتنقل في يوم وليلة نبقى كل مشاكلنا محلولة
مش معنى كدة إننا نبرر للفوضى وعدم التحكم فيها
لكن أنا متوقعة لو البرادعي نفسه مسك الحكم هيبقى فيه أعداؤه بردو شغالين وعمالين يبذلوا قصارى جهدهم علشان يهزموه والمشاكل والاقتصاد ممكن ميتحسنش قبل كذا سنة :/

مينفعش نقول البلد واقفة واقفة نوقف اللي باقي فيها بئا مش هحل مشكلة بمشكلة تانية

بصي في حاجات كثير في الاضراب مبهمة
غير السلبيات اللي ذكرتها فوق ممكن تطلعي عليهم
في كمان مثلاً يوم 11 فبراير
كنت بتابع الأخبار :
لقيت "مصراوي" كاتب عمال قناة السويس يرفضون الإضراب وراحوا شغلهم عادي ، هو كان مطلوب تعطيلها مثلا؟
و بردو العاملين في المطار رفضوا وراحوا
مينفعش مطار يقف أصلاً في سفريات مهمة وساعات سفريات طارئة ( بس مظنش أصلاً إن المطار سهل الاضراب فيه =] )
ففيه سلبيات كثير كانت في الدعوة دي
ليه نعمل حاجة فيها سلبيات على بلدنا؟ منشوف حل تاني أحسن؟
يعني ننظم الموضوع علشان منضرش الشعب نفسه ضرر مباشر
جاري مشاهدة الفيديو ولي عودة إن شاء الله تاني

معلش يا جماعة إننا قلبنا الموضوع تاني

وبالنسبة للدكتور البرادعي (دة ممكن يكون متعلق بموضوعنا دلوقتي الحمد لله ) أنا دهشت جداً انه انسحب واتضايقت ساعتها ، بس لسة مقررتش المفروض لو كان لي صوت انتخب مين عايزة اقرأ عن الكل قراءة واضحة
دة في كلام سمعته في التليفزيون عن عمر سليمان كمان
لي عودة إن شاء الله

سيبك من دة كله انا عجبني انك رديتي رد قبل دة وبعدين اقتبستي ردك ورديتي عليه تاني
انتي عسل والله

نيجي لردك.. ما أنا قلتلك الكلام دة مش عليكوا لكن الكلام علي الناس اللي بنشوفها علي التليفزيون والفيس بوك ساعات أصحاب نظرية المؤامرة زي عمرو مصطفي ومصطفي بكري بتوع "مصر بتتحرق.. هيه" (Only Bassem Youssef watchers will relate) .. المهم

أنا كنت متاكدة انك هتمسكي في النقطة دي وانا اكيد ما اقصدش ان مافيش فرق بين حالنا دلوقتي وايام الاحتلال.. انا كنت في لحظة غضب بس واستعنت بـ"المبالغة"
بس بردو... لو كانوا جنود احتلال اللي بيضربوا فينا وبيقتلونا ويسحلوا الشباب والبنات كنا هنقول ناس *$ُ%@ محتللينا.. لكن دلوقتي جنود مصريين في الجيش المصري هما اللي بيعملوا كدة.. دي حاجة تحزن اكتر انهم ابناء بلد واحدة..
وانا بعترف بالعذاب اللي كان المصريين بيشوفوه ايم الاحتلال.. لكن دة ما يقللش من اللي بيحصلنا دلوقتي
علي الاقل ساعتها كانوا "محتلين" ودة الطبيعي من المحتل!!

ما حدش قال نتحسن في يوم وليلة.. بس ثورة قامت يبقي فيه قرارات "ثورية" تتاخد..
الحكم علي رئيس ووزارته سرقوا ونهبوا وقتلوا ... وسلطات منتخبة ورئيس منتخب ..
مش سلطات تابعة للنظام السابق!!
واهم حاجة نلاقي حد بيقدر "الكرامة".. السبب الرئيسي اللي الثورة قامت عشانه!!
انا بصراحة اول مرة اشوف الصورة دي اصلا.. والدعوة للعصيان المدني اكيد اختلفت من حركة لحركة.. اكيد مش كله قال المطارات ومحطات الوقود والسيارات العامة تقف... اذا كانت المطارات حكومية اصلا هتعمل عصيان اززاي؟ ..

ما هو ايه الحل التاني الاحسن؟! .. المظاهرات الحاجة الوحيدة اللي بنحصدها فيها هي الارواح!!! يا اما نتظاهر وما حدش يعبرنا يا اما نتظاهر ونتضرب ونتقتل!!...
دي مرحلة يأس الناس وصلتلها ومستعدة تعمل أي حاجة عشان صوتها يتسمع.. لان الطرق التانية ما بقتش مسموعة!

آة وقريت خبر ان عمر سليمان مستني يشوف النطق في قضية مبارك (قبل ما يعلنوا عن الميعاد) عشان لما يتحكم عليه ممكن يقلل سخط الشعب نحو المرشحين اللي تابعين للنظام السابق وضرب احمد شفيق مثال!! هآآآآآآآآآآو

M.R MYSTERIO كتب:

بالنسبة لمجلس الشوري انا كنت استفسرت من بابا علي فكرة التسمية upper parliament و هوضحها دلوقتي

مستنيين التوضيح...

بسمة جميل كتب:

سارة أيمن كتب:

نيجي بئا للرد على جميل

البلد فعلاً واقفة والأحوال ضاربة لوحدها متفقين على دة
هههههههههههههههه موصلناش لحرب وتقسيم وأجندة خارجية xD كل الاعترااااااااض على طريقة الاعتراض وأنا عارفة إن الكلام عام أصلاً

نبدأ بئا نقاط الاختلاف ::

أولا أحوالنا دلوقتي صعبة وكلنا كارهينها وناس ماتت والمذنب معوقبش ودي حاجة صعبة جداً بس منقدرش نقول ان دة زيه زي الاحتلال ! عارفة الاحتلال يعني ايه؟
الاحتلال الانجليزي اللي عملنا ضده عصيان مدني كان مسيطر على البلد ، مكنش ليها أي حرية سواء في شئونها الداخلية أو الخارجية .. مكانش فيه أمان للواحد جوة بيته ، كانوا يقتحموا أي بيت يعجبهم يضايقوا أهله وياخدوا اللي عايزينه ، كانوا يدخلوا أي محل يسيطروا على اللي فيه ، كان شغل بلطجة من الآخر ، كانوا عمالين ينهبوا في ثروات البلد وبمتصوها علشان بلدهم والمصريين يولعوا مش مهم
كان الناس كثير منهم بيعملوا بالسخرة ملهمش أجور أصلاً

دلوقتي الأحوال سئية بس مش زي الاحتلال
على الأقل الاقتصاد بيروح للبلد مش بيروح لانجلترا مثلاً
أنا ضد المجلس العسكري بسب الفوضى ونفسي الحكم يتسلم في أسرع وقت لكن هم مش أعداء
بصي يا بسمة جلوقتي احنا كنا 30 سنة ظلام و 30 سنة فساد
مش هنتنقل في يوم وليلة نبقى كل مشاكلنا محلولة
مش معنى كدة إننا نبرر للفوضى وعدم التحكم فيها
لكن أنا متوقعة لو البرادعي نفسه مسك الحكم هيبقى فيه أعداؤه بردو شغالين وعمالين يبذلوا قصارى جهدهم علشان يهزموه والمشاكل والاقتصاد ممكن ميتحسنش قبل كذا سنة :/

مينفعش نقول البلد واقفة واقفة نوقف اللي باقي فيها بئا مش هحل مشكلة بمشكلة تانية

بصي في حاجات كثير في الاضراب مبهمة
غير السلبيات اللي ذكرتها فوق ممكن تطلعي عليهم
في كمان مثلاً يوم 11 فبراير
كنت بتابع الأخبار :
لقيت "مصراوي" كاتب عمال قناة السويس يرفضون الإضراب وراحوا شغلهم عادي ، هو كان مطلوب تعطيلها مثلا؟
و بردو العاملين في المطار رفضوا وراحوا
مينفعش مطار يقف أصلاً في سفريات مهمة وساعات سفريات طارئة ( بس مظنش أصلاً إن المطار سهل الاضراب فيه =] )
ففيه سلبيات كثير كانت في الدعوة دي
ليه نعمل حاجة فيها سلبيات على بلدنا؟ منشوف حل تاني أحسن؟
يعني ننظم الموضوع علشان منضرش الشعب نفسه ضرر مباشر
جاري مشاهدة الفيديو ولي عودة إن شاء الله تاني

معلش يا جماعة إننا قلبنا الموضوع تاني

وبالنسبة للدكتور البرادعي (دة ممكن يكون متعلق بموضوعنا دلوقتي الحمد لله ) أنا دهشت جداً انه انسحب واتضايقت ساعتها ، بس لسة مقررتش المفروض لو كان لي صوت انتخب مين عايزة اقرأ عن الكل قراءة واضحة
دة في كلام سمعته في التليفزيون عن عمر سليمان كمان
لي عودة إن شاء الله

سيبك من دة كله انا عجبني انك رديتي رد قبل دة وبعدين اقتبستي ردك ورديتي عليه تاني
انتي عسل والله

نيجي لردك.. ما أنا قلتلك الكلام دة مش عليكوا لكن الكلام علي الناس اللي بنشوفها علي التليفزيون والفيس بوك ساعات أصحاب نظرية المؤامرة زي عمرو مصطفي ومصطفي بكري بتوع "مصر بتتحرق.. هيه" (Only Bassem Youssef watchers will relate) .. المهم

أنا كنت متاكدة انك هتمسكي في النقطة دي وانا اكيد ما اقصدش ان مافيش فرق بين حالنا دلوقتي وايام الاحتلال.. انا كنت في لحظة غضب بس واستعنت بـ"المبالغة"
بس بردو... لو كانوا جنود احتلال اللي بيضربوا فينا وبيقتلونا ويسحلوا الشباب والبنات كنا هنقول ناس *$ُ%@ محتللينا.. لكن دلوقتي جنود مصريين في الجيش المصري هما اللي بيعملوا كدة.. دي حاجة تحزن اكتر انهم ابناء بلد واحدة..
وانا بعترف بالعذاب اللي كان المصريين بيشوفوه ايم الاحتلال.. لكن دة ما يقللش من اللي بيحصلنا دلوقتي
علي الاقل ساعتها كانوا "محتلين" ودة الطبيعي من المحتل!!

ما حدش قال نتحسن في يوم وليلة.. بس ثورة قامت يبقي فيه قرارات "ثورية" تتاخد..
الحكم علي رئيس ووزارته سرقوا ونهبوا وقتلوا ... وسلطات منتخبة ورئيس منتخب ..
مش سلطات تابعة للنظام السابق!!
واهم حاجة نلاقي حد بيقدر "الكرامة".. السبب الرئيسي اللي الثورة قامت عشانه!!
انا بصراحة اول مرة اشوف الصورة دي اصلا.. والدعوة للعصيان المدني اكيد اختلفت من حركة لحركة.. اكيد مش كله قال المطارات ومحطات الوقود والسيارات العامة تقف... اذا كانت المطارات حكومية اصلا هتعمل عصيان اززاي؟ ..

ما هو ايه الحل التاني الاحسن؟! .. المظاهرات الحاجة الوحيدة اللي بنحصدها فيها هي الارواح!!! يا اما نتظاهر وما حدش يعبرنا يا اما نتظاهر ونتضرب ونتقتل!!...
دي مرحلة يأس الناس وصلتلها ومستعدة تعمل أي حاجة عشان صوتها يتسمع.. لان الطرق التانية ما بقتش مسموعة!

آة وقريت خبر ان عمر سليمان مستني يشوف النطق في قضية مبارك (قبل ما يعلنوا عن الميعاد) عشان لما يتحكم عليه ممكن يقلل سخط الشعب نحو المرشحين اللي تابعين للنظام السابق وضرب احمد شفيق مثال!! هآآآآآآآآآآو

M.R MYSTERIO كتب:

بالنسبة لمجلس الشوري انا كنت استفسرت من بابا علي فكرة التسمية upper parliament و هوضحها دلوقتي

مستنيين التوضيح...

فظيعة أنا
حضرتك الصورة دي مشفتش غيرها
بس هي فعلاً ممكن كل واحد كان بيقول كلام مختلف عنها .. موافقاكي في دي
بس صدقيني دي كانت منتشرة وكان ليها مؤيدين كثير
المطار حكومي بس العاملين فيه ممكن ميروحوش عادي؟ مش فاهمة الجزء دة

وأنا لسة قارية من شوية إن الديب بيقول كان نفسي الحكم يكون قبل انتخابات الرئاسة علشان موكلي يترشح xDDDDDDDDDDDDDDDDDDDDDDDDDD

هاهاهاها انتي كنتي عارفة إني هامسك فيها وأنا من ساعة ما سمعت حكاية العصيان وأن كنت عارفة إنك هتقولي مع =))))))))))
فاهمين بعض علطول
أمال المحاكمة دي ايه؟ والانتخابات بتاعة مجلس الشعب ايه؟ وانتخابات الرئاسة ايه؟
بجد مش بستهزأ بكلامك بس عايزة أفهم قصدك أكثر
وهي فعلاً الأحوال دلوقتي مش مرضية وسيئة بس أنا عندي أمل إنها هتتحسن إن شاء الله !


عقبال ما ربنا يهدينا و نتكلم على الموضوع الجديد xD

سارة أيمن كتب:

أمال المحاكمة دي ايه؟ والانتخابات بتاعة مجلس الشعب ايه؟ وانتخابات الرئاسة ايه؟
بجد مش بستهزأ بكلامك بس عايزة أفهم قصدك أكثر
وهي فعلاً الأحوال دلوقتي مش مرضية وسيئة بس أنا عندي أمل إنها هتتحسن إن شاء الله !

عقبال ما ربنا يهدينا و نتكلم على الموضوع الجديد xD

المحاكمة اللي المشير راح شهد فيها ضدنا وكل الشهود اتحولوا من شهود اثبات لشهود نفي و نفوا التهمة عن مبارك.. والمحاكمة اللي بنشوف العادلي وجمال وعلاء رايحين فيها من غير امن معاهم.. وماشيين رافعين علامة النصر.. والمحاكمة اللي مبارك ما حضرهاش لسوء الاحوال الجوية.. والنعيم اللي هما اعدين فيه؟! .. هي دي المحاكمة اللي المفروض تحصل لرموز فاسددة ثورة قامت عليهم؟
الثورات لما بتقوم بيحصل محاكمات ثورية .. بتبقي في ساعتها كدة.. بيتحكم علي القاتل بالاعدام! عشان يجيبوا حق الناس في ساعتها!!...
بابا كان لسة بيقولي امبارح.. مبارك عمره ما هياخد اعدام مش بس لانه كبير في السن بس ان مافيش تهمة اتثبتت عليه انه قتل متظاهرين او اصدر الامر بقتلهم يعني!.. هو بيتحاكم بس عشان هو كان الرئيس المسئول في الفترة دي!!...

مجلس الشعب؟! اللي النواب فيه بيصقفوا لمصطفي بكري لما يتهم البرادعي بالعمالة ويحولوا زياد اعليمي للتحقيق عشان اتكلم عن المشير؟... المجلس دة هو نفسه الراعي الرسمي بتاع نظرية المؤامرة.. كل واحد -باستثناء البعض طبعا- يقوم يقول عايزين يخربوا مصر ومصر بتتحرق واجندة خارجية وطرف تالت وصوابع خفية وعملاء امريكا وهيقسموا مصر وكنتاكي وترامادول... هو دة المجلس اللي ما جبش حقنا في اي حاجة وماخدش قرار مهم لحد دلوقتي؟! وهو المجلس اللي بيقول وزير الداخلية قال ما اطلقش خرطوش ....

فين انتخابات الرئاسة؟
تسليم السلطة كان المفروض من فترة كبيرة اوي.. والست شهور بقوا فوق السنة.. وفي الاخر عشان يهدوا الناس يقولوا فتح باب الترشح للرئاسة... الباب اتفتح طب تسليم السلطة امتي؟ طب كدة الدستور هيتكتب قبل الانتخابات؟.... كل اللي قالوه فتح باب الترشح للرئاسة.. لكن تسليم السلطة امتي ما حدش يعرف.. كله تثبيت عشان الشعب يسكت!!


ما هو الموضوع دةة بصراحة كل اللي هقدر اقوله فيه هو الشلل اللي انا حاسة بيه لما الاقي احمد شفيق وعمرو موسي وعمر سليمان بيترشحوا! ودلوقتي تقولي فريد الديب بيقول.............

بسمة جميل كتب:

سارة أيمن كتب:

أمال المحاكمة دي ايه؟ والانتخابات بتاعة مجلس الشعب ايه؟ وانتخابات الرئاسة ايه؟
بجد مش بستهزأ بكلامك بس عايزة أفهم قصدك أكثر
وهي فعلاً الأحوال دلوقتي مش مرضية وسيئة بس أنا عندي أمل إنها هتتحسن إن شاء الله !

عقبال ما ربنا يهدينا و نتكلم على الموضوع الجديد xD

المحاكمة اللي المشير راح شهد فيها ضدنا وكل الشهود اتحولوا من شهود اثبات لشهود نفي و نفوا التهمة عن مبارك.. والمحاكمة اللي بنشوف العادلي وجمال وعلاء رايحين فيها من غير امن معاهم.. وماشيين رافعين علامة النصر.. والمحاكمة اللي مبارك ما حضرهاش لسوء الاحوال الجوية.. والنعيم اللي هما اعدين فيه؟! .. هي دي المحاكمة اللي المفروض تحصل لرموز فاسددة ثورة قامت عليهم؟
الثورات لما بتقوم بيحصل محاكمات ثورية .. بتبقي في ساعتها كدة.. بيتحكم علي القاتل بالاعدام! عشان يجيبوا حق الناس في ساعتها!!...
بابا كان لسة بيقولي امبارح.. مبارك عمره ما هياخد اعدام مش بس لانه كبير في السن بس ان مافيش تهمة اتثبتت عليه انه قتل متظاهرين او اصدر الامر بقتلهم يعني!.. هو بيتحاكم بس عشان هو كان الرئيس المسئول في الفترة دي!!...

مجلس الشعب؟! اللي النواب فيه بيصقفوا لمصطفي بكري لما يتهم البرادعي بالعمالة ويحولوا زياد اعليمي للتحقيق عشان اتكلم عن المشير؟... المجلس دة هو نفسه الراعي الرسمي بتاع نظرية المؤامرة.. كل واحد -باستثناء البعض طبعا- يقوم يقول عايزين يخربوا مصر ومصر بتتحرق واجندة خارجية وطرف تالت وصوابع خفية وعملاء امريكا وهيقسموا مصر وكنتاكي وترامادول... هو دة المجلس اللي ما جبش حقنا في اي حاجة وماخدش قرار مهم لحد دلوقتي؟! وهو المجلس اللي بيقول وزير الداخلية قال ما اطلقش خرطوش ....

فين انتخابات الرئاسة؟
تسليم السلطة كان المفروض من فترة كبيرة اوي.. والست شهور بقوا فوق السنة.. وفي الاخر عشان يهدوا الناس يقولوا فتح باب الترشح للرئاسة... الباب اتفتح طب تسليم السلطة امتي؟ طب كدة الدستور هيتكتب قبل الانتخابات؟.... كل اللي قالوه فتح باب الترشح للرئاسة.. لكن تسليم السلطة امتي ما حدش يعرف.. كله تثبيت عشان الشعب يسكت!!


ما هو الموضوع دةة بصراحة كل اللي هقدر اقوله فيه هو الشلل اللي انا حاسة بيه لما الاقي احمد شفيق وعمرو موسي وعمر سليمان بيترشحوا! ودلوقتي تقولي فريد الديب بيقول.............

بصي جزء شهود إثبات وشهود نفي مش فاكرة فيه أي حاجة ومحتاجة أقرأه تاني ..
ما هي المصيبة إن مفيش ولا دليل
هم تقريباً خلصوا الموضوع وخبوا كل حاجة ولا ايه مش عارفة !!
لكن يا بسمة القاضي علشان يحكم و انه هيتحاسب قدام ربنا سبحانه وتعالى ميقدرش يحكم من غير دلييييييييييل ، لازم يكون فيه دليل مش هيحكم علشان يرضي الناس
كدة مش عدل
مش معنى كدة إن هو مش مخطئ ومش مذنب بس القاضي مسئول أمام الله سبحانه وتعالى مش قدام البشر

قبل ما ابدأ حكاية مجلس الشعب ، الشعب هو اللي اختار النواب دول في الانتخابات فمنقدرش نعمل حاجة ، يعني هو دة اختيارنا ، نتحمل المسئولية بئا ! وأكيد مش كلهم وحشين فيه كذا واحد بحترمهم وفيه كذا واحد لسة مش باينين أوي
وللأسف هنا لسة هنجيب القنوات الفضائية إن شاء الله فمش متابعة الجلسات ، بقرأ الأخبار وبشوف مقطاع فيديو فهتلاقيني مشردة في كل حاجة
لكن قبل ما أبدأ أقول تعليقي (القيم جداً جداً xDDDDDDDDDDD)
عايزة أقول إني مش عايزة أكون ضد 100% ولا مع 100 % يعني بحاول يكون لي رأيي الخاص وأحكم بعقلي (الهام جداً بردو ) ونفس الحكاية بردو في المحاكمة فوق
دلوقتي بتاعة تخوين البرادعي مشفتهاش ، لكن قرأت عنها على النت وأان ضدها أصلاً وضد المجلس إنه يصفق لأن مينفعش نخون حد كدة من غير دليل لو مش عاجبنا !! لكن مكتوب إن د/ الكتاتني ساعتها قال محدش يقول أسماء (علشان نكون بنقول الحق ومش بنظلم حد في جميع الأحوال ) لكن بردو الموقف سخيف
أما بالنسبة للنائب زياد العليمي ، فأنا شفت الفيديو بتاعه وأنا ضده أصلاً ، ناس احنا متضايقين منهم ومختلفين معاهم في الرأي يقوم قايل (المشير حمار؟ ! ) دة حتى لو حد ضد المشير هيتخنق من الشخص دة ، مش أسلوب مهذب أبداً ، عايزة أفكرك مثلاً بالنائب أبو حامد لما قام وعبر عن رأيه وقال يسقط المجلس العسكري 3 مرات ، ساعتها محدش حاكمه أو قدر يكلمه لأنه قال رأيه بكل احترام مقالش زي التاني و كثير مننا احترمناه
و على فكرة أنا سمعت في التليفزيون بس لسة عايزة أجيب حاجة مكتوبة بردو ، إن النائب جوة المجلس بتكون ليه حاجة اسمها حصانة يقول اللي يقوله مش هيحاسب ((علشان يعني النواب يعبروا عن رأيهم وكدة )) (زي مصطفى البكري) لكن لو برة المجلس زي (العليمي) و أساء لحد في كلامه هيتحاسب عادي ، وهو أصلاً عك

هما قالوا تاني كنتاكي والحاجات الحلوة دي؟ xDDDDD بجد قالوها؟
جزء الخرطوش (مشفتش الفيديو للأسف) بس قرأ الخبر بتاعه وهي يحاجة تضايق فعلاً من المجلس

انتخابات الرئاسة قالوا قبل كدة كثير إن لازم يكون فيه مجلس شعب علشان يعرفوا يعملوها فكانوا مستنيين مجلس الشعب ، وهم كانوا قالوا من فترة هيسلموها في شهر 6 مش عارفة دلوقتي امتى؟ ، أنا (كــ سارة xDDDDDDDDDD) مش لي في السياسة بس هم أكيد شايفين إن في كذا شروط لازم تحصل علشان يسلموا السلطة ولسة بيعملوا علشان يحققوها هما بيقولوا كدة وأان مؤمنة إنهم هيسلموها إن شاء الله
المجلس العسكري مش بيحكم ، المجلس بيدير فترة انتقالية وإن شاء الله مش هيطمع في السلطة !
وبعدين هما أخييييييرا فتحوا باب الترشح الحمد لله ، الانتخابات مش هتحصل في يوم وليلة لسة موال طويييييييل :///
وإن كان أنا من المؤيدين لسرعة الانتخابات وأتمنى يستجيبوا لضغط الناس ويبفى فيه سرعة شوية
ربنا يستر إن شاء الله
وأنا عارفة إن أكثر حاجة تضايق طول ما هم بيحكموا الفوضى دي وأرواح الناس اللي بتروج بمنتهى السهولة وأنا معاكي في دي لأنها حاجة تحزن أي مصري
جزء مبارك دة بئا xD بصي أنا قريته على الفيس على هيئة خبر في كذا صقحة بس انا حساه كوميدي أوي بجد ! دة أان ضحكت ساعتها هاها فمش مصدقة غنه حقيقي علشان مننشرش إشاعات أحسن

بصي يا بسمة هنكمل أنا وانتي تشات ولا حاجة إن شاء الله
علشان نبدأ الموضوع الجديد

بالنسبة للموضوع الجديد ، أنا شخصياً لسة في مرحلة بحث عن كل مرشح ومش محددة أي حد علشان أكون مؤيدة له
فمش عارفة هاشترك في الحوار ازاي
ابدأوا انتم

سارة أيمن كتب:

بصي جزء شهود إثبات وشهود نفي مش فاكرة فيه أي حاجة ومحتاجة أقرأه تاني ..
ما هي المصيبة إن مفيش ولا دليل
هم تقريباً خلصوا الموضوع وخبوا كل حاجة ولا ايه مش عارفة !!
لكن يا بسمة القاضي علشان يحكم و انه هيتحاسب قدام ربنا سبحانه وتعالى ميقدرش يحكم من غير دلييييييييييل ، لازم يكون فيه دليل مش هيحكم علشان يرضي الناس
كدة مش عدل
مش معنى كدة إن هو مش مخطئ ومش مذنب بس القاضي مسئول أمام الله سبحانه وتعالى مش قدام البشر

قبل ما ابدأ حكاية مجلس الشعب ، الشعب هو اللي اختار النواب دول في الانتخابات فمنقدرش نعمل حاجة ، يعني هو دة اختيارنا ، نتحمل المسئولية بئا ! وأكيد مش كلهم وحشين فيه كذا واحد بحترمهم وفيه كذا واحد لسة مش باينين أوي
وللأسف هنا لسة هنجيب القنوات الفضائية إن شاء الله فمش متابعة الجلسات ، بقرأ الأخبار وبشوف مقطاع فيديو فهتلاقيني مشردة في كل حاجة
لكن قبل ما أبدأ أقول تعليقي (القيم جداً جداً xDDDDDDDDDDD)
عايزة أقول إني مش عايزة أكون ضد 100% ولا مع 100 % يعني بحاول يكون لي رأيي الخاص وأحكم بعقلي (الهام جداً بردو ) ونفس الحكاية بردو في المحاكمة فوق
دلوقتي بتاعة تخوين البرادعي مشفتهاش ، لكن قرأت عنها على النت وأان ضدها أصلاً وضد المجلس إنه يصفق لأن مينفعش نخون حد كدة من غير دليل لو مش عاجبنا !! لكن مكتوب إن د/ الكتاتني ساعتها قال محدش يقول أسماء (علشان نكون بنقول الحق ومش بنظلم حد في جميع الأحوال ) لكن بردو الموقف سخيف
أما بالنسبة للنائب زياد العليمي ، فأنا شفت الفيديو بتاعه وأنا ضده أصلاً ، ناس احنا متضايقين منهم ومختلفين معاهم في الرأي يقوم قايل (المشير حمار؟ ! ) دة حتى لو حد ضد المشير هيتخنق من الشخص دة ، مش أسلوب مهذب أبداً ، عايزة أفكرك مثلاً بالنائب أبو حامد لما قام وعبر عن رأيه وقال يسقط المجلس العسكري 3 مرات ، ساعتها محدش حاكمه أو قدر يكلمه لأنه قال رأيه بكل احترام مقالش زي التاني و كثير مننا احترمناه
و على فكرة أنا سمعت في التليفزيون بس لسة عايزة أجيب حاجة مكتوبة بردو ، إن النائب جوة المجلس بتكون ليه حاجة اسمها حصانة يقول اللي يقوله مش هيحاسب ((علشان يعني النواب يعبروا عن رأيهم وكدة )) (زي مصطفى البكري) لكن لو برة المجلس زي (العليمي) و أساء لحد في كلامه هيتحاسب عادي ، وهو أصلاً عك

هما قالوا تاني كنتاكي والحاجات الحلوة دي؟ xDDDDD بجد قالوها؟
جزء الخرطوش (مشفتش الفيديو للأسف) بس قرأ الخبر بتاعه وهي يحاجة تضايق فعلاً من المجلس

انتخابات الرئاسة قالوا قبل كدة كثير إن لازم يكون فيه مجلس شعب علشان يعرفوا يعملوها فكانوا مستنيين مجلس الشعب ، وهم كانوا قالوا من فترة هيسلموها في شهر 6 مش عارفة دلوقتي امتى؟ ، أنا (كــ سارة xDDDDDDDDDD) مش لي في السياسة بس هم أكيد شايفين إن في كذا شروط لازم تحصل علشان يسلموا السلطة ولسة بيعملوا علشان يحققوها هما بيقولوا كدة وأان مؤمنة إنهم هيسلموها إن شاء الله
المجلس العسكري مش بيحكم ، المجلس بيدير فترة انتقالية وإن شاء الله مش هيطمع في السلطة !
وبعدين هما أخييييييرا فتحوا باب الترشح الحمد لله ، الانتخابات مش هتحصل في يوم وليلة لسة موال طويييييييل :///
وإن كان أنا من المؤيدين لسرعة الانتخابات وأتمنى يستجيبوا لضغط الناس ويبفى فيه سرعة شوية
ربنا يستر إن شاء الله
وأنا عارفة إن أكثر حاجة تضايق طول ما هم بيحكموا الفوضى دي وأرواح الناس اللي بتروج بمنتهى السهولة وأنا معاكي في دي لأنها حاجة تحزن أي مصري
جزء مبارك دة بئا xD بصي أنا قريته على الفيس على هيئة خبر في كذا صقحة بس انا حساه كوميدي أوي بجد ! دة أان ضحكت ساعتها هاها فمش مصدقة غنه حقيقي علشان مننشرش إشاعات أحسن

الشهود اللي كانوا المفروض لصالح الشعب وضد مبارك وهيثبتوا التهمة عليه واعوانه.. في المحاكمة اتحولوا لشهود بتنفي التهمة من علي مبارك واعوانه..

يا سارة دي بتبقي في حالة الثورات.. بيبقي من غير محاكمات لان الدليل واضح في الثورات!!
ومافيش اختلاف عليه! .. لكن دلوقتي شوفي هنعد اد ايه علي ما يتحكم عليه والله اعلم الحكم هيعجبنا ولا لا!

تغاضيا عن انهم بيقطعوا المايك عن اللي بيقول الحق وبيسيبوه لناس زي مصطفي بكري .. بس ردا علي حتة لكتاتني.. واكتفي بانه يقول ما تقولش اسماء؟! دة سب علني لشخص يا سارة.. بيقول عليه عميل!! والمجلس بيصفق!!
أنا عن نفسي ضد 100% ..

ما حدش يقدر محمد ابو حامد ساعتها؟ مش كفاية ان كل مرة يقطعوا الصوت عليه والنواب يعملوا دوشة وما يعرفش يتكلم وبيصقفوا لما حد يقول عليه "فاسق" و.......... دة اتمرمط يا حاجة
واوضحلك تاني... العليمي كان بيقول المثل احنا سايبين الحمار وماسكين في البردعة.. وبعضها بيوضح المثل قال الحمار هو المشير مش المشير حمار زي ما انتي قلتي وفيه فرق كبير

كمان النائب المفروض البرلمان ما يحققش معاه علي حاجة اتقالت برة قبة البرلمان..

اة واحد قال بياخدوا ترامادول ووجبتين و200 جنيه

يا بنتي تسليم السلطة دة قايلين عليه من ساعة ما مسكوا الفترة الانتقالية وعمالين يمدوا بمزاجهم اصلا!! .. وفتح باب الترشح المفروض يبقي معاه اعلان عن وقت التسليم وما تقوليش شهر 6 لان دة متاخر جدا اصلا.. واللي انتي بتقوليه دة اللي هما بيقنعوا الناس بيه يا سارة!! .. انتي فاكراهم طيبين اوي كدة؟

اقتباس :

بالنسبة للموضوع الجديد ، أنا شخصياً لسة في مرحلة بحث عن كل مرشح ومش محددة أي حد علشان أكون مؤيدة له
فمش عارفة هاشترك في الحوار ازاي
ابدأوا انتم

انا مثلك بالظبط لسه بجمع معلومات علشان اقول رأيى بالظبط !!

بسمة جميل كتب:

الشهود اللي كانوا المفروض لصالح الشعب وضد مبارك وهيثبتوا التهمة عليه واعوانه.. في المحاكمة اتحولوا لشهود بتنفي التهمة من علي مبارك واعوانه..

يا سارة دي بتبقي في حالة الثورات.. بيبقي من غير محاكمات لان الدليل واضح في الثورات!!
ومافيش اختلاف عليه! .. لكن دلوقتي شوفي هنعد اد ايه علي ما يتحكم عليه والله اعلم الحكم هيعجبنا ولا لا!

تغاضيا عن انهم بيقطعوا المايك عن اللي بيقول الحق وبيسيبوه لناس زي مصطفي بكري .. بس ردا علي حتة لكتاتني.. واكتفي بانه يقول ما تقولش اسماء؟! دة سب علني لشخص يا سارة.. بيقول عليه عميل!! والمجلس بيصفق!!
أنا عن نفسي ضد 100% ..

ما حدش يقدر محمد ابو حامد ساعتها؟ مش كفاية ان كل مرة يقطعوا الصوت عليه والنواب يعملوا دوشة وما يعرفش يتكلم وبيصقفوا لما حد يقول عليه "فاسق" و.......... دة اتمرمط يا حاجة
واوضحلك تاني... العليمي كان بيقول المثل احنا سايبين الحمار وماسكين في البردعة.. وبعضها بيوضح المثل قال الحمار هو المشير مش المشير حمار زي ما انتي قلتي وفيه فرق كبير

كمان النائب المفروض البرلمان ما يحققش معاه علي حاجة اتقالت برة قبة البرلمان..

اة واحد قال بياخدوا ترامادول ووجبتين و200 جنيه

يا بنتي تسليم السلطة دة قايلين عليه من ساعة ما مسكوا الفترة الانتقالية وعمالين يمدوا بمزاجهم اصلا!! .. وفتح باب الترشح المفروض يبقي معاه اعلان عن وقت التسليم وما تقوليش شهر 6 لان دة متاخر جدا اصلا.. واللي انتي بتقوليه دة اللي هما بيقنعوا الناس بيه يا سارة!! .. انتي فاكراهم طيبين اوي كدة؟

بصي يا بسمة :
دلوقتي جزء شهود الإثبات وشهود النفي حاجة تجنن أصلاً
افرضي هو مش مسئول عن قتل المتظاهرين؟ افرضي هو مذنب في كل حاجة ومش مذنب في دي؟ (أنا عارفة إنه مذنب إن شاء الله ) بس لااااااازم دليل ، المفروض تكون محاكمة عادلة مش محاكمة مجهزينلها الحكم قبل ما نبدأ فيها !؟

تاااااااااااااااانيي عايزة أفكرك إن احنا الشعب اللي انتخبنا المجلس دة
وهو جوة المجلس بيكون ليه حصانة فمش بيتحااااااكم
أنا ضد الحكاية دي أصلاً 100 % و أظن النائب مصطفى البكري غلطان فيها جداً

وأان بصراحة مشفتش فيديوهات لجزء قطع المايك فمش هاعرف أرد ، لو هم بيعملوا كدة بالنص يبقوا غلطانين بس عايزة أعرف الموضوع بالتفصيل
حكاية إنهم بيسيبوا المايك لحد زي مصطفى البكري ، المفروض لو مجلس شعب صح يبقى فيه كل الآراء حتى الناس اللي زي مصطفى البكري بس في نفس الوقت يكون فيه ناس زي محمد أبو حامد ، مفهوم قصدي؟

دي غلطة مني ، بصي أنا شفت الفيديو أصلاً قبل ما أكتب الكلام دة بكذا يوم (ساعتها يعني) و تاني غلطة مني اني شبهت انه بيقول المشير حمار بانه بيقول الحمار هو المشير
بس التانية غلط بردو (وإن كانت مش زي الأولى ) ، حساها هبل منه أصلاً ! ، على فكرة أيام الثورة كنت أنا وماما بنحب نسمع كلامه (لأنه كان من شباب الثورة ) يعني أنا مش مستقصداه مثلاً

هناخد بنفس المثال ، كانوا بيقولوا في مجلس الشعب (إن جاءكم فاسق بنبأ فتبينوا) مش بيقولوا أبو حامد فاسق بيضربوا مثل بالآية بئا هاه
هههههههههههههههههههه أنا مش بحاول إني أدافع عن المجلس لأن الاثنين غلطانين المجلس والعليمي ، فهمتي قصدي؟
هاقربهالك
لو كنا في الفصل ورحتي قايلة على مستر المثال بتاع سابوا الحمار ومسكوا في البردعة وقلتي المستر هو الحمار xD ودخل المستر عليكي xD هيكون ايه موقفك؟ (بعد الشر عليكي لأن عارفة إنك مش بتشتمي حد )

اللي سمعته في التليفزيون إنه جوة البرلمان عنده حصانة ، برة البرلمان معندوووووووووووش ، دي عايزين حد بيفهم في القانون يقول عليها لأن ممكن كلامي غلط أو كلامك غلط منعرفش

هو الترامادول دة مش دواء؟ هو بيعتبر مكافأة مثلا؟ =] طيب دي كنتاكي كانت أحلى xD

هي ظروف البلد بتتغير
لما باجي أفكر فيها بعقل ، دلوقتي هيطمعوا في السلطة ازاي؟ مثلاً دلوقتي في ناس مصدقاهم لو اتأخروا يا بسمة كلوا هيقلب عليهم وهتحصل مظاهرات تاااااااني (ونعيد الثورة على بياض xD ) وهيتشالوا إن شاء الله ، أقصد محدش دلوقتي بئا بيسكت على حقه زي زمان ، فهم هيكذبوا ليه ؟

أنا مش بحاول أدافع عن المجلس العسكري ، أنا ضد تطويل مدة الفترة الانتقالية ومش من المؤيدين لحكمهم بسبب كثرة السلبيات بس إن شاء الله يكونوا بيصدقوا المرة دي
مش بحاول أقنعك إن الحياة جميلة أوي وكل حاجة تمام بس في نقس الوقت مش كل الأنظمة دي شياطين ، مش رزم أكون ضد طووووووووول الوقت وأي حاجة يقولوها علطول أقول أنا ضد ، ممكن أكون ضدهم بس بحاول أفكر في كل موقف لوحده ، فاهماني؟ ونفس الحكاية عن مجلس الشعب

واختلافي معاكي في الرأي لا يفسد للود قضية =] إن شاء الله
إن شاء الله الحوار يكون بيزود وعينا السياسي زي ما أنسطاسيا بتقول
ومادام مش عايزاها حوار خاص بيني وبينك ، منتظرة ردك هنا ^_- إن شاء الله ..

Mostafa كتب:

اقتباس :

بالنسبة للموضوع الجديد ، أنا شخصياً لسة في مرحلة بحث عن كل مرشح ومش محددة أي حد علشان أكون مؤيدة له
فمش عارفة هاشترك في الحوار ازاي
ابدأوا انتم

انا مثلك بالظبط لسه بجمع معلومات علشان اقول رأيى بالظبط !!

طيب كدة ملاحظة إن مفيش حد خالص بيتكلم في الموضوع دة

نأجله يا جماعة؟؟ وندخل في موضوع آخر ؟ ولا ايه آرائكم؟

انا نفسي لما طرحت الموضوع قلت انا مش عارف حاجة خالص و اللي انا عرفتة حطيته فبقول نرجع لموضوع مجلس الشعب بأه

اقتباس :

انا نفسي لما طرحت الموضوع قلت انا مش عارف حاجة خالص و اللي انا عرفتة حطيته فبقول نرجع لموضوع مجلس الشعب بأه

ماشى اهوه حتى الواحد يعرف يجمع معلوماته صح علشان مجلس الشعب فى نظرى حاجة مش صعبة ان الواحد يتكلم فيه !!

M.R MYSTERIO كتب:

انا نفسي لما طرحت الموضوع قلت انا مش عارف حاجة خالص و اللي انا عرفتة حطيته فبقول نرجع لموضوع مجلس الشعب بأه

طيب تمام
عندك أسئلة معينة؟؟

أبدأ أنا :

ايه سلبيات وإيجابيات مجلس الشعب في رأيكم؟

وأنا اتكلمت عنه كثير فوق فمش عارفة أقول ايه تاني دلوقتي

اقتباس :

أبدأ أنا :

ايه سلبيات وإيجابيات مجلس الشعب في رأيكم؟

وأنا اتكلمت عنه كثير فوق فمش عارفة أقول ايه تاني دلوقتي

فى رأئى سلبيات مجلس الشعب الحالى انه غير منظم يعنى دائما لما كنت بتفرج على معظم الجلسات بلاقى ناس تقوم فى غير دورها وناس تقوم تزعق على ايه مش عارف واللى يقوم يقول الاذان على ما أعتقد الواحد لازم يحترم المكان اللى هو فيه وميتعداش حدوده وايجابيات مجلس الشعب على ما اعتقد هى حاجة واحدة انه انتخب من الشعب فعلا يعنى مفيش تزوير مثل السنين السابقة لكن بصراحة مشفتش لغاية دلوقتى جديد فى الامور اه هما كل شوية يعرضوا مشكلة لكن مبشفش حل واقعى اوى مثلا مشكلة بورسعيد عملوا لجنة تقصى وقالت اللى عندها ماشى حاجة جميلة جدا لكن انا حاسس دلوقتى ان الموضوع نام خلاص قليل لما واحد يتكلم فيه !!

ايه يا جماعه الموضوع نام ليه محدش عايز يقول رأيه ولا ايه ؟!!

سارة أيمن كتب:

بصي يا بسمة :
دلوقتي جزء شهود الإثبات وشهود النفي حاجة تجنن أصلاً
افرضي هو مش مسئول عن قتل المتظاهرين؟ افرضي هو مذنب في كل حاجة ومش مذنب في دي؟ (أنا عارفة إنه مذنب إن شاء الله ) بس لااااااازم دليل ، المفروض تكون محاكمة عادلة مش محاكمة مجهزينلها الحكم قبل ما نبدأ فيها !؟

تاااااااااااااااانيي عايزة أفكرك إن احنا الشعب اللي انتخبنا المجلس دة
وهو جوة المجلس بيكون ليه حصانة فمش بيتحااااااكم
أنا ضد الحكاية دي أصلاً 100 % و أظن النائب مصطفى البكري غلطان فيها جداً

وأان بصراحة مشفتش فيديوهات لجزء قطع المايك فمش هاعرف أرد ، لو هم بيعملوا كدة بالنص يبقوا غلطانين بس عايزة أعرف الموضوع بالتفصيل
حكاية إنهم بيسيبوا المايك لحد زي مصطفى البكري ، المفروض لو مجلس شعب صح يبقى فيه كل الآراء حتى الناس اللي زي مصطفى البكري بس في نفس الوقت يكون فيه ناس زي محمد أبو حامد ، مفهوم قصدي؟

دي غلطة مني ، بصي أنا شفت الفيديو أصلاً قبل ما أكتب الكلام دة بكذا يوم (ساعتها يعني) و تاني غلطة مني اني شبهت انه بيقول المشير حمار بانه بيقول الحمار هو المشير
بس التانية غلط بردو (وإن كانت مش زي الأولى ) ، حساها هبل منه أصلاً ! ، على فكرة أيام الثورة كنت أنا وماما بنحب نسمع كلامه (لأنه كان من شباب الثورة ) يعني أنا مش مستقصداه مثلاً

هناخد بنفس المثال ، كانوا بيقولوا في مجلس الشعب (إن جاءكم فاسق بنبأ فتبينوا) مش بيقولوا أبو حامد فاسق بيضربوا مثل بالآية بئا هاه
هههههههههههههههههههه أنا مش بحاول إني أدافع عن المجلس لأن الاثنين غلطانين المجلس والعليمي ، فهمتي قصدي؟
هاقربهالك
لو كنا في الفصل ورحتي قايلة على مستر المثال بتاع سابوا الحمار ومسكوا في البردعة وقلتي المستر هو الحمار xD ودخل المستر عليكي xD هيكون ايه موقفك؟ (بعد الشر عليكي لأن عارفة إنك مش بتشتمي حد )

اللي سمعته في التليفزيون إنه جوة البرلمان عنده حصانة ، برة البرلمان معندوووووووووووش ، دي عايزين حد بيفهم في القانون يقول عليها لأن ممكن كلامي غلط أو كلامك غلط منعرفش

هو الترامادول دة مش دواء؟ هو بيعتبر مكافأة مثلا؟ =] طيب دي كنتاكي كانت أحلى xD

هي ظروف البلد بتتغير
لما باجي أفكر فيها بعقل ، دلوقتي هيطمعوا في السلطة ازاي؟ مثلاً دلوقتي في ناس مصدقاهم لو اتأخروا يا بسمة كلوا هيقلب عليهم وهتحصل مظاهرات تاااااااني (ونعيد الثورة على بياض xD ) وهيتشالوا إن شاء الله ، أقصد محدش دلوقتي بئا بيسكت على حقه زي زمان ، فهم هيكذبوا ليه ؟

أنا مش بحاول أدافع عن المجلس العسكري ، أنا ضد تطويل مدة الفترة الانتقالية ومش من المؤيدين لحكمهم بسبب كثرة السلبيات بس إن شاء الله يكونوا بيصدقوا المرة دي
مش بحاول أقنعك إن الحياة جميلة أوي وكل حاجة تمام بس في نقس الوقت مش كل الأنظمة دي شياطين ، مش رزم أكون ضد طووووووووول الوقت وأي حاجة يقولوها علطول أقول أنا ضد ، ممكن أكون ضدهم بس بحاول أفكر في كل موقف لوحده ، فاهماني؟ ونفس الحكاية عن مجلس الشعب

واختلافي معاكي في الرأي لا يفسد للود قضية =] إن شاء الله
إن شاء الله الحوار يكون بيزود وعينا السياسي زي ما أنسطاسيا بتقول
ومادام مش عايزاها حوار خاص بيني وبينك ، منتظرة ردك هنا ^_- إن شاء الله ..

ما قلت دي محاكمة ثورية اتكلمت انا ومستر محمد عبد الفتاح في الموضوع دة.. قالي اصلا احنا دلوقتي بنحاكم رئيس مخلوع ووزارته بدستور هو اللي حاطه!! يعني الحكاية عك.. وضربلي امثلة علي محاكمات ثورية حصلت..

ما هو المفروض ان كله ياخد حقه.. لكن محمد ابو حامد كل لما بييجي يتكلم ما حدش بيسيبله الفرصة ابدا!!

لا هو قاطع محمد ابو حامد وقال دة ردا عليه..
هو المدرس دة قتل ناس وسحلهم زي ما المجلس العسكري عمل؟!

الترامادول علي حد علمي بيخدر

بصي مهما اتكلمنا كل واحد ليه راي وانا مش هقدر اقنعك برايي وانتي مش هتقدري تقنعيني برايك.. وانا زهقت من الموضوع دة
اكيد طبعا اختلاف الراي والمناقشة بتنمي وعينا السياسي ان شاء الله


عايزاكوا تشوفوا الفيديوهين دول

بسمة جميل كتب:

سارة أيمن كتب:

بصي يا بسمة :
دلوقتي جزء شهود الإثبات وشهود النفي حاجة تجنن أصلاً
افرضي هو مش مسئول عن قتل المتظاهرين؟ افرضي هو مذنب في كل حاجة ومش مذنب في دي؟ (أنا عارفة إنه مذنب إن شاء الله ) بس لااااااازم دليل ، المفروض تكون محاكمة عادلة مش محاكمة مجهزينلها الحكم قبل ما نبدأ فيها !؟

تاااااااااااااااانيي عايزة أفكرك إن احنا الشعب اللي انتخبنا المجلس دة
وهو جوة المجلس بيكون ليه حصانة فمش بيتحااااااكم
أنا ضد الحكاية دي أصلاً 100 % و أظن النائب مصطفى البكري غلطان فيها جداً

وأان بصراحة مشفتش فيديوهات لجزء قطع المايك فمش هاعرف أرد ، لو هم بيعملوا كدة بالنص يبقوا غلطانين بس عايزة أعرف الموضوع بالتفصيل
حكاية إنهم بيسيبوا المايك لحد زي مصطفى البكري ، المفروض لو مجلس شعب صح يبقى فيه كل الآراء حتى الناس اللي زي مصطفى البكري بس في نفس الوقت يكون فيه ناس زي محمد أبو حامد ، مفهوم قصدي؟

دي غلطة مني ، بصي أنا شفت الفيديو أصلاً قبل ما أكتب الكلام دة بكذا يوم (ساعتها يعني) و تاني غلطة مني اني شبهت انه بيقول المشير حمار بانه بيقول الحمار هو المشير
بس التانية غلط بردو (وإن كانت مش زي الأولى ) ، حساها هبل منه أصلاً ! ، على فكرة أيام الثورة كنت أنا وماما بنحب نسمع كلامه (لأنه كان من شباب الثورة ) يعني أنا مش مستقصداه مثلاً

هناخد بنفس المثال ، كانوا بيقولوا في مجلس الشعب (إن جاءكم فاسق بنبأ فتبينوا) مش بيقولوا أبو حامد فاسق بيضربوا مثل بالآية بئا هاه
هههههههههههههههههههه أنا مش بحاول إني أدافع عن المجلس لأن الاثنين غلطانين المجلس والعليمي ، فهمتي قصدي؟
هاقربهالك
لو كنا في الفصل ورحتي قايلة على مستر المثال بتاع سابوا الحمار ومسكوا في البردعة وقلتي المستر هو الحمار xD ودخل المستر عليكي xD هيكون ايه موقفك؟ (بعد الشر عليكي لأن عارفة إنك مش بتشتمي حد )

اللي سمعته في التليفزيون إنه جوة البرلمان عنده حصانة ، برة البرلمان معندوووووووووووش ، دي عايزين حد بيفهم في القانون يقول عليها لأن ممكن كلامي غلط أو كلامك غلط منعرفش

هو الترامادول دة مش دواء؟ هو بيعتبر مكافأة مثلا؟ =] طيب دي كنتاكي كانت أحلى xD

هي ظروف البلد بتتغير
لما باجي أفكر فيها بعقل ، دلوقتي هيطمعوا في السلطة ازاي؟ مثلاً دلوقتي في ناس مصدقاهم لو اتأخروا يا بسمة كلوا هيقلب عليهم وهتحصل مظاهرات تاااااااني (ونعيد الثورة على بياض xD ) وهيتشالوا إن شاء الله ، أقصد محدش دلوقتي بئا بيسكت على حقه زي زمان ، فهم هيكذبوا ليه ؟

أنا مش بحاول أدافع عن المجلس العسكري ، أنا ضد تطويل مدة الفترة الانتقالية ومش من المؤيدين لحكمهم بسبب كثرة السلبيات بس إن شاء الله يكونوا بيصدقوا المرة دي
مش بحاول أقنعك إن الحياة جميلة أوي وكل حاجة تمام بس في نقس الوقت مش كل الأنظمة دي شياطين ، مش رزم أكون ضد طووووووووول الوقت وأي حاجة يقولوها علطول أقول أنا ضد ، ممكن أكون ضدهم بس بحاول أفكر في كل موقف لوحده ، فاهماني؟ ونفس الحكاية عن مجلس الشعب

واختلافي معاكي في الرأي لا يفسد للود قضية =] إن شاء الله
إن شاء الله الحوار يكون بيزود وعينا السياسي زي ما أنسطاسيا بتقول
ومادام مش عايزاها حوار خاص بيني وبينك ، منتظرة ردك هنا ^_- إن شاء الله ..

ما قلت دي محاكمة ثورية اتكلمت انا ومستر محمد عبد الفتاح في الموضوع دة.. قالي اصلا احنا دلوقتي بنحاكم رئيس مخلوع ووزارته بدستور هو اللي حاطه!! يعني الحكاية عك.. وضربلي امثلة علي محاكمات ثورية حصلت..

ما هو المفروض ان كله ياخد حقه.. لكن محمد ابو حامد كل لما بييجي يتكلم ما حدش بيسيبله الفرصة ابدا!!

لا هو قاطع محمد ابو حامد وقال دة ردا عليه..
هو المدرس دة قتل ناس وسحلهم زي ما المجلس العسكري عمل؟!

الترامادول علي حد علمي بيخدر

بصي مهما اتكلمنا كل واحد ليه راي وانا مش هقدر اقنعك برايي وانتي مش هتقدري تقنعيني برايك.. وانا زهقت من الموضوع دة
اكيد طبعا اختلاف الراي والمناقشة بتنمي وعينا السياسي ان شاء الله


عايزاكوا تشوفوا الفيديوهين دول

أنا أساساً اتخنقت منك xDDDDDDDDDDDDDDD
روحي العبي بعيد
المشكلة إن رأيي "غريب" يعني انا ضد المجلس العسكري بس بحاول أحكم كل موقف لوحده فمش هتفتعي بكلامي فعلاً
هابقى أقتبس كلام من الفلسفة ، خلينا نستفيد حاجة من المادة دي :S
جاري مشاهدة الفيديوهين

بصي أنا مش بحاول أشوف أي فيديوهات فيها ضرب أو أي شيء من هذا القبيل لأن هتتعبني نفسياً وفي نفس الوقت مش هستفيد حاجة
بس هل فعلاً المجلس العسكري عمل كدة؟ المشكلة حضرتك إني مش قادرة أصدق أو استوعب ! يعني هو وافق على اللي حصل ؟ ولا حد تاني عمل كدة؟ أو واحد بس عمل كدة من العساكر المش محترمين؟
وأنا قلت مرة إني مش ضد محمد أبو حامد ومش مبسوطة بمقاطعة الكلام لكن أنا معتقدة إن د/ الكتاتني كويس وفيه نواب كويسين مش كلهم وحشين
ههههههههههههههه شكراً على المعلومة ، ممكن يبقى قصدهم مخدر فعلاً ، بس أنا كنت فاكراه دواء

بس أان ضد المحاكمات الثورية
لو اتحاكموا محاكمة عادلة حقيقية أكيد هيكونوا مذنبين
بصي أنا بأكد كلامي نفسي يتحاكموا عل ىالفساد في التعليم اقتصاد سياسة ثقافة ... إلخ !! ليه ميتحاكموش على تدميرهم للدولة؟
فاكرة مثلاً لما درسنا الثورة الفرنسية في الأدب في المدرسة
فاكرة محاكماتهم الثورية؟ بتكون مبنية على أهواء ورغبات شخصية منغير أي عدل
هو احنا صحيح درسناها من ناحية أدبية بس دي تدي لمحة عن الناحية السياسية بردو
على العموم هحاول أقرأ عنها
ومجلس الشعب سلبياته أكثر من إيجابياته لكن احناااااااااااااا اللي انتخبناه بئا
وكدة مش هيبقى حوار
كدة يبقى سوفوسطائية xDDDDDDDDDDDDD
نبطل سفسطة بئا شوية xDDDDDDDDD
(شوية فلسفة )
جاري مشاهدة الفيديوهات
مع إني مش بهاجم د/البرادعي ولا أبو حامد

Mostafa كتب:

ايه يا جماعه الموضوع نام ليه محدش عايز يقول رأيه ولا ايه ؟!!

احنا قولنا رأينا عن مجلس الشعب فوق في كذا رد ، منتظرين أي عضو تاني أو نبدأ موضوع جديد مثلاً

عذرا للغياب الطويييييييييييييييييييييييييييييييييييييييييييييييييييييل أوي ده بس ده طبعا لظروف المدرسة و الاستعداد للامتحانات و كمان كان في حاجة فصلتني هههههههه ( بسمة جميل ) أكيد فاهمة قصدي مش مشكلاتنا طبعا انا كنت بدخل عشوائيا كده بس مكنتش لسة كملت قرايتي في موضوع الرئيس المنتخب و كده
بعد مجهوووووود طويل :
توصلت ان من رأيي ان لحد دلوقتي انا شايف ان الاصلح هو د ( عبدالمنعم ابو الفتوح ) لانه راجل عنده وعي سياسي كويس كما ان برنامجه عاجبني ......... ياريت كل واحد يكتب رأيه في د عبدالمنعم و كمان مرشحه الأصلح من وجهة نظرة

بسمة جميل كتب:

عايزاكوا تشوفوا الفيديوهين دول

بصي يا بسمة أنا عند وعدي إن شاء الله إن لي عودة لمشاهدتهم بس حضرتك مدة الفيديو الأول ساعة والثاني نص ساعة ومفيش وقت حالياً >_<

فانتظريني xDDDDDD

M.R MYSTERIO كتب:

ع انا كنت بدخل عشوائيا كده بس مكنتش لسة كملت قرايتي في موضوع الرئيس المنتخب و كده
بعد مجهوووووود طويل :
توصلت ان من رأيي ان لحد دلوقتي انا شايف ان الاصلح هو د ( عبدالمنعم ابو الفتوح ) لانه راجل عنده وعي سياسي كويس كما ان برنامجه عاجبني ......... ياريت كل واحد يكتب رأيه في د عبدالمنعم و كمان مرشحه الأصلح من وجهة نظرة

تمام
أنا اقترح إن موضوع رئاسة الجمهورية نفصله من الموضوع دة لأن الموضوع التاني كبير وزي ما قلنا قبل كدة لسة محتاجين نعرف معلومات أكثر
فاقترح نقل النقاش عن الرئاسة إلى هنا

بما ان الموضوع نام شوية زي مانا شايف و خاصة ان احنا في فترة امتحانات , فتحبوا يكون الموضوع الجديد ايه |؟؟ انا شايف انه يكون عن خروج المتهمين الجانب ( الامريكان ) المتهمين في قضية التمويل الأجنبي من غير حساب و ان المتهمين المصريين لسة مخرجوش من االسجن اساسا

M.R MYSTERIO كتب:

بما ان الموضوع نام شوية زي مانا شايف و خاصة ان احنا في فترة امتحانات , فتحبوا يكون الموضوع الجديد ايه |؟؟ انا شايف انه يكون عن خروج المتهمين الجانب ( الامريكان ) المتهمين في قضية التمويل الأجنبي من غير حساب و ان المتهمين المصريين لسة مخرجوش من االسجن اساسا

الموضوع غامض جداً ، ليه عملوا كدة ؟! وليه القضاة رفضوا؟!
أنا ضد الحكاية دي لكن مش فاهماها
المفروض مجلس الشعب حدد جلسة 11 مارس لمناقشة القضية دي ، يااارب يعملوا أي حاجة !

أقترح مناقشة الأحداث الجارية في البلد دلوقتي في محافظة بورسعيد وردود الأفعال
مش عارفة إن كان الموضوع دة ليه علاقة بـ " السياسة" ولا لأ

اقرأوا الأول الخبر هنا

وأنا هادخل في الموضوع علطول لأن الموضوع دة خامل من فترة و التصويت هياخد وقت
لو حد معترض على الموضوع يقول ..

*************************

مش لو أي نادي جماهيره عملوا شغب بسيط بيتعاقب ؟؟ دة نادي (أثبتت التحقيقات وجود بلطجية ومساعدة من عدد من جماهيره ) وعارفة إن مش كل الجماهير ومساعدة من مسئولي الأمن والاستاد في ""قتل"" جماهير الأهلي ، يبقى طبيعي جداً يفرضوا عليهم عقوبات ، والاستاد الموجود هناك حصلت فيه كارثة طبيعي يوقفوه

ليــــــــــــــــــه التعصب؟؟؟
أنا أصلاً ضد الناس اللي بتشتم في بورسعيد وتقول عليها دولة اليهود و ...... !! لأن بورسعيد محافظة مصرية لها تاريخ وأهلها ناس محترمين ، مش هنحكم على محافظة بالبلطجية اللي فيها اللي هم أسوأ ناس فيها أصلاً!!
دة الناس بتقول فتنة بين "القاهرة" و "بورسعيد" .. ايه الكلام الفارغ دة ؟؟!
ايه رأيكم في الموضوع دة أصلاً؟؟

مينفعش مقاطعة محافظة بورسعيد وبالتالي نشعرهم إنهم مضطهدين وإنهم بيتشتموا بسبب "النادي الأهلي" (دة تفكيرهم أظن) فبالتالي يكرهوا النادي الأهلي ويتعصبوا للنادي المصري والدنيا تولع لما يفرض عقوبات

بالشكل دة ، كرة القدم تستحق الكراهية
ازاي أصلاً جماهير يقدروا يتفرجوا على مباريات تاني بعد اللي حصل لجماهير الأهلي
دة كان كارثة كبيرة وصعب جداً إنها تتنسي

عذرا مرة أخري للتغيب الطويللللللل
بدون حججج هبدأ الموضوع الجديد :
ما رأيك في كل من : (بيفكرني بامتحان التاريخ السؤال ده )
1- قانون الغدر
2- // العزل السياسي
3- // الثانوية العامة الجديد